Jisu Ar Baptisma Johone
Luk 7:18 -35
11
Jisu tar barojon sisjiore ugum di phureinei, Galili sohoranit sigkie dibartei ar prosar goribartei the siottun gelogoi. 2 Jiel-hanat Johone Jisu Kristor hamanir hobor suninei, the tar di jon sisjio dipadelo. 3 Thara Jisure holak, “Ebode sibie tui ni na, nahi, ami oinnio jonore barchedong?” 4 Sebeden Jisu tharare uttor dinei holo, “Tumi jieni degor ar sunor, sieni jeinei Johonore hoiogoi: 5 Hanune degodon, lengune adton, pharangi manuschun sudduo odon, halune sunodon, ar moragun jeda odon. Ar goribpunor sidu gom hoboran prosar gora awr. 6 Jar mor sombonde shiongshama nei the hoballie!”7 Johonor sisjiogune siottun jadonde lokke Jisu Johonor sombonde manuschunore holo, “Moruobomit tumi hi sebartei jeio? Boiere laraidie hagara sebartei jeio ni na? 8 Hintu tumi hi sebartei jeio? Doul habor ursie manus sebartei tumi jeio ni na? Suno, doul habor uronde manuschun raj-ghorot no than. 9 Hintu tumi hi sebartei jeio? Muni sebartei tumi jeio ni na? Mui tomare hongor: oi, the munittun bes dangor. 10 Haron Johonor sombonde Sastrot lega age:
‘Sawh, mor hoborboiebuo tor mujungedi padangor. The tor podtan hajei dibo.’
11 “Mui tomare soittio hodagan hongor, jedog jon miliettun jormo oion baptisma goridie Johonottun bes hono jon dangor nei. Hintu sorgo rejjiot je begottun sigon, the Johonottun bes dangor. 12 Baptisma gori die Johonor lokkettun dhori ikkie song sorgo rejjiogan manjie hara-hari gorsion, ar jigune bole paron, thara lon. 13 Haron Johonor amol song beg munigune ar Mosir Niomane akke dhori hoi die. 14 Ar judi tumi lo, ebode Elija olode the. 15 Jar sunibar han age, the sunok.
16 “Hintu ikku jugor manuschun mui hiloi tulona gorim? Thara olakke ath-hola bazarot boinei daga-dagi goronde gurogunor dogkie. 17 Thara hon, ‘Ami tomartei bashi bei dilong hintu tumi no najila. Ami tomartei mono dugo gan gei dilong hintu tumi abiles heinei no hanila.’ 18 “Haron Johone einei, the bhat-panio no hai hinottei manjie tare hon, ‘Tare bhude peie.’ 19 Munischioro Puobuo einei haba-daba gorilo. Ar manjie tare hon, ‘Habubuo ar mattolliebuore sawh, the olode hajana-tulliegunor, ar pabigunor bondhu.’ Hintu Itchioro gyenan tar hamanit dega jai.”
Imie No Heie Adam
Ar Sohorani
20 Sebeden Jisu jei sohoranit beg bhag tar amok hamani gorsie, sei sohoro manuschune tharar monani no phirien hinottei tharare goba dorilo. 21 “Oh Korazin, tor hobal puribo! Oh Bethsaida, tor hobal puribo! Haron tomar siot amok ham gora jeiede sieni judi Tyre ar Sidon sohoranit gora jedo, thara bosta urinei ar shei gulinei honatto tharar monani phireion bili degelakkun. 22 Hintu mui tomare hongor, bijiero dinnuo tumi sasti pebade darane Tyre ar Sidonor sastigan sorjio gora jebo. 23 Ar oh Kapernaum, tui sormanloi sorgo song uttuoschie sibie, Padalot tore phelei die obo. Tor iot amok ham gorajeiede sieni judi Sodom sohorot gora jedo, sieni edchie song thelun. 24 Hintu mui tore hongor, bijiero dinnuot tui sasti pebede darane Sodom sohoranor sastigan hom obo.”
Oran Uiegunottei Jireni
25 Sei lokke Jisu holo, “Oh Ba, sorgo ar pittimir Probu, tui ei hodagani gyeni ar buddhi-bola manuschunottun lugei thoios, hintu sigon guro sannie manuschuno idu ieni phogodang gorilie hinottei mui tore donniobad duongor. 26 oi Ba, haron sien tor gom lage. 27 “Baba more beg gojeidie. Babe bade Puobuore huno jone hobor no pan. Ar Puobuo bade Babore huno jone hobor no pan ar Puobuoi jigunore janei dibar mone hoi, sigune Babore hobor pan.