Jisu Baro Jon
Apostol Padeilo
Mak 3:13 -19, 6:7 -13;
Luk 6:12 -16, 9:1 -6
10
Jisu tar barojon sisjio tar idu dagi, hajorchie aptagun dabei di paribartei ar nanan biedi ar pirellie gom gori diparibartei odhihar dilo. 2 Igun olakke barojon apostolunor nangani: Bego akke olode Simon, tar hellie nangan olode Pitor, ar tar bheibuo Andrio, Zebedior puo Jakob ar tar guro bheibuo Johon. 3 Philip, ar Bartholomai, Thoma, ar hajana-tulliebuo Mothi. Alphaior puo Jakob ar Lebbai, tar hellie nangan olode Thaddeus. 4 Dej-bhokto Simon ar Juda Iskariod, the olode Jisure dhora bajei diebuo.5 Jisu sei barojonore ei ugumani hoinei dipadelo, “Be-jadtunor sidu no jeio ar ekkan Samaria manjior sohoroto no someio. 6 Hintu ajhi jeie bera-shagol, Israel manuschunor sidu jo. 7 Tumi jade, ei hoboran prosar gorsio, ‘Sorgo rejjiogan hai ejchie.’ 8 Aw-sugkiegun gom gorsio. Morattun jeda gorogoi. Pharangigun gom gorogoi. Bhudtun dabei duo. Tumi magana peio hinottei magana duo. 9 Tomar homor pijonit gori sona, rubuo, bah pidolor poijieδ no loio. 10 Porbhajottei hotchal no loio. Odol-bodol shilum no loio, joda ar ludig no loio, haron ham goriebuoi tar hebar bhat pana lak.
11 “Ar tumi je huno sohorot, bah, adamot somilegoi, gorba tuli pare pa manus togeiogoi. Sebeden tumi siottun no jo song tar ghorot thagkuo. 12 Ar tumi ghoranot udibagkoio ghoro girojchuore salam gorsiogoi. 13 Judi sei ghorbuoboi salam goribar ole, toma shantigan thara siot thok. Hintu judi lak no ole, salen tomar shantigan tomar idu phiri ejok. 14 Ar je tomare lobiot no gore, bah, tomar hoda no sune tumi sei ghoranottun, bah, sohoranottun jadegoi tomar thengot dhullie tumi jhari di ejchio. 15 Mui tomare soittio hodagan hongor: Itchiore bijier goribode dinnuot Sodom ar Gomora sohoranittei sasti dibode sittun bes sei sohoranottei aghattie sasti dibo! 16 Sawh, jharbuo huguro sere bera-shagolo dogkie gori mui tomare padangor. Senottei, sabo dogkie shojag ar Hodoro dogkie oinnio jonore hoti no gorsie tumi oi peba.
Sisjioguno Ugure Tarona
Mak 13:9 -13; Luk 21:12 -17
17 “Manjiortun uijkare thagkuo. Haron thara tomare sanhedrinot gojei dibagkoi. Ar tharar synagogot thara tomare maribak. 18 Sason-gorie ar rajagunor sidu, tharare ar Be-jadtuno sidu shakki ijebe mortei tomare nibak. 19 Hintu jokke thara tomare sigunor sidu gojei duondoi, tumi hi hobagoi, bah, hingori hobagoi sidie no gorsio, haron sei lokke tumi hi hobagoi tomare Pobitro Aptai jobei dibo. 20 Haron hoiebuo tumi no oba. Hintu sibie olode tomar bidirie hoidiebuo tomar Babor Aptabuoi.
21 “Ar bheibuoi tar bheibuo morei pheleibartei dhora bajei dibo. Ar babpuoi tar puobuo morei pheleibartei dhora bajei dibo. Puogun tharar bab-ma biruddie oinei manjie tharare morei pelan para goribak. 22 Mor nanganottei beg manjie tomare hos no pebak, hintu je thumsong thori thei pare, the uddhar obo. 23 Hintu jokke tomare ekkan sohorot dug-hosto lagele, aro ekkan sohorot dhei jeio. Haron mui tomare soittio hodagan hongor, tumi beg Israel dejor sohorani berei no phurode, Munischioro Puobuo ebo.
24 “Sisjiobuoi huno tar guruthagurbuottun dangor noi. Banidajio huno tar girojchuottun dangor noi. 25 Sisjiobuoi tar guro dhormothagurbuo dogkie ar banidajibuoi tar girojchuo dogkie hunorogom oi parilie share. Ghoro girojchuore judi thara ‘Beelzebul’ hon, tar ghoro manuschunore aro hi hobak?
Pobitro Aptar Nindier
Hema Nei
Luk 12:2 -7
26 “Senottei, tharare no doreo. Haron phogodang gora no obo jinij hitchu nei jieni dagi raga oie, ar hobor no peie jinij hitchu nei, jieni ghubei thuo oie. 27 Mui tomare jieni andharot hongor, sien tumi phorot hoiogoi. Ar jien mui tomare hane-hane hongor, sien salo ugurottun jogar pari-pari gorogoi. 28 Manjie heyegan morei phelei di paron, hintu aptabuo morei phelei di no paron hinottei tharare no doreo. Hintu heyegan ar aptabuo norogor agunot nas gori di parede sibiere doreo. 29 Dibie soroi ekkuo pidolor poijieloiδ beja no jai ni na? Tobuio tomare Babor onumoti sara ekkuoio madit portak noi. 30 Hintu tomar mada sulanio beg gona oie. 31 Senottei, no doreo. Tumi ektal soroiottun bes moillio.
Manjior Mujungot
Ham Haana
Luk 12:8, 9
32 “Senottei je manjior mujungot more haam hai, muio mor sorgo Babo mujungot tare haam heim. 33 Hintu je manjior mujungot more bharebo, muio tare mor sorgo Babo mujungot tare bharem.
Aw-shanti Ar
Bhag Gorana
Luk 12:51 -53, 14:26 -27
34 “Songsarot milie-mili gori dibartei mui ejchiong bili tumi mone no gorsio. Milie-mili gori dibattiei mui no ejong, hintu horgogani dibartei mui ejchiong. 35 Puobuore tar babpuor biruddie jhibore tar mabuor biruddie ar bobuore tar shuribuor biruddie uo bajei dibartei mui ejchiongge. 36 Nijor ghorbuogun nijor sottru obak. 37 “Je tar bab magunore mortun bes hos pai, the mor manus obarlak noi. Ar je tar puo-jhigunore mortun bes hos pai, the mor manus obarlak noi. 38 Ar je tar kroschan buginei mor loge no eje, the mor manus obarlak noi. 39 Je tar poranan thogai sien areibo. Ar je tar poranan mortei arai, the tar poranan thogei pebo.
Lobiot Sombonde
Mak 9:41
40 “Je tomare lobiot gore, moreio lobiot gore, ar je more lobiot gore the more dipadeiebuoreo lobiot gore. 41 Je ek jon munire muni ijebe lobiot gorajaidie doge lobiot gore, the munir poriskari pebo. Ar je ek jon dharmig manjiore, dharmig manus lobiot gora jaidie doge lobiot gore the dharmig manjior poriskari pebo. 42 Ar je begottun niroit ek jonore mor bischiasi bilinei bana ek goloj juro pani habeleio, mui tomare soittio hodagan hongor, the hamakkai tar poriskaran no areibo.”