Sanhedrino Samne
Pitorloi Johone
4
Thara manuschunore hode, dhormothagurune, mondiro subidaro netabuo ar Saddukigun tharar sidu lungilakki. 2 Tharattun baari rak udilo, haron thara prosar goronde Jisur darai morattun jiei udibag. 3 Thara Pitorore ar Johonore dhorinei, tar hellie song tharare jielot tholakkoi, haron sokke honatto bellie-bellie oie. 4 Hintu suinnionde manuschunottun onek jone bischias gorsion. Sebeden manjior songkie perai pas azar olak.5 Ar edogkie olo, tar hellie, murubbigune, borjonnune, ar dhormo niomo mastorune Jerusalemot thubeilak. 6 Moharaj-guruthagurbuo Anna ar Kaiapha, Johon, Alexander ar moharaj-guruthagurbuor ghorbuobuor oinnio jono siot elak. 7 Sebeden tharare song moiddie aninei tharattun pujor gorilak, “Har hemoda darai Babor nange ien tumi gorila?” 8 Sebeden Pitore Pobitro Aptaloi boron oinei tharare holo, “Manuschunor murubbigun ar Israelo borjonnun: 9 Upai-sara Manuschuore ami gom ham gori dinei, jieno darai the gom olo, judi edchie tumi amare porikkie gorode oi, 10 tomare begkunore ar beg Israel manuschunore janei duong, tumi krosot duode ar Itchiore morattun jiei tulliede Nazareth hullie Jisu Kristo nangano darai ei manuschuo puro gori gom oinei tomar begkuno mujungot thiei agegi: 11 ‘Ibie olode tumi ghor-tulliegune phelei dode silluo, jibe begottun gunor huno-silluo olo.’ 12 Muktigan haro iot nei, haron sorgo tole manjiore nang thoi duonde moiddie amare mukti goribar oinnio nang nei ar.”
13 Pitoror ar Johonor sahojchan thara deginei, ar thara lega-pora no janon, ar podu noi bili buji parinei thara amok olak. Ar thara hobor pelakke thara Jisur loge roion. 14 Ar gom oiede manuschuo tharar loge thiei thagke deginei, sieno biruddie thara hitchu no holak. 15 Hintu tharare sanhedrino siottun barendi jebartei thara ugum dilak. Sebeden thara-thara huobula gorilak. 16 Thara holak, “Ei manuschunore ami hi goribong? Haron, jodepode gori tharar darai ekkan dega jaidie sinno ham gora oie. Ar sien beg Jerusalem hulliegune hobor peion, sien ar ami bharei no pari. 17 Hintu ei hodagan manjior moiddie ja no oi para ar, ei nangan ikkiettun dhori harore no hon para, shanggadik gori tharare domki lagei.” 18 Sebeden tharare daginei, Jisur nangan shobai no hobartei ar Jisur nange sigkie no dibartei tharare ugum dilak. 19 Hintu Pitorloi Johone tharare uttor dinei holak, “Itchioro sogedi hubon thik obo? Ami tomar hoda dhortong nahi, Itchioro hoda dhortong? Tumi bijier goro? 20 Haron ami jieni degkiei ar suinniei sieni no hoie gori ami thei no pari.” 21 Sebeden tharare bes gori dhomki dinei iri dilak. Thara gorsionde hamanottei beg manuschune Itchiorore baini Gorton hinottei tharare sasti dibar upai no pelak. 22 Haron ei gom gori denar amok haman gora oiede sibie solis bojorottun bes boios oie.
Bischiasigunor
Bor Maganagan
23 Ar shoran peinei, thara tharar nijor somarsieguno sidu jeinei, rajguruthagurune ar borjonnune tharare hoionde sieni begkani tharare janeilakkoi. 24 Sei hodagani thara suninei, thara ekmon eksong oinei birat ro gori Itchiorore holak, “Probu, tui olede sorgo, pittimi, sagor ar sienit agede sieni begkani baneiebuo Itchiorbuo tui. 25 Tui tor sagorsie Davido muendi Pobitro Aptar darai hoios:
‘Be-jadtune hittei rak tullion? Ar manuschune hittei dorkar no lakkie hoda bhabon?
26 Pittimir rajagune ar murubbigune, PROBUR ar tar Kristo biruddie eksomare udilak.’
27 “Haron jodepode gori tumi tel guli duode tomar pobitro Sagorsiebuo Jisur biruddie, Herod loi Pontio Pilade Be-jadtun ar Israel manuschun somot thubeion. 28 Tomar adtanie ar monanie akke dhori jien goribar elo sien gorsion. 29 Probu, ikkie tharar dhomkieni sa. Tor sagorsiegune Tor hoda bug-doro gori hoi paron para sahoj de. 30 Tor pobitro Sagorsiebuo Jisur nangano darai manus gom gori pari para, sinno ar amok ham gori pari para tor adtan babei de.”
31 Sebeden thara bor magi phureinei, thara thubeionde jagagan girgirei udilo. Ar thara begkune Pobitro Aptaloi boron oinei, bug-doro gori Itchioro hoda holak.
Bischiasigune Song somare Hamot Lagan
32 Shagor bischias gorsionde sigune ekmon eksong oion. Tharattun huno jone ekkan jinijio nijor bili dabi no gorsie gori tharar agede beg jinijchani song somare hamot lagan. 33 Birat hemoda somot apostolune Probu Jisur jiei uduonagan shakki duon, ar begkuno ugure shanggadik doyegan elo. 34 Tharar moiddie haror huno hitchu pora nei. Haron jagabolagune bah ghorbolagune sieni bejinei tengagun? anon. 35 Ar tengagun? aninei apostoluno tengot thara gojei duondi. Sebeden jar jien lagede doge apostolune tengagun bhag gori duon. 36 Ar Kupra dejottun Joseb nange ek jon Levi manus, tare apostolune Barnaba nang thoi duon. Sieno orthogan, Shantona die manus. 37 Theo hed bejinei tengagun? apostoluno tengot gojei dilogi.