Jisu Baro Jon Sisjio Dipadelo
Mot 10:1 -42; Mak 6:7 -13
9
Sebeden Jisu tar baro jon sisjio ek loge daginei tharare beg bhudtuno ugure ar biedi gom gori dibar, hemoda ar odhihar dilo. 2 Ar Itchioror rejjiogan prosar goribartei ar aw-sugkie gom goribartei the tharare dipadelo. 3 Jisu tharare holo, “Porbhajottei hitchu no loio. Ludig ok, hotchal ok, pidie ok no loio. Tengaδ no loio ar dibie shilum no loio. 4 Ar tumi je ghoranot gorba uduogoi, sei jaganottun no jo song, siot thagkuo. 5 Ar je tomare lobiot no gore tumi jokke sei adamanottun nigili jade tharare tomar thengo dhullieni jhari di ejchio. Sien tharar biruddie shakki obo.” 6 Sebeden thara jeinei adame-adame. gelak. Jagai jagai gom hoboran prosar gorilak ar manuschio gom gorilak. 7 Sei lokke, seiran rejjior sason-gorie Herod Tetrakoδ Jisu gorsiede hamanir hobor begkani suninei buji borei no ejer. Hoiek jone honde Johone morattun jiei uttie. 8 Hoiek jone olakke Elija dega diegidie. Aro ek dagie holakke ek jon purona amolo muni jiei uttie. 9 Herode holo, “Mui Johonore sirie habi duong. Hintu mui hobor sunongotte sibie honna obo? Ar the Jisure sebartei dharoj gorilo.Pas Azar Manjiore Habana
Mot 14:13 -21; Mak 6:30 -44;
Jhn 6:1 -15
10 Dipadeiede sigun phiri einei thara hi-hi gorsiondoi begkani Jisure holakki. Sebeden the tharare Bethsaida sohoro hai ekkan niribili, jonosunnio jagat nejeilo. 11 Manuschune hobor peinei, thara tar pije gelak. Sebeden tharare ghoji lonar porendi, the tharare Itchioro rejjiogano sombonde holo. Ar jigun gom gori dibar elak sigun The gom gori dilo.
12 Bel duppie-duppie, baro jon sisjioi tar sidu jeinei holakkoi, “Ien niribili jaga hinottei thara ei jagano seropala adamanit ar hedot jan para manuschunore dipada. Thara sei jaganit hebar-thebar togei pari bakkoi.” 13 Hintu the tharare holo, “Tumi tharare hiju hebar jinij duo.” Thara holak, “Amartun paschan pidie ar dibie maj bade ar hitchu nei. Anole, ami jeinei ei beg manuschunottei haidie jinij hini pebonggoi.” 14 Haron siot perai pas azar morod elak. Hintu Jisu tar sisjiogunore holo, “Ponjas jon ponjas jon gori tharare boja bajei duo.” 15 Ar thara beg manuschunore boja bajei dilak. 16 Jisu paschan pidie ar dibie maj adot loinei, agajo mokkie seinei pidiegani ar majchuno ugure asirbad girilo. Sebeden the pidiegani hotta gorinei, manuschunore bhag gori dibartei sisjiogunore dilo. 17 Thara begkune helak ar begkunor ped bhorilo. Hei-hai hotta-hutti ar ugursieni thara tuli lolakke boron baro lei.
Jisu Honna Bili
Pitore Hoi Dilo
Mot 16:13 -20 ; Mak 8:27 -30
18 Ar edogkie olo, Jisu gai-gai gori bor mager. Tar sisjioguno tar loge elak. Sebeden the tharattun pujor gorilo, “Jonogone mui honna bili hon?” 19 Thara uttor dilak, “Hoiek jone honde baptisma gori die Johon, ar oinnio jone honde Elija. Ar ek dagie honde ekkuo purona amolo muni jiei uttuoschie.” 20 Jisu holo, “Hintu tumi more honna bili ho?” Pitore uttor dinei holo, “Tui olede Itchioror Kristo.” 21 Thara harore no hobartei Jisu tharare shokto gori mana gorilo ar ugum dilo.
22 Jisu holo, “Munischioror Puobuoi onek dug-hosto pebo. Borjonnune, rajguruthagurune ar dhormo niomor mastorune tare no manibak. Tare morei pheleibak, hintu tin dino madat The aro jiei udibo.”
23 Sebeden Jisu thara begkunore holo, “Je mor loge judi edo sai, salen, tar nijor monjokka no gori din bagene tar kroschan buginei mor loge ejok 24 Haron je tar poranan bajeibartei sai, the areibo. Hintu je mortei tar poranan arai, the tar poranan rokkie goribo. 25 Haron ek jone goda songsaran peinei judi the nas ole bah areile, tar hi lab obo? 26 Haron je mortei ar mor hodaganittei lajai, jokke, Munischioro Puobuo tar nijor ar Babor oborugkandoi pobitro sorgo-dudtun somot ebo, sekke tartei lajei dibo. 27 Mui tomare soittio hodagan hongor: Iot hoiek jon thiei agonde sigunottun Itchioror rejjiogan no degon song thara mortak noi.”
