Jisur Judo Sengera
Mak 9:2 -13; Luk 9:28 -36
17
Shoi din porendi Jisu Pitorore, Jakobore, Jakobor bhei Johonore tar loge nilo. The tharare ekkuo ojol mounot tulilogoi. 2 Siot tharar mujungot Jisur debo-rong phudilo. Tar muon belano dogkie joljollie olo ar tar haborani phoro dogkie dhub olo. 3 Ar sawh, Mosi ar Elija tharar mujungot dega dinei, Jisu loi hoda hodon. 4 Sebeden Pitore Jisure madelo, “Probu, ami iot thele gom obo. Tortun mone hole tinan bajei bani tortei ekkan, Mosittei ekkan ar Elijattei ekkan.” 5 Pitore sei hodagan horte lokke, sawh, eksak potpottie meg einei tharare dagilogi. Ar suno, megkanottun ekkuo sobdo bhar olo, “Ibie olode mor agojor Puobuo, mui tar ugure baari hujhi. Tumi tar hoda suinnio.” 6 Sisjiogune sei sobdobuo suninei dore madit bukpari polak. 7 Hintu Jisu einei ar tharare dhorinei holo, “Uduo, no doreo.” 8 Thara jokke seropala rini selak, Jisure bade ar huno jonore thara no degilak. 9 Mounnuottun thara lambegi Jisu tharare mana gorilo, “Munischioro Puobuo morattun jedogkon song jiei no ude, sedogkon song tumi degilade ien harore no hoio.” 10 Sisjiogune Jisuttun pujor gorilak, “Dhormo niomor mastorune Elija akke eja poribo, a hittei hon?” 11 Jisu tharare uttor dilo, “Elija daw hamakkai akke ebo, beg the thik gori dibogi. 12 Hintu mui tomare hongor, Elija daw honatto ejchie. Manjie tare no sininei, jien mone hoi sien tare gorsion. Thik siennie gori Munischioro Puobuoi tharar adot hosto pebo.” 13 Sebeden sisjiogune buji parilakke tharare Jisu baptisma gori die Johonor sombonde hor.Ekkuo Bhude peie Guro Hoda
Mak 9:14 -29; Luk 9:37 -43
14 Thara jokke manuschunor jhagkuot lungilakki, ek jon manus Jisur idu einei tar mujungot adu pari salam gori porilogi. 15 The holo, “Probu, mor puobuore doye gor. The thadei pore ar baari hosto par. Agunot ar panit onsur pore. 16 Mui tare tor sisjioguno idu anniong, hintu thara gom gori no paron” 17 Sebeden Jisu holo, “Oh ei jugor bischias no gorsie manuschun, mui tomar loge hodog bilon theim? Hodog bilon mui tomare sahajjio gorim? Tare mor idu ano.” 18 Sebeden Jisu bhudtuore gobinei gurobuottun bhudtuo nigili gelo. Ar gurobuore the jogon-togon gom gori dilo. 19 Tar porendi sisjiogune nibirot Jisur idu einei pujor gorilakki, “Ami a hittei bhudtuore dabei di no pari?”
20 Jisu tharare holo, “Tomar bischiaschan nei hinottei! Mui tomare soittio hodagan hongor, sigon soijjio biji para tomar bischias thele, judi tumi ei mounnuore ho, ‘Iottun jagat lor.’ Mounnuo lori pebo. Tumi begkani gori pariba. 21 Hintu edogkie bhud bor magana ar ubos thana darai no ole dabei dibar noi.”
22 Thara Galili dejot eksomare thagke, Jisu tharare holo, “Munischioro Puobuore manjior adot gojei dibar somoi oi ejchie. 23 Thara tare morei pheleibak. Ar tin dine tare aro jiei tuluo obo.” Sebeden sisjiogunor shanggadik mono dug olo.
Mondiro Hajana
24 Thara Kapernaumot lunginei, Mondiro hajana-tulliegune Pitoror idu einei holakki, “Tor Guruthagurbuoi Mondiro hajanaδ de ni?” 25 Pitore holo, “Oi, the de.” Thara jokke ghoro bidirie somilakkoi, Jisu tare akke holo, “Simon, tui hi mone goros? Pittimir rajagune hartun hajana tulon? Tharar puogunottun hajana tulon ni na oinnio jonottun tulon?” 26 Pitore uttor dilo, “Oinnio jonottun.” Sebeden Jisu tare holo, “Salen, puogune hajana di no pan. 27 Tobuio thara amare mono dug no pan para, sagorot jeinei borsi bagoi. Polim dhoribode maschuor muon hulile tui ekkuo rubuo poijieδ pebe. Sibie aninei tortei ar mortei hajana dischi.”
Honna Begottun Dangor?
Mak 9:33 -37; Luk 9:46 -48