Bojong Ham Sombonde
Jisur Sigkie
17
Sebeden Jisu tar sisjiogu-nore holo, “Manjiore pabot pelaidie jinij ebo. Hintu je sieni ebartei gore tar hobal purok. 2 Ei sigonunottun ek jonore judi huno jone nejai, sale tar gortonabuot ekkuo dangor sil bani dinei tare sagorot phelei dile tartei gom obo.3 Uijkare thago! Judi tor bheie tor biruddie pab gore, tare aw-hoda hos. Ar the judi imie heinei mon phirei tare mab dis. 4 The judi tor biruddie dine sat bar pab gorinei ar tor idu dine sat bar phiri einei haam hai ar judi the hoi, ‘Mui mon phireiong,’ tare mab dis.” 5 Tar pore diphadeigun holak, “Amar bischiaschan barei de.” 6 Hintu Probuie holo, “Tomar judi ekkuo sorjio biji para bischias theinei ei opol gajchuore ho, ‘Uguri jeinei sagorot porloi.’ The tomar hoda manibo.
7 “Dorilo, tomartun ek jonor ekkuo daji alsuorloi bah bera-shagol soralloi. The hedottun elegoi honna thare hobo sei, ‘Jhadi-jhadi einei bojsi ar bhat ha’? 8 Hintu sien the tare no hobogi na, ‘More hebar bhat, bari de. Tui jugoleinei thak, ar mui haade more barsei thak . Mui hei udilegoi the tui heis’? 9 Dajibuore ugum gora jeiede doge gorsie hinottei, the tare donniobad dibo parapang? mui mone no gorong.” 10 Tumio thik sedogkie, mui tomare ugum gorsiongge sieni tumi begkani gorilie, tumi hoio, ‘Ami aw-gunor daji. Ami daw bana amar daettogan gorilongge.’ ”
11 Sei lokke Jisu Jerusalemor mokkie jade, Samaria ar Galili dejo phurinei jar. 12 The ekkan adamot sominei, dos jon pharangi manus lagot pelo. Thara durot thiei agon. 13 Thara birat ro gori holak, “Guruthagur Jisu, amare doye gor” 14 Sebeden Jisu tharare deginei holo, “Jo, dhormothagurunore degogoi. Ar thara jade-jade, tharar pharangigani sudduo olo.” 15 Tharattun ek jone Jisu tare gom gori dilo bili deginei, the phiri elo. Birat ro gori Itchiorore baini gorilo. 16 Madi hittendi sog phirienei Jisur thengot porinei the Jisure donniobad dilo. The elode samaria manus. 17 Jisu holo, “Dos jon mui sudduo gorsiongge noi ni? Hintu aro naw jon hudu? 18 Ei be-jadibuo bade ar huno jone Itchiorore baini goribartei phirchuon ni?” 19 Sebeden Jisu tare holo, “Udinei jagoi. Tor bischiaschane tore gom gorilo.”
Itchioro Rejjiogan
Ejanar Hoda
20 Itchioro rejjiogan hokke ebo Pharisigune Jisuttun pujor gorilak. Jisu uttor dilo, “Itchioro rejjiogan dega jai para gori no eje. 21 Thara hodak noi ‘Sawh, iot age,’ bah, ‘Sawh ubuot age’ Suno, haron Itchioro rejjiogan tor bidirie age.” 22 Sebeden Jisu tar sisjiogunore holo, “Somoibuo ebo, sokke tumi Munischioror Puobuor ekkuo din sebar tomar shanggadik mone hobo. Hintu tumi sei dinnuo degi no peba. 23 Thara tomare hobak, ‘Iot sawhgi!’ Bah ‘Udu sawhgoi!’ Thara loge no jeio pune-pune no jeio. 24 Haron deba jhimilenei agaschan ek dagottun dhori aro ek dag song phor goraidie dogkie, Munischioro Puobuor amolot sedogkie obo. 25 Hintu akke mui baari hosto peim. Ar ei jugo manuschune more aw-pela goribak.
26 “Noa amolot jedogkie oie, Munischioro Puobuor amoloto thik sedogkie obo. 27 Noa jahajchanot uttiegoidie dinnuo song heion-theion, ar bo diedi goridak. Sebeden paniban oinei begkun ses oion.
28 “Lotor amoloto thik sedogkie elo. Thara heion-theion, beja-hine gorsion, lageion ar ghor tullion. 29 Hintu Lote jei dinnuot Sodom sohoranottun nigili gelo, agajottun agun ar gondrogo jhor porinei begkun nosto oion.
30 “Munischioro Puobuo dega dibogidie dinnie thik sedogkie obo. 31 Sei dinnie je salo ugure thai, the laminei ghoro bidiriettun tar pojabiriegani no anokkoi. Ar thik sedogkie gori je tar hedot thai, tar pojabiriegani anibalottei the ghorot phiri no jok. 32 Lotor mogkuore monot rageio. 33 Je tar poranan rokkie goribartei sai, the areibo. Ar je tar poranan arai, the rageibo. 34 Mui tomare hongor, sei reidtuot, di jon ekkan bischonot thele, ek jonore tuli neja obo ar ek jonore phelei ja obo. 35 Dibie miliei eksomare bara bande, ek jonore tuli neja obo ar ek jonore phelei ja obo. 36 Sei lokkene hedot di jone ham gorte, ek jonore tuli neja obo, ar ek jonore phelei ja obo.” 37 Sebeden thara holak, “Probu, sieni hudu obo?” Jisu tharare holo, “Jiot morabuo age, siot dhoba silun eksomare thubeibak.”