Pentikost Dinnuot
Pobitro Apta Elo
2
Pentikost Dinnuo jokkene puro gori lungiegi, thara begkune ekmon oinei ekkan jagat thubeilak. 2 Sebeden abada gori sorgottun ekkuo sobdo bor boier batte dogkie gori einei thara boi elakke ghoranot sominei boron ologi. 3 Ar aguno dogkie phaga jil tharar sidu dega dinei, tharar jon bagene mada ugure ekkan-ekkan bojilogi. 4 Sebeden thara begkune Pobitro Aptaloi boron olak ar Aptar bole thara oinnio hodadi hoda ho arambo gorsion.5 Sei lokkene Jerusalemot thande Judaiune, ar nanan jagattun ejchionde Itchior bhokti manuschun siot elak. 6 Ar jokkene ei sobdobuo olo, manjior jhagkuo eksomare elak. Tharar nijor hodadi hode suinnion hinottei thara jagulug bodilakki. 7 Thara begkune asarjio ar amok oinei ek jone aro ek jonore hodon, “Sawh, hoda hodonde sigun begkun Galili hullie noi ni? 8 Ar hingori ien amar nijor jormottun dhori sunirte hodadi sunir? 9 Ami olongge Parthia dejottun, Media dejottun, Elamit dejottun, ar Mesopotamia dejot theie, Judea dejot theie, Kappadokia dejot theie, Pontas dejot theie ar Asia dejot theie. 10 Phrygia dejot theie, Pamphulia dejot theie, Egypt dejot theie, ar Kurini sohoro hai Libia elagat theie, ar Rom sohorottun ejchie Judai manus ar Judai dhormot sommiedagio agi. 11 Kret dippuo manus ar Arab dejo manus Itchioro oborug hamanir hoda amar nijor hodadi thara hode sunir.” 12 Senottei thara begkune amok oinei jagulug bodi, ek jon aro ek jonore hodon, “Ien hi ortho oi pare?” 13 Hintu oinnio ek dagie thatta gorinei holak, “Thara siot nuo mod hei nei mattol oion.”
Pentikost Dinnuot
Pitoror Prosar
14 Hintu Pitoror egarojon apostol somot udinei, birat ro gori holo, “Oh Judea manuschun ar beg Jerusalem hulliegun, mor hoda suno mui tomare ien janei duong. 15 Tumi mone gorotte ijebe igune mattol no on. Haron ikkie bana beinnie noita. 16 Hintu ien olode muni Joele hoi jeie sien: 17 ‘Itchiore hor,
‘Sejo dinunot mui beg manuschuno ugure mor Aptabuo dali dim. Tomar puo-jhigune muni dogkie gori hoda hobak. Tomar gabursiegune azilie degibak ar tomar burogune sobon degibak.
18 Sei lokke mui mor Aptabuo mor morod-sagorsieguno ugure ar milie-sagorsieguno ugure dali dim, ar thara muni dogkie gori hoda hobak.
19 Uguredi sorgot mui oborug ham degeim ar toledi pittimit mui sinno degeim: Lo, agun ar dhumor meg.
20 PROBUR oborug ar mohima dinnuo no ette belan andhar oi jebo, junan lo dogkie obo.
21 Sebeden edogkie obo, je ‘PROBUR nangan dage the mukti pebo.’
22 “Israel manuschun, ei hodagani suno. Nazareth hullie Jisure Itchiore tomar idu upojukto gorsie. Tar darai tomar moiddie oborug ham, asarjio ham ar sinno ham gora oie, sieni tumio nije hobor po. 23 Tare udischuo loinei ar Itchioro agami gyendoi tomar idu gojei die oie. Tumi tare niom sara adtoi loinei, krosot dinei morei phellio. 24 Moronar jontronagani ses gori dinei Itchiore tare jiei tullie. Haron moranagane tare dhori rageibar sombob noi. 25 Haron Davide tar sombonde hoie,
‘PROBUIE mor samne onsur thagke mui degkuong. The mor denedi age hinottei hitchuie more jhagerei parto noi.
26 Senottei mor ontoran hujhi oie ar mor jilan anondo elo. Ar mor heyegano ashaganot jireibo.
27 Haron tui mor aptabuore padalot iri ede noi, ar tui tor Pobitrobuore poji jebartei no dibe.
28 Tui more jibono podtan degei duos. Tui tor samne more puro gori hujhi goreibe.’ ”
29 Pitore aro hor, “Bab-bheilog, mui tomare hulomela gori hoi parong amar Purbo-puruschun Davide mori jeinei tare gareion. Ejchie song tar sidiesalan amar idu age. 30 The muni hinottei, the hobor pai jei Itchiore sobot heinei tare soittio dede jei, heyet onusare tar bongsottun ek jon tulinei tar singasono ugure bojeibo, ar sibie olode Kristo. 31 The akke dhori ien deginei Kristor jiei uduonagano sombonde the hoiede jei tar aptabuo padalot iri ede noi ar tar heyegano poji jedo noi. 32 Ei Jisure Itchiore aro jiei tullie, ar ami begkune olongge sieno shakkidiegun. 33 Senottei Itchioro den adtoi tare tulo oie hinottei, ar Babottun Pobitro Aptar soittiogan peinei, the ien dali die jien ikkie tumi degor ar sunor. 34 Haron Davide sorgot no udegoi, hintu the nije hoie,
‘PROBUIE mor Probure hoie, “Mor denedi boi thak,
35 Mui tor sottrugun tor thengot tole thong song.” ’
36 “Senottei, beg Israelo ghor-buogune hamakkai hobor padok jei tumi krosot duode Jisure Itchiore Probu ar Kristo baneie.”
37 Jokke thara sien sunilak, tharar ontorot phudinei, Pitorore ar oinnio apostolunore thara holak, “Bab-bheilog, ami hi goribong?” 38 Sebeden Pitore tharare holo, “Monani phiro, ar pabpani hema pebartei tumi jon bagene Jisur nange baptisma goro, sebeden Pobitro Aptar bor’an peba. 39 Haron protiggiagan olode tomar, tomar puo-shabagunor, durot agonde sei begkunor, ar amar Probu Itchiorbuoi jedogkunore dage siguno begkunor.” 40 Ar onek oinnio hodaloi the shakki dinedi tharare ujuleinei holo, “Ei jugor dujto manuschunottun mukti aw.”
41 Sebeden jigune tar hodagan hujhi gori mani lolak sigune baptisma lolak. Sei dinnuot perai tin azar manus tharar dolot jok dilak.
Bischiasigune Eksomare
Song pora-pori Olak
42 Sebeden apostolunor sigkieni thara shokto gori eksottie doridak ar song pora-porit pidie hotta goridak ar bor magidak. 43 Ar prottiek jonor dor buguot somilo, ar apostoluno darai onek amok ar sinno ham gora oie. 44 Beg bischiasigune ek oinei tharar ja age begkani song somare hamot lagan. 45 Tharar juronot agede sieni ar tharattun agede sieni bejinei, jar jei lage tharar begkunor moiddie beg goron.