Johonor Pod Sazana
Mot 3:1 -12; Mak 1:1 -18;
Jhn 1:6 -8, 15:36
3
Moharaja Tiberia Kaisara pondoro bojor rajotto lokkene, Judea rejjioganot Pontio Pilade sason-gorie elo. Galili rejjioganot Herode sason-gorie elo, tar bheibuo Philibe Iturea ar Trakoniti rejjioganir sason-gorie elo. Lysania Abilene rejjioganot sason-gorie elo. 2 Anna ar Kaiapha begottun dangor moharajguruthagur elak. Sei lokke Itchioror hodagan moruobomit Zekariar puo Johono idu ejchie. 3 Johone Jordan Sora Seropala beg bamanit jeinei pabor mab pebartei imie hana baptisma hoda prosar gorilo. 4 Siendoi muni Isaia tar boibuot legkiede sien puron olo,“Moruobomit ek jonor roi horte: ‘PROBUR podtan hajeinei, tar podani uju goro.
5 Beg hijingani boron gora obo. Beg moun murogun nijo gora obo. Tega-tekkie podtani uju gora obo. Ar phullie hattong podtani birbischie gora obo.
6 Beg manuschune Itchioror muktigan degibak.’ ”
7 Tar idu baptisma goribartei jhag-jhag manus gelak. Sebeden the tharare holo, “Bijollo sabor bongsogun, ebode rakkanottun dhei jebartei honna tomare uij dilo? 8 Tomar monani pabottun phireio bili manjie degonpara ham goro! Ar tumi mone-mone no hoio, ‘Amar bab Abrahame amattei agedo’ Haron mui tomare hongor: Itchiore ei silunottuno Abrahamottei puo banei di pare. 9 Ikkunu gajchunor gorat hurolan thuo oie. Jei gajchuot gom gulo no doribo, sibie goschei dinedi agunot phelei die obo.” 10 Sebeden manjior jhagkune pujor gorilak, “Judi siennie ole, amar hi gora poribo?” 11 Johone uttor dilo, “Jartun dibie shilum age, jar nei tare ekkuo bhag duok. Ar jar hebar jinij age, theo siennie gorog.” 12 Baptisma lobartei hajana-tulliegune Johono sidu gelak. Thara tare holak, “Guruthagur amar hi gora poribo?”
13 Johone tharare holo, “Niomor bara hajana no tullio.” 14 Ar hoiek jon soinnio tartun pujor gorilak, “Amar hi gora poribo?” the tharare holo, “Bolajure tengaδ no loio. Mijie-mijie gori manjiore duj no dou. Tomar bedonundoi mon hujhi gori thagkuo.” 15 Manuschune Kristore asha gori barsei agon hinottei, thara mone-mone Johonore hodon: the Kristo oini noi? 16 Johone begkunore holo, “Mui tomare jodepode gori panit baptisma gori duongor. Hintu mortun bes oborug ek jon ejer. Mui tar joda durienio huei dibar lak noi. The tomare Pobitro Aptaloi ar agundoi baptisma gori dibogi. 17 Tar ghomun gome-dalei boier dinedi gola-ghorot bhorei thobartei tar hulogan adot loinei age. Hintu sobhagun huno din morede agunot puri pheleibo.” 18 Johone shagor oinnio hodaloi manuschunore utchuo tuli dinei gom hoboran tharare janei dilo. 19 Seiran rejjiottun ekkan rejjio sason-gorie Herod Tetrakoδ tar bheio mogkuo Herodire loie hinottei Johone tare gobpie. Herode oinnio bojong ham gorsie hinotteio Johone tare gobpie. 20 Sieni baraio Herode aro ekkan duj gorilo. The Johonore jielot bhorei thoie.
Jisur Baptisma
Mot 3:13 -17; Mak 1:9 -11, 21
21 Johone beg manuschunore baptisma gori dede, Jisureo baptisma gori dilo. Jisu bor magode, sorgogan hulo gelo. 22 Pobitro Apta hodoro ruk dhorinei Jisur ugure porilogi. Sebeden sorgottun ekkuo sobdo bhar oinei holo, “Tui mor agojor Puo, mui Tor ugure baari hujhi olung.”
Jisur Purbo-puruschun
Mot 1:1 -16
23 Jisu tar ham arambo gorsiede lokke, the perai tiris bojor boios oie. Manjie mone gortak The Josebor puo, Josebe Helir puo. 24 Heli Motthador puo Motthade Levi Melukir puo, Meluki Jannar puo, Janna Josebor puo. 25 Josebe Mottathiar puo, Mottathia Amosor puo, Amose Nahumor puo, Nahume Eslir puo, Esli Naggar puo. 26 Nagga Maathor puo, Maathe Mottathiar puo, Mottathia Semeir puo, Semei Josebor puo, Josebe Judar puo, 27 Juda Joannanor puo, Joannane Rhesar puo, Rhesa Zerubabelor puo, Zerubabele Shealtielor puo, Shealtiele Nerir puo. 28 Neri Melukir puo, Meluki Addir puo, Addi Kosamor puo, Kosame Elmodamor puo, Elmodame Erar puo, 29 Era Joshuar puo, Joshua Eliezerar puo, Eliezera Jorimor puo, Jorime Motthador puo, Motthade Levir puo, 30 Levi Simeonor puo, Simeone Judar puo, Judar Josebor puo, Josebe Jonanor puo, Janane Eliakimor puo, 31 Eliakima Melear puo, Melea Mainanor puo, Mainane Mottathiador puo, Mottathiade Nathanor puo Nathane Davidor puo. 32 Davida Jesir puo, Jesi Obedor puo, Obede Boazor puo, Boaze Salmonor puo, Salmone Nahsonor puo. 33 Nahsone, Aminadabor puo, Aminadobe Aramor puo, Arame Joramor puo, Jorame Hezrono puo, Hezrone Perezor puo, Pereze Judar puo. 34 Juda Jakobor puo, Jakobe Isaakor puo, Isaake Abrahamor puo, Abrahame Terar puo, Tera Nahoror puo. 35 Nahore Serugor puo, Seruge Reur puo, Regu Pelegor puo, Pelege Eberor puo, Ebere Shelar puo. 36 Shela Kainanor puo, Kainane Arphasador puo, Arphasade Shemor puo, Sheme Noar puo, Noa Lamekor puo. 37 Lameke Methuselar puo, Methusela Enokor puo, Enoke Jaredor puo, Jarede Malalelor puo, Malalele Kainanor puo. 38 Kainane Enosor puo, Enose Sethor puo, Sethe Adamor puo, Adame Itchioror puo.