Mondolir ugure Uttiesar
8
Ar Saula Stephanare hun goranagan raji oie.Sei dinnie Jerusalemo Mondolibuo biruddie birat hosto lagana arambo olo. Apostolun bade, thara begkun Judea ar Samaria rejjioganit shittiribonggo oion. 2 Itchior-bhokti manuschune Stephanare garelakkoi ar tartei baari abiles helak. 3 Saula ole, ghore-ghore sominei milie-morod sejerei aninei jiel-hanat bhorei thobartei gojei di di, mondolibuore baari hoti gorilo.
Philibe Samaria Rejjiot Prosar Gorilo
4 Sengori jigune shittiribonggo oion jagai-jagai jeinei prosar gorilakkoi. 5 Ar Philibe Samaria sohorot jeinei Kristor hoda prosar gorilogoi. 6 Philibe amok ham gorsiede sieni deginei ar suninei, ar the hoiede hodagani shagor manjie ega mone sunilak. 7 Haron onek hajorchie aptai peiegunottun hajorchie aptagune jogar parinei nigili jeion ar onek ajorchie ar leng-adur gom oion. 8 Sebeden sei sohoranot birat hujhi olak.
Bhilgi Parie Simono Hoda
9 Sei lokkene Simon nange ek jon manus elo, sei agendi, sohoranot the bhilgi degenei Samaria manuschun amok gorinei, the ek jon dangor manus bili holeie. 10 Sigonottun dhori dangor song, tare begkune hando gorinei holak, “Ei manuschuo olode Itchiorbuor dangor hemodagan.” 11 Onek somoi song the tar bhilgi darai manuschunore amok gori thoie hinottei thara tare hando gorsion. 12 Hintu jokke Philibe Itchioro rejjiogano sombonde prosar gorilo ar Jisu Kristor nangano sombonde holo, miliei ar morode bischias gorinei thara baptisma gorilak. 13 Sebeden Simone the nijeio bischiaso baptisma gorilo. The Philibo loge eksottie theinei, amok ar sinno hamani deginei shanggadik amok olo.
14 Jerusalem sohorot agonde apostolune jokke Samaria manuschune Itchioro hodagan bischias gorsion bili sunilak, thara Johonore ar Pitorore tharar sidu dipadelak. 15 Thara jeinei Samaria manuschune Pobitro Apta pan para bor magi dilak. 16 Haron Pobitro Apta ejosong tharar huno jono ugure no poregi. Tharare bana Probu Jisur nange baptisma gori die oie. 17 Sebeden Pitore ar Johone tharar ugure ad tuli dinei, thara Pobitro Apta pelak. 18 Sei lokkene apostolune manjior ugure ad tuli dile Pobitro Apta pande sien Simone jokke degilo, the tharare tenga? jajinei holo, 19 “Mui jar ugure ad tuli duong the Pobitro Apta pai para, ei hemodagan moreio duo.” 20 Sebeden Pitore tare holo, “Itchioro boran tenga? dinei pai bili tui mone goror hinottei, tor tengagun tor loge ses olak. 21 Itchioro sog degat tor monan uju noi hinottei, ei hamanot tui bhag no pebe ar phagodio somi no pebe. 22 Senottei, tor dujchanottun tor monan phirie. Itchiorottun bor mag, ole tor mono dharonagan the hema gori pare. 23 Haron mui degongotte tor ontoran tidie oie ar aw-dharmigkane tore bannie.” 24 Sebeden Simone uttor dinei holo, “Mortei Probuttun bor magi duo jene tui holede sieni ekkanio mor ugure no eje para.” 25 Ar Probur hodagani shakki denar ar prosar goranar porendi, thara Jerusalemot phiri gelakkoi. Jade thara onek Samaria manjior adamanit gom hoboran prosar gorsion.
Philippoi Ethopia Manuschunor Hoda
26 Probur ekkuo sorgo-dude Philibore holo, “Udinei, Jerusalem sohorottun Gaza sohoro mokkie jeiede pode-pode dogkin mokkie ja.” Sien olode ekkan murobomi jaga. 27 Sebeden the udinei gelo. Ar sawh, ek jon Ethopia manus siot elo. The olode nomonshuk ar dangor odhihar-bola manus. Ar the olode Ethopia manuschunor rani Kandakir beg dhon-sompotti rakkolibuo. The Itchior tobona goribartei Jerusalem sohorot jeie. 28 The sittun phirer, ar the tar rodtanot bojinei muni Isaia boibuo madar. 29 Sebeden Aptabuoi Philibore holo, “Jeinei rodtanoi egottor ogoi.” 30 Senottei Philibe tar sidu daba-daba gelo ar the muni Isaia boibuo madade suninei tare holo, “Tui madotte sien buji paros ni?” 31 Ar Ethopia Manuschuoi holo, “Ek jone more bhangi no dile hingori mui buji parim?” Sebeden the Philibore rodtanot udinei tar hai bojibartei hujoli gorilo. 32 The madatte Sastro bhagkuo olode ien:
“Habibarlottei bera-shagol nejaidie dogkie gori tare neja oie. Bera-shagolo shawhbuoi jedogkie gori heis habidiebuor mujungot juro gori thai, thik sedogkie gori the tar muon no hule.
33 The niroit oinei tare oinniei gora oie. Haron tar poranan songsarottun neja oie hinottei honna tar bongsogun monot tulibo?”
34 Sebeden nomonshukkuoi Philibore uttor dinei holo, “More hodei, munibuoi ien har hoda hor? Tar nijor hoda, nahi oinnio jonor hoda hor.” 35 Sebeden Philibe ho dorilo ar ei Sastroganottun arambo gorinei Jisur sombonde tare janei dilo. 36 Ar thara podedi jade-jade ekkena pani lagot pelakkoi. Sebeden nomonshukkuoi tare holo, “Sa, iot pani age. Baptisma goranattun hie more badha goribuo? 37 Sebeden Philibe tare holo, “Tui judi tor goda ontorandoi bischias goros, tui gori paribie.” Ar the holo, “Mui bischias gorong, Jisu Kristo olode Itchioro puo.” 38 Sebeden rodtan thameibartei the ugum dilo Ar Philippoi nomonshukkuo paniganot lami-lakkoi, ar Philibe tare baptisma gori dilo. 39 Ar thara panittun jokke udilakki, Probur Aptabuoi Philibore dhori nilo. Senottei, nomonshukkuoi tare no degilo ar. The tar podedi hujhi gori jargoi. 40 Hintu Philibore Azetos sohorot degilak. The jade, Kaisarea sohorot lungegoi song beg sohoranit prosar gori-gori jeie.