Jisu Hottur Jon Dipadelo
10
Sei porendi, Probu aro oinnio huttur jon beitulilo. The jebode sohoranit ar jaganit tartun akke-akke tharare di jon di jon gori dipadelo. 2  The tharare holo, “Ghomun diebar jodepode shagor age, hintu ham gorie hom. Senottei, ghomun dieie hedot dipadebartei gomor Girojchuore shokto gori hujoli gori. 3  Sawh, jharbuo huguro sere bera-shagolo shawh dogkie gori mui tomare padangor. 4  Tengaδ hollie ok hotchal ok no loio. Jodaio no loio. Ar podot harore salam no gorsio. 5  Je ghoranot tumi uduogoi, akke hoio ‘Ei ghoranot shanti ok.’ 6  Judi shanti hos peie manus thele, tomar shantigan tar ugure thok. Anole, shantigan tomar idu phiri ebo. 7  Ekkan ghorot thagkuo. Thara hebar-debar jien duon sien heio. Haron ham goriebuoi tar bedonun pana lak. Ghore-ghore no bereio. 8  Tumi je sohoranot somogoi, thara tomare lobiot goribak. Thara tomare jien hebartei duon sien heio. 9  Aw-sugkie thele, tharare gom gori duo. Ar tumi tharare hoio: Itchioro rejjiogan tomar hai ejchie. 10  Ar tumi je sohoranot somogoi, thara tomare lobiot no gorilie, pode-pode jeinei ien hoiogoi: 11  Tomar sohorano dhullieni amar thengopadar baschie, Sieni ami tomar biruddie jhari dir. Tobuio tumi hobar peio, Itchioro rejjiogan tomar hai ejchie. 12  Hintu mui tomare hongor, Bijiero Dinnuot sei sohorano manuschunor sastiganottun borong Sodomor sastigan sorjio gora jebo. 13  Oh Korazin, tor hobal puribo! Oh Bethsaida, tor hobal puribo! Haron tomar siot amok ham gora jeiede sieni judi Tyre ar Sidon sohoranit gora jedo, thara bojinei bosta urinei ar shei gulinei honatto tharar monani phireion bili degelakkun. 14  Hintu bijierot tumi sasti pebade darane Tyre ar Sidonor sastigan sorjio gora jebo 15  Ar oh Kapernaum, tui sormanloi sorgo song uttuoschie sibie, Padalot tore phelei die obo. 16  Je tomar hoda sune, the mor hodaio sune. Je tomare the moreio no manibo. Ar je more no manibo, the more dipadeiebuoreo no manibo.”
17  Sebeden hottur jon manus hujhi gori phiri einei holakki, “Probu, tor nange bhudtuneo amar Odino tole than.” 18  Jisu tharare holo, “Deba jhimileni dogkie gori Soitannuo sorgottun portegi mui degkuong. 19  Sawh, sabo ar di-darchie pugo ugure hus di paro para, ar huno hitchuie tomare hoti gori parto noi. 20  Hintu Bhudtun tomar odinot tole thande hinottei hujhi no oio. Hintu tomar nangani sorgot lega age hinottei hujhi oio.”
21  Sei lokke Jisu Apta darai hujhi oinei holo, “Oh Ba, sorgo ar pittimir Probu, tui ei hodagani gyeni ar buddhi-bola manuschunottun lugei thoios, hintu sigon guro sannie manuschuno idu ieni phogodang gorilie hinottei mui Tore donniobad duongor. Oi Ba, haron sien tor gom lage. 22  Baba begkani mor adot gojei die. Babe bade Puobuore huno jone hobor no pan. Puobuo bade ar Babpuoi janei dede sigun bade huno jone Babore hobor no pan.”
23  Sebeden Jisu tar sisjioguno mokkie phirinei juj-juj gori holo, “Tumi jieni degor sieni degodonde sogkun baari hoballie. 24  Mui tomare hongor, bhaluk jon munie ar rajai tumi degotte sieni sebartei dhap gorineio, thara sei no pan. Ar tumi sunotte sieni sunibartei dhap gorineio, thara suni no pan.”
Gom Samaria
Manuschuor Hoda
25  Ar sawh, ek jon Dhormo Niom janiei Jisure joga sebartei thieinei holo, “Guruthagur, ononto jibon pebartei mor hi gora poribo?”
26  Jisu tare holo, “Niomanot hi legkie? Siot tui hi madeios?”
27  Sebeden Dhormo Niom janiebuoi uttor dilo, “ ‘Tor PROBU Itchiorbuore tor goda ontorandoi, tor goda aptabuoloi, tor goda bolandoi ar goda tor monandoi, tui hos pei pebe,’ ar ‘Tore tui hos paschie dogkie tor paralliegunoreio tui hos peis.’ ”
28  Jisu tare holo, “Tui thik gori uttor dile, tui sien gorloi tui bajibe.”
29  Hintu the nijore nije ni duji bili dagebartei tartun mone hor hinottei, the holo, “Honna mor parallie?”
30  Jisu tare uttor dilo, “Ek jon manus Jerusalemortun Jerikkot jade, dagedo adot porilo. Dagettune tar habor-suborani phuei loinei tare thajei marinei, adha-mora gori phelei gelak. 31  Sebeden edogkie olo, ekkuo dhormo guru sei podtanodi jar. Dhormo gurubuoi tare deginei podtan pazara phari gelogoi. 32  Ar sedogkie gori ek jon Levi manus siot lungilogi. The tare deginei, theo podtan pazara phari gelogoi. 33  Hintu ek jon Samari manus porbhajot jade, tare lagot pelogi. The tare deginei sit purilo. 34  The tar sidu gelo. Tar ghobanit tel ar angguro ros dali dinei, bani dilo. The tare tar nijor gadhabuo pidit tulinei ekkan porbhajchie ghorot ninei, tare jotton gori thoiegoi. 35  Tar hellie the siottun jadegoi, the dibie denariδ nigileinei porbhajchie ghoro girojchuore dinedi holo, ‘Tare jotton goris. Tui aro jigun horoj goros, mui phirte sigun dimbi.’ 36  Sei tin jonottun honna dagedo adot porsie manuschuor parallie bili tui mone goros?”
37  Dhormo Niom janiebuoi holo, “Tare doye gorsiede sibie.” Jisu tare holo, “Tuio jeinei sedogkie gorloi.”
Meri ar Martha dagir
Ghorot Jisu
38  Sebeden thara jade-jade ekkan adamot somilakki. Martha nange ekkuo milie Jisure tar ghorot lobiot gorilo. 39  Meri nange sei miliebuor ekkuo bon elo. Meri Jisure thango hure bojinei tar hoda suni age. 40  Hintu Martha hebar jugol gorte no tangorer. The Jisur sidu jeinei hologoi, “Probu, mor bonnuoi beg hamani more theli aberei dede tui mone no goror? Senottei, more bol dibartei tare hona?”
41  Jisu tare uttor dilo, “Martha, Martha, tui balukkani sintie gorinei jagulug oi thas. 42  Bana ekkan jinij dorkar. Meri sei gom jinijchan bei loie. Mui sien tartun hari no lom.”