Phagara Manjiortun
Uijkare Thagkuo
12
Sei lokke, guni no parsie ektal manus thubeion hinottei thara-thara uro-uischie gorton. Bego akke Jisu tar sisjiogunore ho dorilo, “Pharisiguno molitun tumi nije uijkare thagkuo. Sien olode phagara. 2 Haron phogodang gora no obo jinij hitchu nei jieni dagi raga oie, ar hobor no peie jinij hitchu nei, jieni ghubei thuo oie. 3 Senottei, andharot tumi jieni hoio, sieni phorot sunibak. Gudhi bidirie tumi jieni hanot phuju-phuju gori hoio, sieni salo ugurottun jogar pari-pari hoi die obo. 4 Bondhulok, mui tomare hongor: ‘Je heyegan morei phelei di pare ar sei bara hitchu gori no pare ar, tare no doreo. 5 Hintu tumi hare doreba mui tomare degei duong: Morei pelanar porendi, norogo agunot phelei di paribar jar hemoda age tare doreo. oi, mui tomare hongor, tare doreo. 6 Paschuo soroi dibie poijieloiδ bejonde noi ni? Tobuio Itchiore ekkuo soroio puri no pelai. 7 Hintu tomar mada sulanio beg gona oie. Senottei, no doreo. Tumi ektal soroiottun bes moillio. 8 Mui tomare hongor, “Manjior mujungot je nahi haam hebo, Munischioro Puobuoio Itchioro sorgo-dudtuno mujungot tare haam hebo. 9 Hintu manjior mujungot je more bharai, Munischioro Puobuoio Itchioro sorgo-dudtuno mujungot tare bharebo. 10 Ar je Munischioro Pobuo biruddie hoda hoi, sien tare mab die obo, Hintu je Pobitro Apta biruddie hoda hoi, tare mab die odo noi. 11 Manjie tomare synagogo manuschuno mujungot, sason-gorieguno mujungot nejeile, hingori hobagoi ar hi hobagoi sienir sombonde sidie no gorsio. 12 Haron, sei lokke tumi hi hobagoi sien Pobitro Aptai sigei dibo.”Bhul Thagoie Manuschuor Tulona Hoda
13 Manjior jhagottun ek jone Jisure holo, “Guruthagur, babo sompotti morloi bhag gorto mor bheibuore hoi de.” 14 Hintu Jisu tare holo, “Bhai honna more bijier goridie ok bah bhag goridie baneie?” 15 Sebeden Jisu tharare holo, “Tumi lubbo no aw para nijere nije uij rageio. Haron, manjior jibonan bana aisai dhon-sompottir jurono noi.”
16 Sebeden Jisu ei tulona hodagan tharare hoi dilo. The holo, “Ek jon dhoni manjior bhuiot baari unnoti olo. 17 The bhabi seinei holo, ‘Mui hi gorim? Mor ghomun thobar daw jaga nei ar.’ 18 Sebeden the holo, ‘Mui ien gorong. Mor gom ghorani bhanginei birat birat gori tulong. Sienit beg mor ghomun ar mor gom jinijchani bhorei thom. 19 Sebeden mui mor porananore hom, “Oh poran, tui shagor gom jinij aisai gori joma gori thoios. Sieni baluk bojor paribie. Aram gor, haba-daba gor, ar hujhie thak.” ’ 20 Hintu Itchiore tare holo, ‘Tui behup, edchie reidot tor poranan nigili gele, tui tortei joma gori rageioschie jinijchani har obo sei?’ 21 Je Itchioro pokke dhoni noi ar nijottei dhon-sompotti joma gore, the sei manuschuo dogkie obo.”
Sidie no gorsio
22 Sebeden Jisu tar sisjiogunore holo, “Senottei, mui tomare hongor: Tomar poranani baji thebartei hebar sidie no gorsio. Tomar heyeganittei, hi uriba piniba sidie no gorsio. 23 Poranan haiddiottun bes dorkar ar heyegan habor-suborottun bes dorkar. 24 Hobaguno sombonde bhabi sawh dei. Thara noio hujuon ar noio habon. Tharattun dhan-sorong bah gola ghorio nei. Tobuio Itchiore tharare habai. Tumi pheigkunottun onek bes moillio daw. 25 Hintu tomartun honna sidie gorinei tar heyegan ek ad lamba gori pare? 26 Tumi judi sei shadaron jinijchan gori no paro, a hittei oinnio jinijchani sombonde sidie goror?
27 “Phulun hingori dangor on bhabi sawh. Thara hamo no goron ar shuduoio no hadon. Hintu Solomonore oborug gori sajileo esannie ekkuo phulo dogkie doul odo noi. 28 Madot edchie jei herani age ar hellie suluot pheleidie obode sienire judi Itchiore sedogkie gori sajele, Oh hom bischiasigun Sittun bes tomare the no sajebo ni na? 29 Sebeden haana-dana sombonde tumi no thogeio ar ienor belai monot shiongshama no gorsio. 30 Haron songsaro beg jado manuschune ieni togan. Hintu tomar Babe ieni tomar dorkar lagede the hobor pai. 31 Hintu Itchioror rejjiogan togo, ar sieni the begkani tomare dibo.
