Sompotti Rakkolibuor
Tulona Hoda
16
Jisu tar sisjiogunoreo holo, “Ek jon dhoni manjiortun ekkuo dhon-sompotti rakkoli elo. Tar dhon-sompotti rakkolibuoi tar sompottigani ses gori der gori manjie tare janeilakki. 2 The tar dhon-sompotti rakkolibuore daginei tare holo, ‘Tor sombonde mui hendogkie-hendogkie sunongor. Tui mor dhon-sompotti rakkoli thei no paribie ar hinottei mor dhon-sompottiganir ijeb de.’ 3 Sebeden dhon-sompotti rakkolibuoi mone-mone holo, ‘Mor girojchuoi more tar dhon-sompotti rakkoli no rageibo ar hinottei mui hi gorim? Madi habibar mor bol nei, bikkie magibaro lajang. 4 Dhon-sompotti rakkolittun more phelei dile manjie thara ghorot more ragan para mui hi gorim hobor pelung.’ 5 Tar girojchuottun jigune udor heion sigunore the jon bagene dagilo. Polim manuschuore the holo, ‘Mor girojchuore tui hodog di pas?’ 6 Manuschuoi holo, ‘Ek shot toonδ tel.’ Dhon-sompotti rakkolibuoi holo, ‘Tui udor lo ar bojinei seret-seret Ponjas toon leg.’ 7 Sebeden dhon-sompotti rakkolibuoi aro ek jonore holo, ‘Tui hodog di pas?’ Manuschuoi holo, ‘Ek shot barengδ gom.’ The tare holo, ‘Tor udoro hagoschan aninei azi bareng legki.’ 8 The salagi ham gorsie hinottei, girojchuoi aw-dharmig dhon-sompotti rakkolibuore baini gorilo. Haron ei songsaro manuschun, thara ei jugor phoro manuschunottun bes buddhi-bola.9 “Mui tomare hongor: Aw-dharmigo dhonloi tumi bondhu juro. Senottei jokkene tumi juri no paro, thara tomare siro jibonio ghorot gorba tulibak. 10 Je sigon bepare bischias-joggio, the dangor bepareo bischias-joggio. Je sigon bepare aw-dharmig gore, the shagor bepareo aw-dharmig gorsio. 11 Tumi judi songsaro dhonnoi bischias neie oi thele, soittio dhonani tomare honna bischias gorinei raga bajei dibo? 12 Ar oinnio manjior jinijchoi judi tumi bischias neie oi thele, honna tomare tomar nijor nijeschani dibo?
13 Ek jone di jon girojor ham gori no pare. Haron ek jonore the hinsie goribuo ar ek jonore the hos pebo bah, the ek jonore agudinei ar ek jonore the bis degibo. Tumi Itchioror ar dhon-sompotti daji oi parta noi.”
14 Tengaδ pherettie Pharisiguneo sei beg hodagani suninei Jisure pheiz gorilak. 15 Jisu tharare holo, “Tumi olade manjior mujungot dharmig holeiegun. Hintu Itchiore tomar ontorani hobor pai. Haron manjie jien baari moillio mone goron, Itchioro samne sien gin gore pa.
Jisur Oinnio Sigkie
16 “Johono agendi, manjie Mosir Nioman ar muniguno hodagani prosar gorsion. Sokkettun dhori Itchioro rejjioganor gom hoboran prosar gori duon ar begkune somibartei sadon. 17 Sorgo ar pittimigan boij jei pare, tobuio Niomanottun ekkuo puduoio boij jedo noi.
18 “Je tar mogkuo sari dinei oinnio milie loi, the shanda gore. Ar je neg sarsie milie loi, theo shanda gore.
Lazar ar Dhoni Manuschuo
19 “Ek jon dhoni manus elo. The halisuri rongor ar dol habor urinei din bagene suge monggole thai. 20 Ek jon Lazar nange bikari manus elo. Tare dhoni Manuschuo ghoro duoranot thondi. Tar goda heyeganot gobha elo. 21 Dhoni manuschuor tebilottun jhuri porsie bhattun tar hebar mon. Ar huguruneo einei tar gobhagani liei duondi. 22 Sebeden sei bikari Manuschuo morinei sorgo-dudtune Abrahamor buguot nejeilak. Ar sei dhoni Manuschuoio morinei tare garelakkoi. 23 Padalot hosto bhug gori agede siot the uguredi rini seinei, durot gori Abrahamore degilo. The Lazareio Abrahamo horot degilo. 24 The jogar parinei dagilo, ‘Oh ba Abraham, more doye gor. Mui ei agunonot shanggadik hosto pangor hinottei, Lazar tar angulo madagan juro panit bureinei mor jilan thanda gori dibartei tare dipada.’ 25 Hintu Abrahame holo, ‘Put, tui baji thagke gom-gom jinij peioschie sieni monot tul. Ar sedogkie gori, Lazar bojong jinijchani peie. Ikkunu the santona par ar tui hosto por. 26 Ar sieni baraio, ittun tomar sidu ar honuo jone ujon-lamon gori no paribartei, di sere ekkan birat madipada, age. Senottei, Jara amar iot, toma idu jebar jei partak noi ar jara tomar iottun amar idu ebar ei par tak noi, di sere ekkan birat shokto pharok age.’ 27 Ar the holo, ‘Ba, tore hujoli gorongor doye gorinei tare mor babo ghorot dipade. 28 Haron mor paschuo bhei agon. Tharaio ei hosto paidie jaganot no ejon para, the jeinei tharare uij duokkoi.’ 29 Abrahame tare holo, ‘Mosi ar munigune legkonde boiun tharar agon daw. Thara sei hodagani sundok.’ 30 Hintu the holo, ‘Oh ba Abraham! Noi, noi. Mora manjiortun judi thara sidu ek jon gele, tharar monani phireibak.’ 31 Sebeden Abrahame tare holo, ‘Thara judi Mosir ar muniguno hodagani no sunon, salen ek jon morattun udinei thara sidu geleio thara mandak noi.’ ”