23
Sebeden beg manuschune udinei jogon-togon tarePilado sidu nejeilak. 2 Tare duji badeidie arambo gorilak. Thara holak, “Ami pelongge ei Manuschuoi jadtuore hu-podedi nejai ar moharaja Kaisare ami hajana dibartei the mana gore. The nijore-nije Kristo, ek jon raja hoi.” 3 Sebeden Pilade tartun pujor gorilo, “Tui ne Judaiunor Rajabuo?” Jisu uttor dinei holo, “Tui holede doge mui oi” 4 Sebeden Pilade rajguru-thagurunor ar manjiore holo, “Ei Manuschuor mui hitchu duj no pelung.” 5 Hintu thara sie bes holak, “The manuschunore jagulug tulo bajei die. Goda Judea dejchanot sigkie de. Galili dejot arambo gori idusong.”
6 Pilade Galili nangan suninei, the Galili hullie ni na pujor gorilo 7 The Herodor rejjior manus bili Pilade hobor peinei, tare Herodo sidu padei dilo. Sei lokke Herode the nije Jerusalemot elo.
8 Herode Jisure deginei baari hujhi olo. The tare sebartei bhaluk bilom agottun dhori dhap elo. Haron the tar sombonde onek hoda suinnie. The amok ham gorte sebartei tar asha elo. 9 Sebeden the Jisuttun bhalukkani hoda pujor gorilo. Hintu Jisu tare shobai uttor no dilo. 10 Rajguruthagurune ar dhormo niomo mastorune udinei tare thajei duj badei dilak. 11 Sebeden Herode ar tar soinniogune tare hitchu mone no gorilak. Thara tare thatta gorilak. Tare jakjomog gori habor Urei dinei Pilado sidu phirei dilak.
12 Sei dinnout Herodtoi Pilade bondhu olak. Agendi thara sottru elak.
13 Pilade rajguruthagurun ar manuschunor murubbigun eksomare dagi thubelo. 14 Sebeden the tharare holo, “Tumi ei Manus-chuo mor idu annio. The manus-chunore phirei nejai gori tumi tare duj badei dila. Sawh, mui tomar mujungot tare porikkie gorilung. Tumi tare duj badei dilade sieni mui duj no pelung. 15 Herodeo tar siot hitchu duj no pai. Mui tomare Herodo sidu dipadangor. Sawh, the moribar lak gori theo tar siot hitchu no pai. 16 Senottei, mui tare sasti didai iri dim.” 17 Sei lokke tharattei ek jon utchobo lokke the iri di pai. 18 Hintu manuschune eksomare jogar pari-pari holak, “Ei Manuschuore neja, amattei Barabbare iri de.” 19 Barabba ekkan sohorot andolon gorinei ek jon hun gorsie. Senottei, tare jiel-hanat bhorei thoion. 20 Sebeden Jisure iri dibar mon hinottei, Pilade aro tharare dagilo. 21 Hintu thara eksottie jogar pari-pari hodon, “Tare krosot duo! Tare krosot duo!” 22 Ar tin bar the tharare holo, “A hittei? The hi bojong ham gorsie? The moribar lak gori tar siot mui hitchu duj no pang. Mui tare sasti dinei iri dim.” 23 Hintu thara sie bes birat birat ro gori holak Jisure krosot die poribo! Jisure krosot die poribo! manuschunor rogun ar rajguruthaguruno rogun mana olo. 24 Thara dabi gorilakke doge Pilade ugum dilo. 25 Tharattun mone hoidie manuschuore the iri di dilo. Sei manuschuo andolon gorinei manus hun gorsie hinottei, jielot porsiegoi. Thara Jisure jien mone hoi sien goribartei Pilade tharar adot gojei dilo.
Jisure Krosot Dilak
Mot 27:32 -44; Mak 15:21 -32;
Jhn 19:17 -27
26 Soinniogune Jisure nejade, Kurini sohoro manus Simone hedottun phirte thara tare dhorilak. Jisur pije-pije Kroschan nejei dibartei tare bugei dilak.
