Jisur Polim Sisjio Dagana
Mot 4:18 -22;Mak 1:16 -20
5
Ek dine, Jisu Gennesaret billuo parot thiei thagke manus-chune Itchioro hoda sunibartei tare theli nedon. 2 Hulo-sorot the dien naw degilogoi. Jalliegune tharar jalani dhobartei nawgani phelei jeion. 3 Siottun ekkan naw simonor elode sienot the udilo. Hulo-sorottun ekka theli dibartei the hujoli gorilo. Jisu nawganot bojinei siottun The manuschunore sigkie dilo. 4 The hoda hoi phureinei’ Simonore holo, “Nawgan gobhinot nejeinei Maj pebartei tor jalan ek hup marloi.” 5 Simone holo, “Guruthagur, goda reidtuo dug gorinei hitchu no pei. Hintu tui hole hinottei, ek hup jal mari sang.” 6 Jalan marinei ektal dangor-dangor maj bajilak. Jalan jane phadong-phadong oie. 7 Sebeden oinnio nawt agonde tharar somarsiegune einei tharare bol dibartei ijiriedi dagilak. Thara einei duogan nawt bhoreilak ar thara jane dubong-dubong oion. 8 Sien Simon Pitore deginei, the Jisur thengot salam gori porinei holo, “Probu, mui pabi, tui iottun jagoi.” 9 Sedukkuo maj bajeion hinottei the ar tar loge elakke sigune beg amok olak. 10 Simonor somarsie Zebedior puogun, Jakobpoi Johone amok olak. Sebeden Jisu Simonore holo, “No dores tui edchiettun dhori manus dhoribede.” 11 Tharar nawgani hulot bireinei, begkani phelei jei thara Jisur pije-pije jeion.Ek jon Pharangi
Manus Gom Olo
Mot 8:2 -4; Mak 1:40 -45
12 Ar edogkie olo, Jisu ekkan sohorot elode lokke, sawh, ek jon goda pharangi heye manus lungilogi. The Jisure deginei, bukpari salam gori pori shokto gori tare hujoli gorinei holo, “Probu, tortun mone hole more sudduo gori paros.” 13 Jisu tar adtan babeinei tare dhorinei holo, “Mortun mone hor, sudduo ok.” Jogon-togon tar pharangigan sudduo olo. 14 Sebeden Jisu tare ugum gorilo, “Harore no hos. Hintu jeinei tor heyegan dhormothagurbuore degeichoi. Tui sudduo oios bili hobor pan para shakki ijebe, Mosi ugum dede doge utchorbo gorloi.” 15 Hintu tar hoboran jedog pai sidie gelo. Jhag-jhag manus sunibartei ar the tharar biedigani gom gori dibartei tar idu thubodondi. 16 Hintu Jisu nitto niribili jagat jeinei bor magegoi.
Ek jon Ajorchie
Pirellie Gom Olo
Mot 9:1 -8; Mak 2:1 -12
17 Ek dine Jisu sigkie dede edogkie olo, Galili ar Judea dejor siot hoiek jon Pharisi ar hoiek jon dhormoniomo mastor adam bagenettun ar Jerusalemortun. Ar tharare gom gori dibartei siot Probur hemodagan elo. 18 Sawh, hoiek jon manjie ek jon ajorchie pirellie padiloi bhereinei bhaar goribarlottei pod togei selak. 19 Manuschunottei, thara tare bidirie ni no parilak. Sebeden tare salo ugure ninei, salan ogodeinei padibuo somot tare manuschuno song moiddie Jisur mujungot lamei dilak.
20 Jisu tharar bischiaschani deginei, pirelliebuore holo, “Bhai, mui tor pabpani mab dilung.” 21 Pharisigune ar dhormo niomo mastorune mone-mone hodon, “Itchiorore sorjadte ei Manuschuo honna? Itchior bade ar honna pabpani mab gori pare?” 22 Thara mone-mone hi bhabodon Jisu hoi parinei pujor gorilo, “Tumi sei hodagani a hittei tomar monot bhabor? 23 Hubon hode juit? ‘Mui tor pabpani mab dilung’ bah, ‘Udinei adi ja.’ 24 Hintu Munischioro Puobuottun pabpani mab goribar pittimit odhihar age. Sien tumi hobor pebartei ien mor gora porer.” Sebeden Jisu ajorchie pirelliebuore holo, “Uth, tor padibuo tulinei tor ghorot ja.” 25 Manuschuoi begkunor mujungot jogon-togon thieilo. The tar bischonan tulinei Itchiorore baini gori-gori tar ghorot gelo. 26 Siene thara begkunore shanggadik amok gorelo ar thara Itchiorore baini gorilak. Thara dorelak ar holak, “Ami edchie asarjio jinij degilong.”
Jisu Levire Dagilo
Mot 9:9 -13; Mak 2:13 -17
27 Sei porendi, Jisu gelogoi ar Levi nange the ek jon hajana tullie degilo. The hajana tulede ghoranot boi age. Jisu tare holo, “Mor loge ai.” 28 Sebeden Levi udi, begkani phelei jei Jisur pije gelo. 29 Sebeden Levi Jisuttei tar ghorot ekkan moitto haana dilo. Birat ek jhag hajana-tullie ar oinnio manus tharar loge hebartei bojilak. 30 Hintu Pharisigune ar tharar dhormo niomo mastorune tar sisjiogunore budbudeinei holak, “Tumi a hittei hajana-tulliegundoi ar pabigundoi bhat ho?” 31 Jisu tharare uttor dilo “Ni-rugi manjiortei daktor no lage, hintu aw-sugkiettei daktor lage 32 Mui dharmig manuschun dagibartei no ejong, hintu pabottun mon phiran para, pabigun dagibartei mui ejchiong.”
Jisure Ubos Thanar Sombonde Pejadon
Mot 9:14 -17; Mak 2:18 -22
33 Pharisigune Jisure holak, “Johonor sisjiogune nitto ubos thei thei bor magon. Pharisigunor sisjioguneo sedogkie goron. Hintu tor sisjiogune a hittei bhat-pani haan?” 34 Jisu tharare holo, “Nuo-jameibuor loge bo hoja jeie thara nuo-jameibuor loge thagke tharare ubos tha bajei di pariba para pang? 35 Hintu dinun ebag, sebeden nuo-jameibuore tharattun pharok gori neja obo. Sokkene thara ubos thebak.”
36 Jisu ei tulona hodagan tharare holo, “Huno jone puron haborot mar no gallie nuo haborloi tali no duon. Judi tali dile, nuo haborane phadi pheleibo. Nuo taligan puron haborandoi mildo noi. 37 Ar huno jone taza angguro ros puron samara holliet no bhoran. Judi bhorele, taza angguro roschane puron samara holliebuo phulei phadi phelebo. Angguro roschan nigili jebo ar samara holliebuo nosto obo. 38 Senottei, taza angguro ros nuo samara holliet bhorana, sebeden ros hebar mone no hoi. 39 Ar je puron ros heie, tartun jogon-togon nuo angguro ros hebar mone no hoi. Haron the hobo, ‘Puron modtan uttom.’ ”