Gorib Rani-Miliebuor
Dan Goranagan
Mak 12:41 -44
21
Jisu uguredi rini seinei, dhoni manuschune Mon-dirbuo dan-baksubuot tharar dhonani bhorei dedonde degilo. 2 Ekkuo gorib rani-miliei dibie pidolor poijieδ bhorei dedegoi the degilo. 3 The holo, “Mui tomare soittio hodagan hongor: Sei gorib rani-miliebuoi thara begkunottun bes tengaδ bhorei dilogi. 4 Haron oinnio beg manuschune daw tharar alajhala dhon agede sittun Itchiorore dan dilakkidie. Hintu the tar goribpanottun the dilogi. Tar bajibar jieni age, sien begkan the dan-baksubuot bhorei dilogi.”Jugor Sejor Sinnogani
Mot 24:1 -35; Mak 13:1 -31
5 Mondirbuo hingori doul-doul silloi, ar dan gorsionde sieniloi sajeion, sei sombonde hoiek jone hodon. 6 Sebeden Jisu holo, “Dinun ebag, tumi degotte sillun ekkuoio soga-sok gori thedak noi. Begkun lugimari phelei dibag.”
7 Thara tartun pujor gorilak, “Guruthagur, sieni homole obo? Sieni homole ghodi jebo, ar sieni ghodi jebar ole hi-hi sinno thebo?”
8 Jisu holo, “Huno jone tomare hu-podedi neje no paron para uijkare thagkuo. Haron onek jone mor nange einei hobakki, ‘Mui deie the,’ ar ‘Somoibuo hai ejer.’ Senottei tharar pune-pune no jeio. 9 Judduor hoda ar uruttul hoda sunilie no doreo. Haron sieni akke ghodi ja poribo. Hintu thuman hara edo noi.” 10 The eksottie holo, “Ek jade oinnio jador biruddie obak, ar ek rejjioi oinnio rejjior biruddie judduo goribak. 11 Jagai-jagai bor-bor bhujol bebo, bhadorad poribo ar, awsin-awsin biedi obo. Agajot dor gore para dangor sinno dega jebo.
12 “Hintu sieni ghodi no jade, manjie tomare dhoribak. Tomare dug-hosto lageibak, synagogot ar jielot borei dibagkoi. Mor nanganottei thara tomare raja ar sason-gureiguno mujungot nejeibak. 13 Tharare shakki obartei sien tomar sujuk hadibo. 14 Senottei tumi tomar rokkiettei hobagoi akke dhori monot jugol gori tho no poribo. 15 Haron mui tomare gom hoda ar gom buddhi jobei dim. Tomar biruddigune huno jone sien badha di partak noi, ar torgoio gori partak noi. 16 Hintu tomar bab-magune, bheiune, sodorsiei ar bondhugune tomare dhori dibag. Tomar hoiek jon morei pheleibak. 17 Mor nanganottei beg manjie tomare hos no pebak. 18 Tomar mada sul ekkano ajhi jedo noi. 19 Soijjio gori theinei tumi mukti peio.
20 “Jerusalemo seropala soinni-ogun degilie, Jerusaleman nas obar oie bili mone gorsio. 21 Sokkene Judea dejot agonde sigune moununot dhei jadok. Sohoranot thebakke sigun nigili jadok. Ar jigune sohorano barendi thebak sigun sohoranot no somodokkoi. 22 Haron sei dinun hena uguroidie din. Pobitro Sastrot hoiede sieni begkani puron obo. 23 Sei lokke pedoli-milie, ar hujhi porma miliegunor hobal puribo. Haron dejchanot birat dugko-doja ar ei manuschuno ugure Itchioro rakkan lungibogi. 24 Thara haba hebak ar beg jado sere tharare banidajit hada obo. Be-jadtunor somoibuo par oi song Be-jadtune Jerusaleman thengo tole goribak.
25 “Belanot, sananot, ar taragunot sinno dega jebo. Sagoro tubolo roi, ar dorgorede para juore pittimit jadtune jagulug bodibag. 26 pittimit ebode sieni dore, ar sintiei manuschunot monani soittio oi jebo. Haron agajo hemodagani digdigei die obo. 27 Ar sebeden Munischioro Puobuore meg sagot gori hemodaloi ar birat oborug gori ette thara degibak. 28 Sieni begkani ode arambo ole, tomar muktigan hai ebo hinottei, sirie alok gorinei rini seio.”
29 Sebeden Jisu tharare ekkan tulona hoda hoi dilo, “Dumur gajchuo, ar beg gajchun rini sawh 30 Hor uttie degilie, tumi hoi parode gorom din hai ejchie. 31 Ei sedogkie gori jokke ieni ghodi jade degiba, tumi mone goribade Itchioro rejjiogan hai ejchie. 32 Mui tomare soittio hodagan hongor: Sieni begkani ghodi no gele, ei jugko lugi jedo noi. 33 Sorgo ar pittimigan lugi jebo, hintu mor hodagani huno din lugi jedo noi.
34 Hintu tumi nijere-nije uij rageio. A no ole, haba-dabai, mattole, ar ei songsaro sintiei tomar monani gour oinei, addikie gori sei Dinnuo tomar idu lungibogi. 35 Haron sei dinnuo pittimit thebakke beg manuschuno idu idi dogkie gori lungibogi. 36 Onsur uijkare thago. Ebode sieni begkanittun sari jei paro para ar Munischioro Puobuor mujungot thiei po para shokto goribartei bor mago.”