18
Sei lokke sisjiogune Jisur idu einei tartun pujor gorilakki, “Sorgo rejjiot honna begottun dangor?”2 Sebeden Jisu ekkuo sigon guro tar idu daginei tharar song moiddie bojeinei holo, 3 “Mui tomare soittio hodagan hongor, judi tumi mon phireinei sigon guro sannie no aw, huno din tumi sorgo rejjiot somi no peba. 4 Senottei je ei sigon gurobuo sannie niroit obo, sorgo rejjiot the begottun dangor. 5 Je mor nange edogkie ekkuo sigon guro lobiot gore, the more lobiot gore para obo. 6 Je huno ek jone edogkie ekkuo sigon gurore judi more bischias gorinei aro bischias no gore para gore, sei manuschuor ekkuo dangor sil tar gortonabuot bani dinei sagorot phelei dile tartei gom obo.
7 “Songsaro manuschune oinnio manuschunore pabot pelan hinottei tharar hobal purok! Sieni eneio uo poribo. Hintu jei manuschuo tharare pabot phelei tar hobal purok! 8 Judi tor adtane bah tor thengane tore pabot pelai, sien habi pheleis. Ononto agunanot dien ad bah dien theng somot porana darane ekkan ad bah ekkan theng neie gori jibonanot somanagan tortei gom obo. 9 Ar judi tor sogkuoi tore pabot pelai, sibie huei pheleis. Dibie sogkuoi norogor agunot jana darane, ekkuo sogkuoi jibonanot somanagan tortei gom obo.
Bera-shagolo Tulona
Luk 15:1 -7
10 “Seio, esannie ekkuo sigon guroreio aw-pela no gorsio. Mui tomare hongor, tharar sorgo-dudtune sorgot onsur mor sorgo Babor muonot sei agon. 11 Haron Munischioro Puobuoi ajhi jeiegun togeibartei ejchie.
12 “Tumi hi mone goro? Ek jon manjior ek shottuo bera-shagolottun ekkuo ajhi gelo, tar nirienobboibuo bera-shagol langelo pidit phelei jeinei ajhi jeiebuo the no togeibogoi ni na? 13 Mui tomare soittio hodagan hongor, the judi sibie suph pheleigoi, ajhi no jande nirienobboibuo bera-shagolunttun bes sibie ugure hujhi obo. 14 Thik siennie gori tomar sorgo Babottun esannie sigon guro ekkuoio areibar mone no hoi.
Je Bheibuo duj Gore
Luk 17:3 -4
15 “Judi tor bheibuoi tor biruddie pab gore, tui jeinei nibirot tar dujchan degei dischoi. Judi the tor hoda sune, salen, tor bheibuore tui jidinei phirei phelei. 16 Hintu judi the tor hoda no sune, tui ek jon bah di jon tor loge nejeis, senottei ‘di-tin jono shakkir hoda begkani soittio bilinei proman oi.’ 17 Tobuio judi the tharar hoda no sune, mondolit hoi dis. Ar judi the mondolir hodaio no sune, salen, tui tare Be-jad bah, hajana-tullie dogkie bebohar goris. 18 Mui tomare soittio hodagan hongor, ei pittimir tumi jien bondo goro, sorgotio bondo gora obo. Ar ei pittimit tumi jien huli duo, sorgotio huli die obo. 19 Mui tomare aro soittio hodagan hongor, jokkene ei pittimit tumi dijone ek song oinei je huno jinijottei bor mago, mor sorgo Babe sien gori dibo. 20 Haron mor nange jiot dijon bah tin jon eksomare thubeile, siot mui tharar loge agong.”
Mab no Dede Sagorsiebuo
21 Sokkene Pitore Jisur idu einei pujor gorilogi, “Probu, mor bheie mor ugure oborad gorilie, tare mui hoi bar mab dim? Sat bar song ni na?” 22 Jisu tare holo, “Mui tore hongor, bana sat bar noi hintu huttur huttur gori sat bar mab goris. 23 Sorgo rejjiogan olode edogkie: Ek jon rajai tar sagorsiegunottun ijeb selo. 24 Ijeb sade, tar idu ek jon sagorsie anilak. Sei sagorsiebuoi tare dos azar talenδ di pai. 25 The sujhi no paribo hinottei, tar horojchun ujol goribartei tar malikkuoi tare, tar mog-puo ar tar agede sieni somot bejibartei ugum dilo. 26 Sebeden sagorsiebuoi rajar mujungot bukpari salam gori porinei holo, ‘Doye gorinei more somoi de, mui tore begkun sujhim.’ 27 Sebeden sagorsiebuor malikkuottun tare shanggadik sit purilo. Tar horojchun mab dinei tare iri dilo. 28 Hintu sei sagorsiebuoi jeinei tar dogkie sagorsei tare ek shot denariδ di paidie sibiere lagot pelo. Tare noroli sibi dhorinei holo, ‘More di paschie igun de.’ 29 Sibiei tar thengot purinei tartun bikkie magilo, ‘Doye gorinei more somoi de, mui tore begkun sujhim.’ 30 Hintu the mab no dilo. The jeinei tar horojchun sujhi phuroi song tare jiel-hanat bhorei thologoi. 31 Oinnio sagorsiegune sien deginei tharar baari monot dug lagilo. Ar thara jeinei tharar malikkuore begkani holakkoi. 32 Sebeden malikkuoi sei sagorsiebuore daginei holo, ‘Pazi sagorsie tui! Tui mab maginei mui tor beg horojchun mab duong. 33 Hintu mui tore jingori doye gorsiong tuio sengori tor dogkie sagorsiebuoreo doye gorana osit elode noi ni?’ 34 Ar tar malikkuottun rak udi, tare di paidie sigun begkun sujhi phuroi song sasti goriegunor adot tare gojei dilo. 35 Judi tomar ontorottun tomar bheiunor oboradtani mab no duo, mor sorgo Babpuoio thik sedogkie gori tomare goribuo.”