Jisur Porikkie
Mot 4:1 -11; Mak 1:12 -13
4
Jisu Pobitro Aptaloi boron oinei, Jordan sorattun phirilogoi. Sebeden Aptai tare moruobomit nejeilo. 2 Siot Diabolaδ tare solis din song lub degenei pabot pheleibartei seie. Sei dinunot The hitchu no hai hinottei dinun bidi janar porendi, tar ped purilo 3 Diabolaδ tare holo, “Tui judi Itchioro Puo os, ei silluo pidie obartei ugum de.” 4 Jisu tare holo, “Pobitro Sastrot ien lega age: ‘Manus bana pidieloi no bajibak, hintu Itchioro muottun bhar oidie hoda darai bajibak.’ ” 5 Sebeden Diabolaδ tare ekkuo ojol muonot tulilogoi. Siottun the Jisure songsaro beg rejjiogani bidirie degelo. 6 Ar Diabolaδ tare holo, “Ei begkanir odhihar ar tharar oborugkani mui Tore dim. Ieni more die oie hinottei, mortun jare mone hoi tare ieni mui di parong. 7 Senottei, tui judi more tobona goros, ieni begkani Tor obo.” 8 Jisu holo, “Soitan, iottun jagoi haron Sastroie hoi, ‘Tor PROBU Itchiorbuore tobona goris, ar tui bana tare sebona goris.’ ” 9 Diabolaδ Jisure Jerusalemot ninei, Mondirbuor suischieng badhi-sugkuor ugure thie bajei dilo. Ar the holo, “Tui judi Itchioro Puo os, iottun jham de. 10 Haron Sastroie hoi,‘The Tore rokkie goribartei tar sorgo-dudtunore ugum dibo.
11 Tor thengani silot dhuz no hai para, tare ad padi thebakki.’ ”
12 Sebeden Jisu tare holo, “Pobitro Sastroie hoi, ‘Tor PROBU Itchiorbuore tui porikkie no seis.’ ” 13 Diabolaδ beg lubpani dege phureinei, the Jisure sujuk pai song iri gelo.
Nazereth Hulliegune
Jisure no gojhilak
14 Sebeden Jisu Apta hemodaloi Galili dejot phirilo. Jisur hoboran beg jaganit sidie gelo. 15 The tharare ynagogot sigkie dilo ar beg manuschune tare baini gorilak. 16 Sebeden the dangor-digol oiede Nazareth adamanot lungilogi. Ar Judaiunor Jireni Dinnuot, tar dosturo doge, the synagogot gelo. Madeibartei the theilo. 17 Muni Isaia legkie boibuo tare dilak. Bodi thoie boibuo melinei the sei bhagkuo pelo jiot ien lega age:
18 “PROBUR Aptabuo mor ugure age. Senottei, gorib manuschunore gom hoboran mui hobarlottei, the more bei loie. Jigunor monani bhanggie, sigunor monani gom gori dibartei, ar bondi oi agonde sigunore halas hodagan hoi dibartei, hanune degon para gori dibartei, the more dipadeie. Jigune dug-dorop padon, sigunore uddhar goribartei, the more dipadeie.
19 PROBUR gojhi loidie bojorbuo prosar goribartei, the more dipadeie.”
20 Ar Jisu boibuo bodinei bodi lobiot goriebuore dilo. Jokke the bojilo, synagogot beg manuschune tare rini sei agon. 21 The tharare ho arambo gorilo, “Edchie, tumi suni agode lokke Sastro hodagan puron olo.” 22 Ar begkune tare gom hodon. Tar muottun doye hodani suninei thara amok oinei holak, “Ete Josebor puo noi ni?” 23 Jisu tharare holo, “Tumi hamakkai ei dagho hodagan more hoba ‘Daktorchie, tore tui gom gor! Kapernaumot tui jieni gorsios bili ami suinnei, sieni tor adamanotio gor na.’ ” 24 The aro holo, “Mui tomare soittio hodagan hongor, munire tharar nijor adamot huno jone gojhi no lon. 25 Hintu mui tomare soittio hodagan hongor: Eliza amolot Israel dejot shagor rani-milie elak. Itchiore debabuo share-tin bojor bondo gori thoie. Goda dejchanot shanggadik bhadorad oie. 26 Tobuio, Itchiore Elijare sei ekkuo rani-milie sidu di no padai. Hintu The Elijare Sidon bamot Zarephat adamot ekkuo gori rani-milie sidu dipadeie. 27 Ar muni Elisha amolot, Israel dejot shagor pharangi manus elak. Syria dejor manus Naaman bade the harore gom gori no de.” 28 Sei hodagani suninei, synagogot beg manuschunor shanggadik rak udilo. 29 Thara udi, tare adamortun bhar gori dilak. Tharar adaman muro ugure elo. Tare hama madandi phelei dibartei, tare ekkan ojol tarengo madat nilak. 30 Hintu Jisu manuschuno jhago serendi nigili, jeiegoi.
Jisu Hajorchie Bhud
Dabei Dilo
Mak 1:21 -28
31 Sebeden Jisu Galili dejor Kapernaum sohorot gelo. Ar Judaiunor Jireni Dinnuot The tharare sigkie der. 32 The hemoda-bola dogkie gori hoda hor hinottei, the sigkie dette siendoi manuschun amok olak. 33 Synagogot ek jonor hajorchie bhudor apta elo. The birat ro gori holo, 34 “Oh Nazareth hullie Jisu, tui amare hi goribartei ele? Amare nas goribartei ele ni na? mui tore sinong. Tui olede Itchiorottun Pobitrobuo.” 35 Sebeden Jisu tare gobinei holo, “No madis, sube-sabe tartun nigili ai!” Begkunor song moiddie bhudtuoi tare goschei pheleinei, tare hoti no gorsie gori nigili gelogoi. 36 Begkune amok olak. Thara-thara huobula gorton, “Ien hi hoda? The hajorchie aptagunore hemoda ar odhihar loi ugum de, ar thara nigili jan.” 37 Ar tar hoboran goda seropala jaganit sidie gelo.
Jisu Bhaluk Jon Gom Gorilo
Mot 8:14 -17; Mak 1:29 -34
38 Jisu synagogottun nigilenar porendi, the Simonor ghorot gelo. Sei lokke Simonor shuribuottun shanggadik jor uttie, ar tartei thara Jisure hujoli gorilak. 39 Sebeden Jisu tar ugure gujong oinei joranore gubilo. Joran gom oinei the jogon-togon udinei tharare lobiot gorilo. 40 Bel duppie-duppie, jigunor nanan doronor biedi age begkunore tar idu anilak. The tharar ugure jon bagene ad dinei gom gori dilo. 41 Shagor manjiortun bhud nigili jeion. Thara birat ro gori holak, “Tui olede Kristo, Itchioror Puobuo.” Jisu bhudtunore gubilo. The Kristo bili thara hobor pan hinottei, the tharare madibar no dilo. 42 Phor ode-ode Jisu siottun jei, ekkan niribili jagat gelo. Manuschune tare togadon, manuschune tare suph peineigoi, tharare phelei no jebartei tare rageibar selak. 43 Hintu the holo, “Oinnio adamanitio Itchioro rejjiogano hoda mui prosar gori peim. Senottei Itchiore more dipadeie.” 44 Galili dejot synagogot the prosar goger.