27 Birat ek jhag manus Jisur pije-pije jaddon. Siot milieio ektal elak. Tharaio buk saberei-saberei tartei monot duge handon. 28 Hintu Jisu phirinei tharare holo, “Jerusalemo miliegun, mortei no hannio, tomartei ar tomar puo-shabagunottei hano. 29 Sawh, haron dinnun etton, sokke hobak, ‘Puo-shaba neiegun ar bhaj miliegun hoballie. Huno din bugu dut no habande miliegun hoballie. 30 Sebeden ‘manjie moununore hobak, “Amare jhabo!” Ar murogunore hobak, “Amare dagi tho!” ’ 31 Haron jeda gajore judi edogkie goron, mara gajore hi goribak?” 32 Siot di jon azami Jisur loge morei pheleibartei nuon. 33 Kalvary honde siot lungineigoi, tare krosot dilak. Azamigunorio tar denedi ek jon ar bangedi ek jon gori krosot dilak.
34 Sebeden Jisu holo, “Ba, tharare mab gor. Haron thara hi gorton sien thara hobor no pan.” Ar soinniogune ak seinei tar haborani bhag gorilak. 35 Manuschune thieinei sei agon. Murubbiguneio tharar loge thieinei tare thatta gorinei holak, “The manjiore rokkie gore. The judi Itchiore beiloiebuo, Kristo ole, the nijere nije rokkie gorog!” 36 Soinnioguneio tare thatta gorilak. Thara jeinei tare horo mod dilakkoi. 37 Thara holak, “Tui judi Judaiunor Raja ole, tore tui rokkie gor na!” 38 Tar uguredio ekkan gonggola thangi duon. Grik, Roman ar Hebru hodadi legi duon:
IBIE OLODE
JUDAIUNOR RAJABUO.
39 Siot ek jon krosot duonde azamittun ek jone Jisure gor dinei holo, “Tui judi Kristo ole, tore tui rokkie gor ar amareo rokkie gor na!” 40 Hintu oinnio azamibuoi tare jhaji ureinei holo, “Tui shobai Itchiorore no dhorash? Tuio daw ekkui sasti 41 Amar thik oie. haron ami jien gorsei sien ami peir. Hintu ei Manuschuoi hitchu duj no gore.” 42 Sebeden the Jisure holo, “Probu, tui Tor rejjioganot lungiliegoi more monot rageis!” 43 Jisu tare holo, “Mui tore soittio hodagan hongor, edchie tui mor loge Paradisot lungibiegoi.”
Jisu Morilo
Mot 27:45 -56; Mak 15:33 -41;
Jhn 19:19 -37
44 Sei lokke, dibursiettun dhori tin porsie song goda songsaran andhar oie. 45 Belan hala oie ar mondirbuo porda haboran ugurottun dhori tole song songmoiddie phadinei di sillie oie. 46 Jisu birat ro gori jogar parinei holo, “Ba, ‘Tor adot mor aptabuo gojei dilung.’ ” Ar the sien honar porendi Tar poronan nigili gelo. 47 Sei lokke ek shot soinnio ugure senapotibuoiδ hi ghodi gelo sien deginei the Itchiorore baini gorinei holo, “Ete hamakkai dharmig Manus.” 48 Sebartei ejchionde ek jag manuschune hi gora olo sien deginei, monot duge buk saberei-saberei tharar ghorot phiri gelak. 49 Jisure sinonde beg manuschune ar Galili dejottun tar pune-pune ejchionde miliegune thieinei durottun sieni sei thelak.
Jisure Garelak
Mot 27:57 -61; Mak 15:42 -47;
Jhn 19:38 -42
50 Ar sawh, Joseb nange ek jon manus elo. The Sanhedrinor ek jon manus, baari gom ar dharmig. 51 Sanhedrinot thik gorsionde sien bah tharar haman the no mane. The olode Judea dejor Arimathea adammie. The Itchioro rejjiogan barsei elo. 52 Ei Manuschuoi Pilado sidu jeinei Jisur heyegan magilogoi. 53 Sebeden the Jisure lameinei, padol haborloi berenei silo-sadarat hunni ekkan sidiesalot bhorei thologoi. Siot agendi huno mora bhorei no thon. 54 Sei dinnuo elode Jugol gorede din, ar Jireni Dinnuo ebar oie. 55 Galili dejottun Jisur pune-pune ejchionde milieguneo siot jeion. Jisu heyegan Josebe siot thoiede thara degkuondoi. 56 Sebeden thara phiri einei, thumbas mojola ar tel jugoleilakki. Ar Jireni Dinnuot Niomano doge thara jireilak.