Sat Jon Bei tulilak
6
Ar sei lokkene, jokke sisjio-guno songkie barton, ekkan abitti porilo. Grik hoda honde Judaigune Hebru hoda honde Judaiuno biruddie abitti dilak. Haron tharar rani-miliegunore din bagene bhat dede aw-pela goron. 2 Sebeden barojon apostole sisjioguno jhagkuo dagi thubeinei holak, “Itchioro hodagan bad dinei porsoni haman gorana amattei thik noi. 3 Senottei, bheilog, tomar moiddiettun sat jon togo. Thara gom shakki die, Pobitro Apta bhora ar gyeni uo poribo. Ami tharar ugure ei haman bhar di pari para. 4 Hintu ami nije eksottie bor maganat ar hodagan prosaro hamot lagi thebong.”5 Ar hodagan begkuno monot porilo. Sebeden thara Stephanare bei lolak. The olode bischias ar Pobitro Aptaloi boron. Philibore, Prokorore, Nikanorore, Timonore, Parmenasore ar Nikolareio thara bei lolak. Nikola olode Antiok sohorottun. The Judaiuno dhormot sommie. 6 Sei manuschun thara apostolunore gojei dilak. Apostolune tharare madat dhorinei bor magi dilak.
7 Sebeden Itchioro hodagan shidie gelo. Jerusalem sohorot sisjiogunor songkie shanggadik barilo, ar shagor dhormothagure bischiaschan mani lolak.
Stephanare Dhorilak
8 Bischias ar hemoda-bola Stephanai manuschunor moiddie dangor-dangor oborug ar sinno ham gorsie. 9 Sebeden shadin manuschunor synagog honde sigunottun biruddi udilak. Thara olakke Judai manus Kurini bamottun, Alexandria sohorottun ar Kilikia ar Asia rejjioganittun. Sigune Stephanaloi torgo arambo gorilak. 10 Stephana jei gyenandoi ar Aptabuor darai hoie thara sieno samne thori no paron. 11 Sebeden thara gubone hoiek jon manus bhejei dilak. Sigune holak, “Mosir ar Itchioro biruddie the sorjade ami suinniei.” 12 Ar thara manuschunore, borjonnunore, ar dhormo niomo mastorunore jagulug bodei dilak. Sigune Stephanar biruddie einei tare dhorinei senhedrinnuo samne nejeilak. 13 Thara mijie-shakkidieio nejeion. Sigune holak, “Ei Manuschuoi ei pobitro jaganor ar Niomano biruddie sorjana huno din no thamai.” 14 Haron the hode ami suinnei jei ei Nazareth hullie Jisu ei jagan dongso goribuo ar Mosi amare dede dosturani bodolei dibo.” 15 Senhedrinnuot boi agonde sigune begkune Stephanare ekrini sei agon. Tar muon sorgo-dudo muo dogkie degkuon.