Ajhi Jeie Bera-shagoluor Tulona Hoda
Mot 18:12 -14
15
Sebeden Jisur hodagani sunibartei beg hajana-tulliegune ar pabigune tar hai jadon. 2 Pharisigune ar dhormo niomo mastorune abitti gora arambo gorilak. Thara holak budbudeinei, “Ei Manuschuoi pabigundoi song pore, ar haba-daba gore.”3 Sebeden Jisu ei tulona hodagan tharare hoi dilo: 4 “Dorilo, tomartun ek jonor ek shottuo bera-shagol agon. The ekkuo bera-shagol areile, nirienobboibuo bera-shagol the niribili jagat phelei jeinei, ajhi jeiede sibie no pai song the no togeibogoi ni na? 5 The suph phelegoi, hujhi gori the hanat tulibo. 6 The ghorot lungiliegi, the tar bondhu-bandob ar paralliegun daginei tharare hobo, ‘Mor ajhi jeie bera-shagolluo peiong hinottei mor loge hujhi uo bol duo.’ 7 Mui tomare hongor: Thik sedogkie gori ek jon pabi manjie tar monan phireile sorgot hujhi obak. Nirienobboi jon dharmig manjior monani phireibak dorkar no lagede sienottei noi. Hintu ek jon pabi manjie tar monan phireibode senottei hujhi obak.
Ajhi Jeie Rubuor
Poijiebuor Tulona Hoda
8 “Bah, mone goro: Ekkuo milier doschuo rubuo poijieδ agon. The ekkuo areile, serag dorenei, the sibie no pai song ghoran suri-suri gome-dalei no togeibuo ni na? 9 The suph phele, tar bondhu-bandoppun ar paralliegun ek somare daginei tharare hobo, ‘Mui areiongge rubuo poijiebuoδ peiong hinottei mor loge hujhi uo bol duo.’ 10 Mui tomare hongor: Thik sedogkie gori ek jon pabi manjie mon phirele Itchioro sorgo-dudtune mon phireiede pabi manuschuor ugure hujhi obak.”
Ajhi Jeie Puobuor Hoda
11 Jisu holo, “Ek jonottun dibie puo elak. 12 Sigon puobuoi tar babore holo, ‘Ba, sompotti mui peimbe bhagkuo more de.’ senottei, tar babe puogunore begkani tharare bhag gori dilo. 13 Ar hoiek din porendi, sigon puobuoi tar jieni age begkani thubeilo. Ekkan duro dejot the gelogoi. Tare huno jone badha die nei hinottei. The sidu tar dhon-sompottigani andaje horoj gorinei ses gorsiegoi. 14 The begkani ses goranar porendi, goda dejchanot oghur bhadorad porilo. The shanggadik obhabot pora dorilo. 15 Sebeden the ek jon sei dejchano manjio sidu gabur udilogoi. Sugorunore adar dibartei manuschuoi tar hedot tare dipadelo. 16 Huno jone tare hitchu hebar jinij no duon. Sugorune hadonde adaran tartun hebar mone hor. 17 Hintu tar idie-it oinei, the holo, ‘Baba din boleie gabur loiede manuschunor alajhala hebar age. Ar mui iot ped porai morongor. 18 Mui udinei mor baba sidu jeim. Mui tare homboi, “Oh ba, mui sorgot agede sibier ar tor biruddie pab gorsiong. 19 Mui tor puo hobar lak noi ar. More tor ekkuo gaburo dogkie bana.” ’ 20 Ar the udinei tar babo sidu gelo. Hintu the onek durot thagke tar babe tare deginei sit puri udilo. Ar the daba-daba jeinei aza gori dhorinei sumilo. 21 Tar puobuoi tare holo, ‘Ba, mui tor biruddie ar sorgot agede sibier biruddie pab gorsiong. Mui ar tor puo bili dagibar joggio noi.’
22 Hintu babpuoi tar dajigunore holo, ‘Begottun gom haboran aninei tare urei duogi. Ar tare adot ar thengot joda pinei duogi. 23 Pokta goru-shawhbuo aninei habogi. Anondo utchobe hei. 24 Haron ei mor puobuo morsie, hintu the aro jiei uttie. Ami tare areiei, hintu ami aro tare suph pelong.’ Ar thara anondo utchob gora arambo gorilak. 25 Hintu tar dangor puobuo hedot elo. Sebeden ette ghoro hai lungegi ghorot ette, baiddio jontro ro ar najodonde sunilo. 26 The ek jon ghoro sagorsie daginei pujor gorilo, ‘Ei somosto hi awr?’ 27 The tare holo, ‘Tor guro-bheibuo ghorot ejchie. Tor babe tor bheibuo suge santie phiri elo hinottei pokta goru shawhbuo haba bajei die.’ 28 Hintu dangor puobuoi rak olo. Ar the ghorot jebar no sar. Sebeden tar babe einei ghoro bidirie jebartei tare hujoli gorilogi. 29 Hintu the tar babore holo, ‘Sun, edok bojor song mui tor sagorsie hadilung. Tor hoda mui ekbario aw-mannio no gorong. Hintu mui mor song somarsiegundoi anondo utchob goribartei, tui daw more ekbario ekkuo shagol shawh no duos. 30 Hintu tor ei puobuo, beischie miliettei tor beg dhon-sompottigani ses gori dede sibie einei, pokta goru- shawhbuo tartei habi duoschie oi?’ 31 Tar babe tare holo, ‘Put, tui daw mor loge onsur agos. Mor beg dhon-sompottigani tor daw. 32 Hintu anondo utchob gorana osit. Haron tor bheibuo morinei aro jiei uttie, ami tare areiei, hintu aro suph pelong.’ ”