Bor Magana Sombonde
Jisur Sigkie
Mot 7:9 -15
11
Jisu ekkan jagat bormagode edogkie olo. The bor magi phureinei, tar ek jon sisjioi tare holo, “Probu, hingori bormage Johone tar sisjiogunore sigei dede dogkie gori amareo sigei dena.”2 Jisu tharare holo, “Edogkie gori tumi bor magkio:
Amar sorgo Bab, tor nangan pobitro ok. Tor rejjiogan ejok. Tor ischie sorgot jedogkie goron, ei pittimitio sedogkie gortok.
3 Amare nitto hebar haiddio oi para dis.
4 Amar ugure duji goronde sigun mab di die dogkie, tuio amar pabpani mab goris. Ar amare hu-podedi no nis hintu bojongguottun amare rokkie goris.”
5 Jisu tharare holo, “Dorilo, tomar ek jonottun ekkuo bondhu age. Ar reid songbhagot the tar bondhubuo sidu jeinei hoiegoi, ‘Bondhu, more tinan pidie udor dena. 6 Haron more ekkuo bondhu porbhaj gorte ikkie the mor idu ejchie. The hebartei mortun hitchu nei.’ 7 Sebeden manuschuoi ghoro bidiriettun holo, ‘More thoischie no goris. Duoran nada oie ar mor puo-shabagun mor loge bischonot ghum jadon. Mui bischonottun udinei tore hitchu di pattung noi.’ 8 Mui tomare hongor, the tar bondhu bili udinei tare hitchu no dileo, the laj thiek gori hujoli gorer hinottei tar jedogkani lage sedogkani dibo. 9 Mui tomare hongor: Mago, tomare die obo. Togo, tumi peba ar baschuo, tomare huli die obo. 10 Haron je mage the pai. Je togai the suph pai ar je baschiei tare huli die oi. 11 Tomar moiddie ek jon babottun tar ekkuo puoi judi pidie mage, the hi tare sil dibo? The judi maj mage, majo azai the hi tare sap dibo? 12 Ar the judi boda mage, the hi tare di-darchie puk dibo ni na? 13 Tumi gom noi oineio tomar puogunore gom-gom jinij di jano, senottei tomar sorgo Babe jigune magon sigunore sittun bes Pobitro Apta a hittei no dibo?”
Jisu ar Belzebula
Mot 12:22 -37; Mak 3:20 -30
14 Jisu ekkuo no mattie bhud dabei der. Bhudto nigili jeinei, manuschuoi hoda holo senottei manuschune amok olak. 15 Hintu hoiek jone holak, “Bhudo raja Belzebular darai the bhud dabei de.” 16 Ar ek dagie tare joga sebartei agajottun ekkan sinno tartun magilak. 17 Hintu Jisu tharar mono bhabonagani hobor peinei tharare holo, “Jei rejjiogan odosat di bhag oinei nijere-nije biruddie solilie, sei rejjiogan dongso obo. Ar jei ghorbobuo di bhag oinei nijere nije biruddie solilie, sei ghorbobuo bhangi jebo. 18 Ar Soitannuo judi the nijere-nije bhag oinei biruddie sole, hingori tar rejjiogan tigi thebo? Belzebula darai mui bhudtunore dabei duong tumi hola hinottei mui ei hodagan holung. 19 Ar mui judi Belzebula darai bhudtunore dabei duong, tomar puogune har darai bhud dabei duon? Senottei thara tomar bijierok obak. 20 Hintu mui judi Itchioro angulluo darai bhudtunore dabei duong, salen Itchioro rejjiogan hamakkai tomar hai ejchie. 21 Ek jon boli manjio aittier saji theinei, the tar nijor ghoran subi thele, tar pojabiriegani rokkie obo. 22 Hintu tartun bes boli ek jon ei, tare akkromon gorinei tare jidinei, the nirbhor gorede aittierani hari lole, the luddi loie jinijchani bhag goribuo. 23 Je mor loge noi, the mor biruddie age. Ar je mor loge no thuboi the settera gore.
24 Jokke hajorchie aptabuoi manjiortun nigili jai. Sokkene the jireibartei shuguno jaga hotta di jeinei jireibar jaga togeinei no pelo. Sebeden the holo, ‘Mui phelei ejchiongge ghoranot phiri jang.’ 25 Bhudtuo einei, ghoran suri phellie ar sajeie gori degilogi. 26 Sebeden the jeinei tartun bes bojong oinnio sattuo bhud tar loge anilogoi. Ar thara sominei siot bojotti gorilakki. Sei manuschuor polim dojaganottun jero dojagan bes horab olo.”
27 Jisu sei hadagani hode, manjior jhagottun ekkuo miliei birat ro gori tare holo, “Jei miliebuoi tore phudeie ar bugo-dut habeie, the hoballie.” 28 Hintu Jisu holo, “Noi, noi, je manuschune Itchioro hoda sunon ar manon, thara hoballie.”
