Anole moriba
13
Sebeden sei lokke, siot elakke manjiortun hoiek jone Galili hullier sombonde Jisure hobor holak. Thara dali dede, seiet Pilade tharar lo mejei die. 2 Jisu manuschunore holo, “Thara sedogkie gori bibodot porsion hinottei sei Galili hulliegunore oinnio Galili hulliettun bes pabi bili tumi mone goro nahi? 3 Mui tomare hongor, Shobai noi, hintu tumi judi tomar monani no phiro, tumio sedogkie gori begkun nas oba. 4 Siloamo ojol ghorane jhabeinei adaro jon morsion. Sei manuschun Jerusalemot thande oinnio beg manuschuno darane bes bojong bili tumi mone goro ni na? 5 Mui tomare hongor: Shabai noi. Hintu tumi judi tomar monani no phiro, tumio sedogkie gori begkun nas oba.”6 Sebeden Jisu tharare ei tulona hodagan hoi dilo: “Ek jonor ekkuo dumur gaj tar anggur bagananot lageie elo. The gajchuot gulo sa einei ekkuoio no pelogi. 7 Senottei, the anggur bagan subi theiebuore holo, ‘Sadei, tin bojor song mui ei dumur gajchuot einei gulo togei selunggi, ekkuoio no pelung. A hittei madigan juri thedo? Goschei de.’ 8 Hintu the uttor dilo, ‘Babu, ei bojorbuoio thokna. Mui gajchuor seropala hurinei gobor di dimbi. 9 Ibiet judi gulo dori paron daw. Gom obo hintu judi no dhoron, habinei goschei dischi.’ ”
Jireni Dinnuot Jisu
Milie Gom Gorsie
10 Jireni Dinnuot Jisu ekkan synagogot sigkie der. 11 Ar sawh, siot ekkuo milie elo. Tare bhude peinei bhudtuoi adaro bojor song durbol gori thoie. The gujong oie ar shobai uju oi no pare. 12 Jisu tare deginei dagi tare holo, “Miliebuo, mui tore ei durbolanottun shorei di dilung.” 13 Ar the tar adtani miliebuor ugure tuli dieo, miliebuo uju oinei Itchiorore baini gorilo.
14 Jireni Dinnuot Jisu gom gori die hinottei, synagog sason-goriebuoi rak olo. The manuschunore holo, “Ham goribartei manjior shoi din age daw. Senottei tumi gom obartei sei dinunot ejchio. Jireni Dinnuot no ejchio.”
15 Sebeden Probuie tare holo, “Phagaragun! Jireni Dinnuot tumi tomar goru ok gadha ok oruottun iri dinei pani habebartei nejo. 16 Sawh, ei miliebuo Abrahamor bongso, tare adaro bojor song Soitane bani thoie. Mui tare Jireni Dinnuot ei banan huli dibar osit oi ni noi?” 17 Jisu ei hodagan hoinei, jigune tar biruddie elak sigune begkune lajeilak. Ar beg manuschune the jei oborug hamani gorer sienit hujhi olak.
Sorjio Biji Ar Molir
Tulona Hoda
18 Jisu holo, “Itchioro rejjiogan henjannie obo? ien mui hiloi tulona gorim? 19 Ien olode ekkuo sorjio biji dogkie. Ek jone sorjio bijibuo, loinei tar bagananot sidi dilogoi. Ibie udinei birat jhubur olo. Ar agajo pheigkune dhelagunot bha gorilakki.” 20 Jisu aro holo, “Mui hiloi Itchioro rejjiogan tulona gorim? 21 Ien olode moli dogkie. Ekkuo miliei sei molibuo loinei tin lei moidie loi gulinei guli begkan joribartei thoi para.”
Sibie-Sippie Duor
22 Sohore-sohore ar adame-adame Jisu jeinei manuschunore sigkie di-di Jerusalemor mokkie jar. 23 Ek jone tartun pujor gorilo, “Probu, bana hoiek jone mukti pebak ni na?” 24 Jisu tharare holo, “Sibie-sippie girie duoranodi somibar sesta goro. Hintu mui tomare hongor, “Shagor manjie somibar sebak, hintu somi no paribak. 25 Ghoro girojchuo udinei duoran nadile, tumi somi parta noi. Barendi tumi thieinei duoran baschei-baschei ho doriba, ‘Probu, Probu, amare duoran huli de.’ The tomare hobo, ‘Tumi huttun ejchio mui hobor no pang.’ 26 Sebeden tumi hoba, ‘Ami torloi eksomare heiei ar tui amar udonanit pode-pode sigkie duos daw.’ 27 Hintu The hobo, ‘Tumi huttun ejchio mui hobor no pang. Tumi be-dhormo ham goriegun mortun jogoi.’ 28 Itchioro rejjioganot tumi Abrahamore, Isaakore, Jakobore ar beg munigun degiba. Itchiore tomare bhar gori dibo hinottei tumi dad hamere-hamere hanibak. 29 Tare pugottun, pojimortun, uttorottun ar dokkinottun einei Itchioro rejjioganot bojibakki. 30 Ar sawh, jero manuschun akkuol obakkoi ar akkuol manuschun jer poribak.”
Jerusalemortei
Jisur mono dug
Mot 27:37 -39; Luk 19:41 -44
31 Sei dinnie, hoiek jon Pharisie tar sidu jeinei holak, “Herode tore morei pheleibartei togar hinottei ei jaganottun jagoi.” 32 Sebeden Jisu tharare holo, “Jeinei sei sialluore hogoi, ‘Sun, edchie-hellie mui bhud dabei duongor ar manus gom gorongor. Ar tin dine mui mor haman phureim.’ 33 Jei odosat, edchie-hellie, porsuio mor ja puribo. Haron muni Jerusalemo barendi morana osit noi.
34 “Oh Jerusalem, Oh Jerusalem, munigun morei pheleiebuo, ar Itchiore tor idu dipadai die sigunore sil mela dinei morei pheleiebuo! Shorma huruoi shawhgun duot tole ragaidie dogkie gori aza gorinei rageibartei mui tor puogun onsur hodog rageibar seiong. Hintu sien tomar mone no hoi. 35 Sawh, tomar ghorani tomartei hali oi gelo. Ar mui tomare soittio hodagan hongor, jedogkon song no ho, ‘PROBUR nange ejchiede sibie baini oinei thok,’ sedogkon song tumi more no degiba.”