Pobitro Ar Aw-pobitro
Mak 7:1 -13
15
Sebeden hoiek jon dhormo niomor mastor ar Pharisi Jerusalem sohorottun Jisur idu elak. 2 Thara pujor gorilakki, “Tor sisjiogune borjonnune die dosturan a hittei no manon? Haron thara ad no dhoie gori bhat haan.” 3 Sebeden Jisu tharare uttor dilo, “Tomar dosturan paleibartei a hittei tumi Itchioro uguman no mano? 4 Itchiore ugum die, ‘Tor bab mare sorman goris.’ Ar ‘Je tar nijor bab mare gobe, tumi tare morei phellio.’ 5 Hintu tumi hode, ‘Ek jon judi hoi, “Mor bab magunore sahajjio goribar tengagunδ Itchioro sidu utchorbo gora oie.” 6 Senottei tar bab magunore tar ar hitchu gora no puribo.’ Esannie gori tumi tomar dosturani paleibartei Itchioror uguman no mano. 7 Tumi phagaragun! Tomar sombonde muni Isaia thik gori hoi di jeie:8 ‘Ei manuschune tharar muendi more sorman goron. Hintu tharar monani mortun pharok.
9 Manjie baneie Itchioro ugumani dogkie gori thara sigan hinottei thara more tobona goronde ien aittie magana.’ ”
10 Sebeden Jisu jonogonore tar idu daginei tharare holo, “Tumi mor hoda suno ar buji lo. 11 Bharettun jieni manjior bidirie jai, sienie manjiore aw-pobitro no gore. Hintu manjior bidiriettun jieni nigili eje, sienie manjiore aw-pobitro gore.” 12 Sebeden sisjiogune tar idu einei holakki, “Pharisigune sei hodagan suninei ogoman peionde hobor pas ni?” 13 Hintu Jisu uttor dinei holo, “Jei gajchuo mor sorgo Babe no lagai, the ugurei pheleibo. 14 Tharare bad duo. Thara olakke han manjior han murubbi. Judi ek jon manjie oinnio ek jon han manjiore nejai, thara duo jon gadot poribakkoi.” 15 Sebeden Pitore Jisure holo, “Tulona hodagan amare bhangi de.” 16 Jisu holo, “Ejosong nobuschie gori agode ne? 17 Tumi hobor no po ni na? Jien muendi some, sien pedot jai. Tar porendi sien heyettun nigili jaigoi. 18 Hintu jieni muottun bhar oi, sieni ontorottun eje ar sienie manjiore aw-pobitro gore. 19 Haronan olode, ontorottun ejede hu-bhab, hun gorana, shanda, sur, mijie shakki, ar manjiore sorjana. 20 Ei ienie manjiore aw-pobitro gore. Hintu ad no dhoie gori hele manus aw-pobitro no on.”
Ek jon Kanaan
Milier Bischias
Mak 7:24 -30
21 Jisu sei jaganottun jei, Tyre ar Sidon bamot elo. 22 Ar sawh, sei bamottun ekkuo Kanaan milie Jisu idu einei jogar pari-pari holo, “Oh Probu, Davidor Puobuo, more doye gor! Mor jhibore shanggadik gori bhude peie.” 23 Hintu Jisu tare ekkan hodaio uttor no dilo. Ar tar sisjiogune tar idu jeinei tare hujoli gorinei holak, “Tare dipada. Amar pune-pune the joul gori-gori ejer.” 24 Jisu uttor dilo, “More bana Israel jadottun ajhi jeie bera-shagoluno idu dipada oie.” 25 Hintu miliebuoi einei Jisur mujungot bukpari salam gori porinei holo, “Probu, more sahajjio gor!” 26 Hintu Jisu holo, “Gurogunottun pidie hari loinei hugur’unore dena gom noi.” 27 Sebeden miliebuoi Jisure uttor dinei holo, “Probu, ene daw oi. Hintu gurogune haade girojchuor tebilo tole pidie gori jhuri pole hugurune daw haan.” 28 Sebeden Jisu tare uttor dilo, “Miliebuo, tor bischiaschan hom noi. Tor jeannie mone hoi siennie ok.” Thik sei oktot tar jhibuo gom oie.
Ser Azar Manjiore Habelo
Mak 8:1 -10
29 Jisu siottun janar porendi, Galili Sagoro phare-phare jeinei ekkuo mouno pidit udinei siot bojilogoi. 30 Jhag-jhag manus Jisur idu elak. Adur, han, rukkie, bub ar shagor aw-sugkie tar idu aninei tar thengo hure tholakki. Jisu sigunore gom gori dilo. 31 Bubpunore hoda hoi parte deginei, rukkiegun gom oionde deginei, adurune adi parte deginei ar hanune degodonde sieni manuschune deginei amok oinei Israeluno Itchiorbuore baini gorilak.
32 Jisu tar sisjiogunore tar idu daginei tharare holo, “Ei manuschunore mortun sit purer. Thara mor somare tin din olakki ar tharattun hitchu hebar nei. Thara jade ped porai alugo obakkoi hinottei tharare abuhoda dipadeb ar mortun mone no hor.” 33 Sebeden tar sisjiogune tare holak, “Edukkun manjiore ped bhora habebartei jonosunnio jagat huttun alajhala pidie pei dibonggoi?” 34 Jisu tharattun pujor gorilo, “Tomartun hoien pidie age?” Ar thara holak, “Amattun sattan pidie ar guri maj ghuleg agon.” 35 Sebeden Jisu manuschunore madi ugure bojibartei ugum dilo. 36 Sebeden the sattan pidie ar guri majchun adot loinei Itchiorore donniobad dilo. Sebeden the pidiegani hotta gorinei tar sisjiogunore dilo. Ar tar sisjiogune sieni manuschunore dilak. 37 Thara begkune helak, ar begkunor ped bhorilo. Tar porendi manuschune hei-hai ugursieni sisjiogune tuli lolakke boron sat lei. 38 Miliegun ar gurogun badgori, ser azar manjie heion. 39 Jisu manuschunore dipadanar porendi, the ekkan nawt udi Magdala bamot gelo.