Jisur Sengera Judo olo
Mot 17:1 -13; Mak 9:2 -9
28 Jisu sei hodagan honar perai attio din porendi, the Pitorore, Johonore ar Jakobore tar loge nilo. Ekkuo mounot bor magibartei the udilogoi. 29 The bor magode, tar muo sengera bodolinei debo-rong phudilo. Tar haborani dhub oinei jhimid-jhimid joler. 30 Ar sawh, di jon manjie tarloi hoda hodon. Sigun olakke Mosiloi Elija. 31 Thara oborug gori dega duondi. Thara Jerusalemortun The songsaran sari jebode hodagan hodon. 32 Hintu Pitore ar tar somarsiegune ghum jadon. Thara ghumottun puro gori jaginei, Jisur oborugkan degilak ar tar somare di jon thieie gori degilak. 33 Sei di jon manus Jisu hai hurettun jadonde seiet, Pitore Jisure holo, “Guruthagur, ami iot thele gom obo. Tinan bajei bani tortei ekkan, Mosittei ekkan ar Elijattei ekkan.” Pitore hi hor theio hobor no pai. 34 Pitore sien horte seiet, ek sak meg einei tharare dagilogi. Megkane tharare dagode thara dorelak. 35 Megkanottun ekkuo sobdo bhar olo, “Ibie mor agojor Puobuo. Tar hoda suinnio.” 36 Sobdobuo thum oinei, thara bana Jisure degilak. Ar thara olor gori thelak. Sei lokke thara hi degkuon, thara harore no hon.
Jisu Bhude peie
Guro Gom Gorilo
Mot 17:14 -23; Mak 9:14 -29
37 Tar hellie thara mounnuottun lambegoi, shagor manus Jisuloi egottor olakki. 38 Ar sawh, manjior jhagottun ek jone birat ro gori holo, “Guruthagur, mui tore hujoli gorongor, the bana ekkuo gori mor puo hinottei tare ekka sei de. 39 Sah, tare bhude pai ar abada gori the hijiek hari ude. Tare borat gori pelai, honggorong oi ar muendi phena nigilai. Tare gha goridinei mone no hoie gorinei nigili jai. 40 Mui tor sisjiogunore bhudtuo dabei dibartei baari hujoli gorsiong. Hintu thara no paron.” 41 Jisu holo, “Oh ei jugor bischias no gorsie hu-pode jode manuschun! Mui tomar loge hodog bilom theim? Hodog bilom mui tomare soijjio gorim? Tor puobuore idu ano.”
42 Gurobuo ette seiet, bhudtuoi tare borat ori phelei honggorong goreie. Jisu hajorchie aptabuore gobinei begkune sokko-bokko olak. Jisu gorsiede haman begkune amok thareilak. Sebeden Jisu tar sisjiogunore holo.
43 Itchioro mohimagan deginei, gurobuore gom gori dinei di tar babo idu gojei dilo. 44 Ei hodagani mondi suno: Haron Munischioro Puobuore manjior adot gojei dibar somoi oi ejchie.” 45 Hintu The hi holo thara no bujilak. Thara no bujon para, the ghubei thoie. Ar tharaio dore pujor no gorilak.
Honna Begottun Dangor
Mot 18:1 -9 ; Mak 9:33 -39
46 Honna begottun dangor obo, ei hoda ganottei tharar moiddie torga-torgi arambo olo. 47 Hintu Jisu, tharar mono hodani buji parinei, ekkuo sigon guro aninei tar dagedi thie bajei dilo. 48 Sebeden the tharare holo, “Je ei sigon gurobuore mor nange lobiot gore, the more lobiot gore para obo. Ar je more lobiot gore, more dipadeiebuoreo the lobiot gore para obo. haron je tomar moiddie begottun niroit, the begottun dangor obo.”
49 Ar Johone holo, “Guruthagur, tor nange bhud dabei dette ami ek jon manus degkiei. The amar moiddie tor pijedi jeie manus noi hinottei, ami tare mana gorsei.” 50 Jisu holo, “Tare mana no gorsio. Haron je amar biruddie noi, the amar pokke.”
Samaria Manuschune
Jisure Hos no pan
51 Jisure sorgot tulibarloi somoibuo hai ejchie. Sei udischuo gori Jerusalemot jebartei the sindi mokkie mu olo. 52 Tar akke akke the hoborbuo padeilo. Tartei thebar jaga togei dibartei, sei manuschune ekkan Samari manjior adamot somelakkoi. 53 Jisu Jerusalemot jar hinottei, adammiegune tare lobiot no gorilak. 54 Tar sisjio Jakobpoi Johone sien deginei, thara holak, “Probu, ami agun dagilie tui hi mone goros?” 55 Hintu The phirinei tharare gobinei holo, “Tumi henjannie aptar manus tumi hobor no po. 56 Munischioro Puobuo manjior poran nas gori dibartei no eje. Hintu rokkie gori dibartei ejchie.” Sebeden thara aro ekkan adamot gelak.
Jisur Loge Jade Kros Age
Mot 8:19 -22
57 Thara podedi adi jade, ek jone Jisure holo, “Probu, tui jidu jas mui tor pune-pune eim.” 58 Sebeden Jisu tare holo, “Sialunottun haath age ar agajot uronde pheigkunottun bha age. Hintu Munischioro Puobuottun tar siriebuo thobaro jaga nei.” 59 Ar Jisu aro ek jonore holo, “Mor pune-pune ai.” Hintu the holo, “Probu, babare garebartei more akke jebartei onumoti de.” 60 Hintu Jisu tare holo, “Moragune tharar nijor moragun garadok. Hintu tui ja ar akke Itchioro rejjiogan prosar gorloi.” 61 Sebeden aro ek jone holo, “Probu, mui tor loge eim. Hintu mui akke jeinei mor ghorbuogunottun bidei magi ejonggoi.” 62 Jisu tare holo, “Je alsuode langolanot dhorinei pijendi sei thai, the Itchioro rejjiottei lak noi.”