Pitore Ek jon Leng
Gom Gorilo
3
Bellie tin ta bajinei, Pitorloi Johone bor magibar somoiot somora-somori mondirbuot jadon. 2 Ar ek jon gorbhottun dhori leng manus mondirbuot somandoide sigunottun bikkie magibartei nitto mondolibuor Doul Girie Duoranot ninei thondoi. 3 The Pitorore ar Johonore mondirbuot somibar oionde deginei, tharattun bikkie maga dorilo. 4 Johon somot tare ekrini sei agon, Pitore tare holo, “Amare sa.” 5 Senottei tharattun huno ekkan pebar ashai tharare mondi sei age. 6 Sebeden Pitore holo, “Mor sona rubuo nei, hintu mor jien age sien mui duong. Nazareth hullie Jisu Kristo nange, thieinei bera.” 7 Ar the tare den adtanoi dhorinei alok gorilo. Ar jogon-togon tar thenganit ar thengopada joragunot bol somilo. 8 Sebeden the phal mari udinei thieilo. Ar the adi-adi jeinei tharar loge mondirbuot somilogoi. The adi-adi, phal mari-mari Itchiorore baini gorerloi. 9 The berade ar Itchiorore baini gorte beg manuschune tare degilak. 10 Sebeden thara hobor pelakke jei the olode mondirbuor Doul Girie Duoranot boinei bikkie magiebuo. Tar hi olo sien deginei thara amok oinei asarjio olak.Pitore Sei Agonde
Sigunore Hor
11 Leng manuschuo jibe gom oie, sibiei jokke Pitorore ar Johonore dhorinei age, beg manuschun shanggadik amok oinei Solomonor baranda honde siot daba einei tharar idu thubeilakki. 12 Pitore sien deginei the manuschunore holo, “Oh Israel manuschun, ien hittei amok ola? Ar amar nijor hemoda darai bah pobitro darai ei Manuschuore bera bajei diei die dogkie amare hittei ekrini sei ago? 13 Abrahamor, Isaakor ar Jakobor Itchiorbuoi, jibe amar buro-burigunor Itchior, sibiei tar sagorsie Jisure sorman gorsie. Jokke Pilade tare iri dibartei seie sokke tumi tare gojhi no loinei tumi tar adot gojei duo. 14 Pobitrobuore ar Dharmigkuore tumi osikar gorsio, ar tomare dibartei hungoriebuore magkuo. 15 Ar tumi Jibono Probubuore morei phelluo, hintu Itchiore tare morattun jiei tullie, ar sienor shakkidiegun olongge ami. 16 Tumi degotte ar sinode Manuschuoi Jisur nangan bischias gorsie, ar Jisu tare shokti die. Tar nangan bischias gorsie hinottei the gom oinei begkuno mujungot agegi.
17 “Bheilog, mui hobor pang tumi ien bhul gorinei gorsio ar tomar murubbiguneio gorsion. 18 Hintu Kristo dug-hosto pebogidie sieni Itchiore honatto tar beg muniguno muendi hoidie. Ar sieni Jisu purei dilogi. 19 Senottei, monani phireinei ejo jene tomar pabpani muson oi para, ar Probur samnettun mono hujhigan eje para. 20 Ar jiber sombonde agendi tomar idu prosar gora oie sei Jisu Kristore tomar idu the padei de para. 21 Beg jinijchani aro purona dogkie bana no oi song Jisu sorgot thana dorkar. Sei hodagan Itchiore ei age tar beg pobitro muniguno muendi hoie. 22 Haron Mosi jodepode gori amar buro-burigunore hoi jeie, ‘PROBU tomar Itchiorbuoi tomar bheilogo moiddiettun mor dogkie muni ek jon tomartei tulidibo. The tomare jei hodagani hoi sieni begkani suinnio. 23 Ar edogkie obo, je sei munibuor hoda no sunibo, manuschuno moiddiettun Sibiere puro gori dongso gora obo.’ 24 Samuelottun dhori ar tar porendi beg munigune ar onek jone jodepode gori sei dinun agami hoi di jeion. 25 Tumi olade munigunor puogun ar Itchiore amar purbo-puruschundoi sukti gorsiede sieno puogun. The Abrahamore hoie, ‘Tor bongsoguno darai songsaro beg ghorbuogune asirbad pebak.’ 26 Itchiore tar sagorsiebuo Jisure tulinei, tomare asirbad goribartei ar jon bagene tumi tomar bojon-ganittun phiribartei tare akke tomar idu padeie.”