Anggur Bagano Ham goriegun
20
“Haron sorgo rejjiogan olode edogkie: Ekjon jagar giroje tar anggur baganot ham gora bajei dibartei beinnie poittie manus toga gelo. 2 Dine ek denariδ hamgoriegunore bedon the dibartei thik gorinei tar baganot tharare ham goribartei dipadelo. 3 Perai bennie tin ghonta somoiot the aro ath-holat gelo. Siot hoiek jon manus hitchu ham no gorsie gori thiei agonde the degilo. 4 The tharare holo, ‘Tumio mor angguro baganot jeinei ham gorogoi. Mui tomare thik bedon dim.’ Sebeden tharaio gelak. 5 Dibursie ar beillie tin porsie the aro jeinei sedogkie gorilogoi. 6 Beillie pastai the jeinei oinnio hoiek jon hitchu ham no gorsie gori thiei agonde deginei tharare holo, ‘Tumi iot a hittei hitchu ham no gorsie gori goda dinnu thiei agogi?’ 7 Thara tare holak, ‘Amare huno jone gabur no lon huttun.’ Ar the tharare holo, ‘Tumio mor anggur baganot jeinei ham gorogoi. Tumi thik bedon peba.’ 8 Bellie oinei angguro baganano girojchuoi tar sompotti rakkolibuore holo, ‘Ham goriegunore daginei bedon de. Bego jerobuottun dhori arambo gorinei polimmuo song dis.’ 9 Bellie pastattun dhori ham gorsionde sigune einei ek denaritδ dore pelak. 10 Akke hamot jeiegune einei bes pebak bili asha gorsion. Hintu tharaio ek denaritδ dore pelak. 11 Jogon thara bedon lolak, thara girojchiore bodnam gora arambo gorilak. 12 Thara holak, ‘Ei begottun jere ham goriegune daw bana ek ghonta ham gorsion. Ami goda dinnuo rodot ham gorilong, hintu tui amare thara jogai bedon dilede!’ 13 The tharar ek jonore uttor dilo, ‘Bhai, mui tore oinniei no gorong daw. Tui ek denariloiδ ham goribar raji oioschie noi ni? 14 Tor bedon loinei jagoi. Tore jingori diong, jere ham goriegunoreio sei doge dibar mor mone hor. 15 Mor nijor tengaloiδ mui jien gortung sat noi ni? Nahi mui doyeli hinottei tui pijhum goror?’ 16 Thik siennie gori, jero sigun akke obakkoi, ar akke oi agonde sigun jer poribak.”Aro Tar Moranar Hoda
Mak 10:3 -34; Luk 18:31 -34
17 Jisu Jerusalem sohor song jadte lokke podot tar sisjiogunore ek huredi ninei tharare holo, 18 “Suno, ami Jerusalem song jeir. Sidu Munischioro Puobuore rajguruthagurunor ar dhormo niomor mastorunor adot gojei die obo. Thara tare dujot pelanar porendi tar moribar dorkar bili thik goribak. 19 Ar sebeden thara Be-jadtunor adot tare gojei dibag. Thatta goribak, sabukkoi maribak ar Krosot dibag. Ar tin dino madad the aro jiei udibo.”
Jakob Ar Johonor Hujoli
Mak 10:35 -45
20 Sokkene Jebedior mogkuo tar puogundoi Jisur idu elo. The Jisur mujungot bukpari salam gori porinei tartun ekkan jinij magilo. 21 Jisu tartun pujor gorilo, “Tui hi sas?” Ar the holo, “Mor ei dibie puo tor denedi ekjon bangedi ek jon tor rejjiot boji paron para ugum de.” 22 Jisu holo, “Tumi magilade ien tumi hobor no po. Mui heimbe golojchuottun tumi hei pariba parapang? Mui lombe baptismagandoi tumi baptisma oi pariba parapang?” Thara tare holak, “Ami paribong.” 23 Jisu tharare holo, “Mor golojchuottun tumi hamakkai heba, ar mui lombe baptismagan tumi loba. Hintu mor denedi ok, mor bangedi ok bojeibar mor odhihar nei. Mor Babe jigunottei banedie sigune bojibak.” 24 Jokkene oinnio dos jone ien sunilak, thara di bheior ugure rak olak. 25 Hintu Jisu tharare tar idu daginei holo, “Tumi hobor pode Be-jadtune sason goronde sigunor odhihari on ar tharar murubbigune sigunor ugure ugum salei ni paron. 26 Hintu tomar moiddie siennie no obo. Je tomar moiddiettun dangor obar sai, the tomar sagorsie uo poribo. 27 Ar je tomar moiddiettun bego dangorbuo obar sai, the tomar banidaji uo poribo. 28 Thik sedogkie gori Munischioro Puobuoio manjiortun ham hebartei no eje, hintu the manjiore ham gori dibartei ar onek manjior muktir dam ijebe tar poranan dibartei ejchie.”
Di Jon Han Gom Olak
29 Jisu ar tar sisjiogun Jerikko sohorottun jade, jhag-jhag manus tharar pune-pune jadon. 30 Sawh, di jon han manus podo pazarat boji thagode, Jisu sei podtanodi jar bili suninei thara jogar pari-pari holak, “Probu, Davidor Puobuo, amare doye gor!” 31 Manuschune tharare jhaji dinei tharare sub gori thebartei holak. Hintu thara sie bes jogar pari-pari holak, “Probu, Davidor Puobuo, amare doye gor!” 32 Jisu mow oinei tharare daginei holo, “Mui tomartei hi gori didung tomartun mone hoi?” 33 Thara uttor dilak, “Probu, ami degi para amattun mone hoi.” 34 Sebeden Jisuttun tharare sit purinei tharar sogkun dhori dilo. Jogon-togon tharar sogkun gom oinei tar pune-pune gelak.