Zakaia Ghorot Jisu Udilogoi
19
Jisu Jerikko sohorot sominei phuri jar. 2 Ar sawh, siot ek jon Zakaia nange hajana-tulliegunor murubbi elo. The olode dhoni manus. 3 Jisu honna sebartei tar mone hor. The bakkon hinottei manuschuno andole Jisure no degilo. 4 Senottei Jisu jadte mokkie the daba-daba jeinei the Jisure dege para ekkuo jogona gajot udilogoi. 5 Ar Jisu sei jaganot lungineigoi, the ujonnie selo ar tare deginei tare holo, “Zakaia, Jhadi lambi. Haron tor ghorot edchie mui gorba udi peimbi.” 6 Zakaia hijie-hijchie gori laminei, the Jisuloi hujhi gori egottor ologi. 7 Hintu sien deginei thara begkune budbudeinei holak, “Pabi manuschuo ghorot the gorba udilogoi.”8 Zakaia thieinei Probure holo, “Sunis Probu, gorib-dugkiere mor dhon-sompottigani song bhag dim. Ar mui judi harottun mijie-mijie gori loi thang, ser dunuo gori phirei dim.” 9 Jisu Zakaiare holo, “Eteo Abrahamor bongso hinottei, edchie ei ghoranot muktigan elo. 10 Haron, Munischioro Puobuo ajhi jeie manuschun togeibartei ar tharare uddhar goribartei ejchie.”
Doschuo Minarorδ
Tulona Hoda
11 Thara sei hodagan suni agonde lokke, Jisu aro ekkan tulona hoda hoi dilo. Haron Jisu Jerusalemo hai lungiegi hinottei thara mone gortonde Itchioro rejjiogan jogon-togon dega dibar oiegi. 12 Senottei, Jisu holo, “Ek jon bhoddro manjie tartei ekkan rejjior raja obartei ar phiribarlottei ekkan duro dejot gelo. 13 The tar dos jon daji daginei, tharare jon bagene ek mina ek minaδ dinedi tharare holo, ‘Mui phironggoi song igundoi bebar gorogoi.’ 14 Hintu tar dejchano manuschune tare hos no pan. Tar pune-pune ek dol hoborbuo dipadelak. Thara holak, ‘Ei manuschuo amar ugure raja odo ami no sei.’
15 Manuschuoi rejjiogan gojhi lonar porendi the phirilogoi. Sebeden sei dajigun jigunore the tengaδ die, bebar gorinei hodogkuo hameilak sebartei ugum dinei tar idu daga bajei dilo. 16 Polim manuschuo tar idu einei hologi, ‘Probu, tor minabuoiδ dos mina hameie.’ 17 The tare holo, ‘Gom oie. Tui gom daji. Tui hom jinijot bischias-joggio ole hinottei, doschan sohoro ugure odhihar pebe.’ 18 Tar porendi ejchiede manuschuoi einei tare hologi, ‘Probu, tor minabuoiδ pas mina hameie.’ 19 The tare sedogkie aro sibiereo holo, ‘Tui paschan sohor sason goris.’ 20 Aro ek jon tar idu einei hologi, ‘Probu, sah eie tor minabuoδ. Rumol haniloi mui moja gori thoiong. 21 Haron tui huttieri manus hinottei, mui tore doreong. Tui jien no thos, sien tuli los ar jien no sidos sien habi los.’ 22 The tare holo, ‘Tui daji. Tor hodaloi mui tore dhorim. Tui hobor pas mui huttieri, jien no thong sien tuli long, jien no sidong sien dieng. 23 Senottei, tui mor tengagunδ bankot joma dibar osit elode noi ni? Sebeden mui phirinei shuttun somot pelungundi.’ 24 Sei hai thiei agonde sigunore bhoddro manuschuoi holo, ‘Tartun minabuoδ loinei doschuo mina agede sibiere duo.’ 25 Sebeden thara tare holak, ‘Probu, tartun daw dos minaδ age.’ 26 Haron mui tomare hongor: Jadtun age, tare aro die obo, hintu jadtun nei, tar agede sieno tartun hari luo obo. 27 Hintu more raja no manonde sei mor sottrugun idu ano. Mor mujungot tharare morei pelogi.’ ”
Jisu Raja Dogkie
Gori Somilogoi
Mot 21:1 -11; Mak 11:1 -11;
Jhn 12:12 -19
28 Jisu sei hodagan hoi phuronar porendi, akke-akke the Jerusalem song ja dorilo. 29 Sebeden Oliv Mounnuo hai Bethphage ar Bethani adamanit lunginei, the di jon sisjio dipadelo. 30 The tharare holo, “Tomar mujungedi adamanot jo. Tumi adamanot somibagoio ekkuo gadha shawh bannie gori debagoi. Huno jone sibier pidit no soron. Sibie hueinei anogoi. 31 Huno jone judi tomare hon, ‘Gadha shawhbuo hittei hulor?’ Tharare hoio, ‘Probur ibie lager.’ ” 32 Di jon hoborbuo gelakkoi. Jisu tharare hoiede doge-doge thara begkani degilakkoi. 33 Thara gadha shawhbuo phuode, girojchune holak, “Gadha shawhbuo a hittei hulor?” 34 Thara holak, “Probur ibie lager.” 35 Gadha shawhbuo thara Jisur idu anilak. Gadha shawhbuor pidit habor bijei dinedi Jisure tulilak. 36 Jisu jade manuschune tharar haborani podot bijei dedon. 37 Ar sokke Jisu Oliv Mounnuottun lambegi hai einei beg sisjiogune utchuo olak. Beg amok hamani thara degkuon hinottei thara joi-jogar pari-pari Itchiorore baini gorton. 38 Thara hodon,
“ ‘PROBUR nange ejette Rajabuo donniobad gori thok!’ Sorgot shanti ok ar Itchioror baini ok!”
39 Sebeden manjior jhagottun hoiek jon Pharisie Jisure holak, “Guruthagur, tor sisjiogunore aw-hoda hona.” 40 Jisu tharare holo, “Mui tomare hongor: Ei manuschune juro gori thele, jogon-togon sillune madi udibag.”
41 Hai lunginei, the sohoran sien dharai deginei hanilo. 42 The holo, “Shantittei hi jinij lagibo edchie tui judi hobor pede! Hintu ikkunu sien tomar sogottun lugei thuo oie. 43 Haron dinun etton, sokke tor sottrugune tor seropala madiloi dewal banebak ar tomare seropala giri rageibak. Tore sero hittendi giribakki. 44 Sebeden thara tore tor puo-shabagun somot madit phelei dibagki. Thara soga-sokkie sillun ekkuoio thoi didak noi. Haron Itchiore tor idu hokke ejchie tui hobor no pas.”
Jisu Mondirbuo
poriskar gorilo
Mot 21:12 -17; Mak 11:15 -18
45 Sebeden Jisu Mondirbuot gelo. Siot beja-hine gortonde sigunore dabeidie dhorsiegoi. 46 The tharare holo, “Sastrot lega age, ‘Mor ghoran bor magede ghor huo obo.’ Hintu tumi ienore ‘dagedor haath’ banei phellio.” 47 Din bagene Mondirbuot The sigkie dilo. Hintu rajguruthagurune, dhormo niomo mastorune ar manuschunor murubbigune tare morei pheleibar sadon. 48 Hintu beg manuschune hup mon di tar hodagani suni than hinottei, thara tare hitchu gori no parilak.