Sinno Magon
Mot 12:38 -45
29 Jhag-jhag manus Jisur seropala thubeinei, the huo arambo gorilo, “Ei jugo manuschun olakke bojong. Thara sinno sebartei mone hoi. Muni Jonar sinnogan bade tharare huno sinno dega odo noi ar. 30 Ninevi sohoro manuschunottei Jona elode sinnogan. Thik sedogkie gori, Munischioro Puobuoio ei jugo manuschunottei sinno obo. 31 Bijiero dinnout, Dokkino Ranibuoi ei jugo manuschuno loge udinei tharare dujot doribogi. Haron, Solomon rajar gyeno hoda sunibartei pittimir thumortun the ejchie. Ar sawh, Solomon rajartun bes dangor iot ek jon age. 32 Bijiero dinnuot Ninevi sohoro manuschune ei jugo manuschuno loge udinei, tharare dujot doribakki. Haron, Jona prosar gorinei, thara monani phireion. Ar sawh, Jonattun bes dangor iot ek jon age.
Heyet Serag
Mot 6:22 -23
33 “Huno jon serag dhorenei lugei no thon ar soro dagi no thon. Hintu je somegi the phor dege para, serag-danit the thoi. 34 Sog olakke heyeganottei seragor dogkie. senottei, tor sogkun gom ole, tor goda heyegan phor obo. Hintu tor sogkun horab ole, tor heyegan goda andhar obo. 35 Senottei tor bidirie agede phoran andhar no oi para seis. 36 Sebeden judi tor goda heyegan phor ole, ekkenaio andhar no ole, tor heyet serag jolette dogkie gori tor goda heyegan phor olode sie.”
Hobal Purok
37 Jisu hoda hoi phureinei ek jon Pharisie tar loge bhat hebartei tare bolelo. Senottei, Jisu bidirie jeinei hebartei bologoi. 38 Hebar akkendi Jisu bureinei ad no dhoi bili Pharisibuoi thareinei, the amok olo. 39 Sebeden Probuie tare holo, “Tumi Pharisigune goloj ar bajon-hodora barendi sap goro. Hintu bidirendi oghur lubbo ar bojonggoi boron oi ago. 40 Tumi murukkogun Jei Itchiorbuoi manjior barendi ien baneie, the manjior bidirendi ieno no banai ni na. 41 Tumi gorib dugkiere bidiriettun dan gorillie, ar sawh begkani tomar sudduo obo. 42 Oh Pharisigun, tomar hobal purok! Haron tumi dos bhagor ek bhag toloji, sabarang ar beg sak pat dan goro. Hintu niai ar Itchioro hospanagan tumi puri phellio. Oinnio hamani no gorsie gori phelei no jeinei ieni tomar, gorana osit. 43 Oh Pharisigun, tomar hobal purok! Haron synagogot begottun moillioban bojibar jaga ar ade-bazare manjie tomare salam goridak tomartun mone hoi. 44 Oh phagara dhormo niomor mastorun ar Pharisigun, tomar hobal puribo! Haron tumi olade no degkie sidiesalo dogkien, ar manjie hobor no peinei uri-uri beran.”
45 Sebeden ek jon dhormoniom janiei tare holo, “Guruthagur, sei hodaganiloi tui daw amareo itjiot marotte.” 46 Jisu tare holo, “Oh dhormo niom janiegun, tomar hobal purok! Haron tumi manjiore no jinede gour bugi bugei duo. Ar tum ole, nije ekkuo angulloio bugibuo no dhoro. 47 Tomar hobal puribo! Haron tumi munigunottei sidiesal bano, jigunore tomar purbo-puruschune morei pheleion. 48 Senottei tomar purbo-puruschune gorsionde hamani tumi mannio bili tumi shakki duor. Haron thara morei phellion ar tumi sigunor sidiesalani bano. 49 Sienittei, Itchiore tar gyenodi hoie, ‘Mui thara sidu munigunore dipadeiegun padeim. Thara hoiek jon tharattun morei pheleibak ar ek dagire uttiesar goribak’. 50 Senottei, songsar sristi gora oiede siottun dhori jei munigunor logani phellion, sigunor daetto ei jugo manuschune bugi pebak. 51 Oi, mui tomare hongor, Abelor lo phelei denattun dhori Zekariar lo phelei dena song, jare pallienganor mondiro sere morei pela oie. Sienir beg daettogani ei jugo manuschune bugi pebak. 52 Oh dhormo niom janiegun, tomar hobal purok! Haron gyeno chabigan tumi loio. Tumi nijeio no somo ar somadonde sigunoreo tumi giri rageio.” 53 Jisu sei hodagani honar porendi, dhormo niomo mastorun ar Pharisigun tarloi rak gori torga-torgi gora arambo gorilak. Nanakkan hoda sombonde the tharare uttor de para, tare huo bajei dibartei sesta gorilak. 54 Tar hodat tare dujot phelebartei thara subi thelak.