Sara-sari Sombonde
Mot 5:1 -32; Mak 10:2 -12;
Luk 16:18
19
Ar edogkie olo, Jisu sei hodagan hoi phureinei Galili dejchan phelei jei Jordan Sora uhuledi Judea dejot lungilogi. 2 Jhag-jhag manus tar pune-pune jeion. Siot tharare the gom goreie.3 Ar Pharisigune Jisur idu einei tare joga sebartei tare holakki, “Ek jon manjie tar mogkuore je huno harone sari dibar niomot age nahi?” 4 Jisu uttor dilo, “Adi purbe Itchiore ‘tharare milie ar morod gori baneie’ sien tumi madei no so? 5 Senottei daw ‘Morodtuoi tar bab-magun phelei jei tar mogkuoloi egottor obogoi. Ar thara di jone ekkan heye obak.’ 6 Senottei thara di jon noi ar hintu ekkan heye olak. Senottei Itchiore jien joragori di die, sien manjie pharok no gortok.” 7 Thara Jisure holak, “Salen, a hittei Mosi shur hagos dinei mog sari dibar ugum die?” 8 Jisu tharare holo, “Tumi akkol han hinottei mog sari dibar tomare Mosi onumoti dede ai. Hintu adi purbettun dhori edogkie no elo. 9 Mui tomare hongor: Je tar mogkuoi oinnio jonloi shanda no gorsie gori sari dinei ar the oinnio milie loi, tar puron mogkuor biruddie biebijier obo. Ar je sei sari die miliebuore loi, tareo biebijier obo.”
10 Tar sisjiogune tare holak, “Judi neg-mogor sere sedogkie obosta ole, lo-li no onagan bhala.”
11 Jisu tharare holo, “Begkune ei hodagan maniloi no paron. Bana jigunore die oie sigune maniloi paron. 12 Hoiek jon gorbhottun dhori nomonshuk than. Ar hoiek jon nomonshuk oineio than. Ar hoiek jon sorgo rejjiottei thara nijere-nije nomonshuk oineio than. Je ei hodagan maniloi pare, the mani lok.”
Jisu Ar Sigon Gurogun
Mak 10:13 -16; Luk 18:15 -17
13 Sokkene manjie sigon sigon guro Jisur idu sigunor mada ugure ad tuli dinei bor magi dibartei anilak. Hintu sisjiogune sei manuschunore aw-hoda holak. 14 Hintu Jisu holo, “Sigon gurogunore mor idu ebartei duo, tharare mana no gorsio. Haron sorgo rejjiogan olode ei sigon guroguno dogkien.” 15 Sigon gurogunore ugure ad tuli denar porendi Jisu siottun gelogoi.
Ek jon Thagoie Gabur Morod
Mak 10:17 -31; Luk 18:18 -30
16 Ar sawh, ek jon manus Jisur idu einei hologi, “Gom guruthagur, ononto jibon pebartei mor hi gom ham gora poribo?” 17 Jisu tare holo, “Tui a hittei more gom hole? Itchior bade ekjono gom nei ar. Hintu tui judi jibonanot somibar sas, shilegun paleis.” 18 Manuschuoi tare holo, “Hon shilegun?” Sebeden Jisu holo, “ ‘Hun no goris,’ ‘shanda no goris,’ ‘sur no goris,’ ‘mijie shakki no dis.’ 19 ‘Tor bab magunore sorman goris,’ ‘Tui nijore-nije hos paschie sannie, tor paralliegunoreio hos peis.’ ” 20 Gabur-morodtuoi Jisure holo, “Gaburottun dhori sei beg ugumani mui palei ejongor. Mor aro hi goribar bagi age?” 21 Jisu tare holo, “Tui judi puripunnuo obar sas, ja tor hi-hi age sieni bejinei tengagunδ gorib dugkiere degoi. Sebeden sorgot tor dhon thebo. Tar porendi einei mor pune-pune eis.” 22 Hintu sei hodagan gabursiebuoi suninei, the monot dug peinei gelogoi. Haron tartun onek dhon-sompotti age.
23 Sebeden Jisu tar sisjiogunore holo, “Mui tomare soittio hodagan hongor, thagoie manjiortei sorgo rejjiot somana aghattie age! 24 Mui aro tomare hongor: Ekjon dhoni manus Itchioror rejjioganot somana darane ekkuo uth sujor pajidi sominei nigili janagan bes utchuo.” 25 Sisjiogune ei hodagan suninei thara shanggadik amok oinei holak, “Salen, honna mukti pebo?” 26 Jisu tharare rini seinei holo, “Manjiortei aw-sombob hintu Itchiorottei begkani sombob.”
27 Sebeden Pitore Jisure holo, “Sah, ami beg phelei einei tor loge elong. Salen, ami hi pebong ar?” 28 Jisu tharare holo, “Mui tomare soittio hodagan hongor, nuo jugkuot jokke Munischioro Puobuoi tar oborug singasonanot bobo. Sokkene tumi mor pune-pune ebade siguneo barogan singasonot boinei Israelo baro jadore bijier goriba. 29 Ar je mortei ghor-duor, bhei-bon, bab-ma, mog-puo, ar jaga-jobin phelei eje the ek shot dunuo pebo, ononto jibonio pebo. 30 Hintu onek manus akkuol oi agonde sigun jer poribak, ar jero sigun akkuol obakkoi.