Jisur Odhiharan
Pujor Gorton
Mot 21:23 -27; Mak 11:27 -33
20
Sei lokke ek dine edogkie olo, Mondirbuot manuschunore Jisu sigkie der ar gom hoboran prosar gorer. Sebeden rajguru-thagurune ar dhormo niomo mastorune borjonnun somot tar idu elak. 2 Thara Jisure holakki, “Tui amare ho ieni hi odhihare goror? Bah honna tore ei odhiharan die?” 3 Jisu tharare uttor dilo, “Muio tomare ekkan prosono pujor gorim. 4 More ho: Johonor baptismagan sorgottun nahi, manjiortun?” 5 Sebeden thara-thara huobula gorte holak, “Ami judi hoi ‘Sorgottun’, salen, the hobo, ‘A hittei tumi tare bischias no goro?’ 6 Ami judi hoi, ‘Manjiortun’, beg manuschune amare sil mela dibag. Haron thara Johonore ek jon muni bili mani loion.” 7 Sebeden thara uttor dilak sien huttun, thara hobor no pan. 8 Jisu tharare holo, “Ieni hi odhihare mui gorong muio tomare no hom.”Anggur Bagan Shuliegunor Tulona Hoda
Mot 21:33 -46; Mak 12:1 -12
9 Sebeden Jisu ei tulona hodagan manuschunore hoi die arambo gorilo, “Ek jone ekkan anggur bagan tullie. The hed goriegunore anggur baganan do-bhagi denar porendi, bi-dejot diri gori thelogoi. 10 Anggur sinibar okto oinei, the tar bhagkuo anibalottei tar sagorsie ek jon hed gorieguno sidu dipadelo. Thara tare mari marai suduo adtoi phirei dilak. 11 The aro ek jon sagorsie dipadelo. Tareo laj gor para gori mari marai suduo adtoi phirei dilak. 12 Tin baro dijiet, the dipadeiede sagorsiebuoreo gha gori didai, baganano bharedi phelei duon. 13 Sebeden anggur baganano girojchuoi holo, ‘Mui hi gorim daw? Mor agojor puobuo dipadang. Tare thara degile, ole sorman goribak.’ 14 Hintu hed goriegune tare deginei, thara-thara huobula gorton, ‘Ete daw porendi sompottir girojchuo obo. The pebode sompottigani ami pei para, tare morei phelei.’ 15 Sebeden thara tare baganano barendi phelei dinei morei pheleilak. Anggur baganano girojchuoi tharare hi goribogi sei? 16 The einei sei hed goriegunore nas gorinei onnio hed goriegunore baganan dibogi.”
Akke thara ien suninei thara holak, “Sien huno din no ok.”
17 Sebeden Jisu tharare seinei holo, “Salen, ei bhagot Sastro hodagano orthogan hi?
‘Ghor-tulliegunor monot no porede silluo, hunot mul silluo olo.’
18 Je sei silluo ugure pore, the guri oi jebo. Ar sei silluo jar ugure pore, the phagu oi jebo.”
19 Sokkene rajguruthagurune ar dhormo niomo mastorune Jisure dhoribartei pod togeilak. Haron thara buji parilakke ei tulona hodagan the tharar biruddie hoie. Hintu thara manuschunore dorelak.
Kaisarore Hajana Dena
Mot 22:15 -22; Mak 12:13 -17
20 Sei murubbigune Jisure sog di agon. Tare hodat phajeinei, odhihari ar hemoda-bola sason-goriebuor adot gojei di paron para, thara dharmig bhes dhora bajei dinedi, guptosor dipadelak. 21 Guptosorune tartun pujor gorilak, “Guruthagur, ami hobor pei tui soittio hoda hos ar soittio hodagani shigas. Harore eitzabor nei gori tui soittio gori Itchioro hodagani shigas. 22 Niomo doge Kaisarore ami hajana diduong ne no diduong?” 23 Hintu Jisu tharar bojong monani hobor peinei tharare holo, “Hittei more joga sor? 24 More ekkuo denariδ poijieδ degogi. Ibie har subhi ar har hoda lega age?” Ar thara uttor dilak, “Kaisaror.” 25 Sebeden Jisu holo, “Kaisara jinijchani Kaisarore duo ar Itchioror jinijchani Itchiorore duo.” 26 Manuschuno mujungot thara tare hodat phajei no parilak. Tar uttoran suninei thara amok oinei juro gori thelak.
Morattun Jiei Uttie
Neg-mogor Hoda
Mot 22:23 -33; Mak 12:18 -27
27 Sebeden hoiek jon Sadduki, jiei uduonagan nei honde sigune Jisur idu einei tartun pujor gorinei holak: 28 “Guruthagur, amattei Mosi legkiede: Ek jon manus judi mog loinei, puo no peie gori mori jai, sei manuschuor guro bheibuoi tar boschuore loinei tar bheibuottei bongso rokkie gori di pebo. 29 Ek ghorot sat bhei elak. Begottun bor bheibuoi mog loinei, puo no peie gori mori jeie. 30 Tar toledi guro bheibuoi tar boschuore loinei, theo puo no peie gori mori jeie. 31 Sebeden tin lombor guro bheibuoio tar boschuore lolo. Sedogkie gori beg sat bheie loinei puo no peie gori mori gelak. 32 Ar bego jere miliebuoio mori gelo. 33 Senottei, jiei uduonaganot the har mog obo? Haron thara sat bheie begkune tare mog ijebe loion.” 34 Jisu tharare uttor dilo, “Ei jugo manuschune lo-li goron ar bo duon. 35 Hintu jigun morattun jiei udinei ebode jugkuot thebar lak, thara neg-mog lo-li, ar bo diedi gortak noi ar. 36 Thara Itchioro puo, jiei uttie puo obak hinottei, sorgo-dudtuno dogkie mortak noi ar. 37 Hintu morattun jiei tulona hodagan Mosi angie
hero jaburbuo siot degeie. Haron the Probure daginei hoie, ‘Abrahamor Itchior, Isaakor Itchior, ar Jakobor Itchior.’ 38 Haron the olode moragunor Itchior noi hintu jedagunor Itchior. Haron tar darai begkune jeda agon.”
39 Sebeden hoiek jon dhormo niomo mastore Jisure holak, “Guruthagur, tui thik hoda hole.” 40 Huno ekkanor sombonde tartun pujor goribar tharar sahoje no hulelo ar.
Kristo Har Puo
Mot 22:41 -45; Mak 12:35 -39
41 Jisu tharare holo, “Kristo Davidor Puo bili thara hittei hon? 42 Haron Gido boibuot Davide the nije hoie,
‘PROBUIE, mor Probure hoie, “Mor denedi boji thak.
43 Tor sottrugun jedogkon song, tor thengot tole no thong, sedogkon song boji thak.” ’
44 “Davide the nije tare ‘Probu’ hoie, a hingori Kristo Davidor Puo oi pare?”
45 Beg manuschune suni agonde lokke, Jisu tar sisjiogunore holo, 46 “Dhormo niomor mastorunottun tumi uije thagkuo. Lamba shilum urinei bereibar tharattun mone hoi. Ath-bazarot manjiortun salam hebar tharattun mone hoi. Synagogot begottun moillioban bojibar jaga ar haana-meitbanot begottun gom bojibar jaga tharattun mone hoi. 47 Thara rani-milieguno ghorani hari lon. Barendi degebartei lamba-lamba gori bor magon. Thara shanggadik sasti pebak.”