32 “Oh sigon bera-shagolo dolluo, tui no dores. Haron Babe tomare rejjiogan dibartei bhar oie. 33 Tomar dhon-sompottigani bejinei gorib dugkiere dan gorogoi. Puron no oidie tengaδ hollie jugolo. Sure sur gori no paran ar puge hei no paron hinottei huno din hoi no jaidie jaganot sorgot tomar dhonani joma goro. 34 Haron tomar dhonani jiot thai tomar monanio siot thebo.
Shojage Thago
35 “Guz dinedi jugol oinei thago ar serag dhoreinei jaleinei thoio. 36 Gaburune tharar girojchun melattun phiribarlottei barsei thande dogkie oio. Thara ele, duorani baschiebakgo jogon-togon tare huli dibag. 37 Girojchuo ele jei dajigun sojage the lagot pebogi sigun hoballie. Mui tomare soittio gori hongor, the nije habor ureidie tharare hebartei bojeinei the einei tharare lobiot goribogi. 38 The reid songbhagot ok bah poittie amollie ok the einei jigunore sojage lagot pebogi sigun hoballie. 39 Hintu tumi ien hobor po daw. Ghoro girojchuoi judi surbuo ebode somoibuo hobor pedo, the subi theinei tar ghoran huno din sur obar no dilun. 40 Senottei, tumio jugol gori thei peba. Haron aza no gorode lokkene Munischioro Puobuoi ejer”
41 Sebeden Pitore Jisure holo, “Probu, ei tulona hodagan tui bana amare hole, nahi begkunore hole?”
42 Probue holo, “Honna sale bischiasi ar gyeni sompotti rakullibuo sei? Tar girojchuoi tare tar ghoro daetto dibo. The oinnio sagorsiegunore okto mojim tharar hebar bhagkun bhag gori dibo. 43 Girojchuo ele tar dajibuor sedogkie gorte degilegi, sei dajibuo hoballie obo. 44 Mui tomare soittio hodagan hongor: The tar jieni age sieni ugure odhiharibuo tare banebo. 45 Hintu sei dajibuoi judi mone-mone hoi, ‘Mor girojchuo harai edo noi,’ ar the milie ar morod sagorsiegunore mara arambo gore ar mod bhang heinei mattol oi thele, 46 sei dajibuor girojchuo the asha no gorede dinnuot ele, ar the aw-sedono oktot lungilegi, tar girojchuoi tare di hotta goribogi. Ar the tare Aw-bischiasiguno somare jaga thik gori dibo.
47 “Jei dajibuio tar girojchuo tare hi gora bajei dibo hobor pai, hintu the nije jugol no oinei ar girojchuor ischie doge, tare thajei mara obo. 48 Hintu je hobor no peie gori sasti peie gori sasti pebar ham gore, tar sastigan hom gora obo. Jare bes die oie, tartun bes dabi gora obo. Jar idu bes gori gojei die oie tartun bes gori maga obo.
Milie-Mili Noi,
Hintu Jagulug
49 “Songsarot mui agun bajei dibartei ejchiong. Ien honatto agun bajei die odo gom olun. Dori pari arambo odo mor mon phureilun, 50 Mui ek bar baptisma lom. Ar sien jabot shir no jai, tabot mor shanggadik heye gor age. 51 Songsarot mui shanti gori dibartei ejchiong bili tumi mone goro ni na? Mui tomare hongor, “Shobai noi. Hintu munischioror moiddie parok goribartei mui ejchiongge. 52 Haron ikkiettun dhori ekkuo ghorbuot pas jon manus bhag gorim. Tin jone di jono biruddie obak. Ar di jone tin jono biruddie obak. 53 Babpuoi tar puobuor biruddie parok obo, ar puobuoi tar babpuor biruddie, obo. Mabuoi tar jhibuor biruddie obo, ar jhibuoi tar mabuor biruddie obo. Shuribuoi tar bobuor biruddie obo, ar bobuoi tar shuribuor biruddie obo.”
Jugo Hobor Pana
54 Sebeden Jisu manuschuno-reio holo; “Pojimendi meg sak uttie degilie jogon-togon tumi ho, ‘Jhor ejer. Ar sien oi’. 55 Ar dokkinottun boier bele tumi ho, ‘Edchie dinnuo gorom obo.’ Ar sien oi. 56 Phagaragun! Debabuoi ar pittimigan gom obo na no obo tumi hobor po, a hittei ei jugo hobor no po?
57 “Thik oi ni noi a hittei tumi nije bijier gori no sawh? 58 Tomar sottrubuoloi agimo sidu jade, adapodot, tarloi tomar jagulugkani shireio. A no ole the tore agimuor adot gojei dibogoi. Ar agimuoi tore polischuor adot gojei dibogoi. Sebeden polischuoi tore jiel-hanat bhorei thobogoi. 59 Mui tore hongor: Ekkuo poijieδ bagi theleio tui siottun nigili pede noi.”
Monani Phiro,