Ek jon Pharangi Manus
Mak 1:40 -45; Luk 5:12 -15
8
Jokke Jisu mounnuottun lami elo, jhag-jhag manus tar pune-pune olak. 2 Sawh, ek jon pharangi manus Jisur idu einei tar mujunge bukpari pori salam gorinei holo, “Probu, tortun mone hole more sudduo gori paros.” 3 Jisu tar adtan babei tare dhorinei holo, “Mortun mone hor, sudduo ok.” Ar jogon-togon tar pharangigan sudduo olo. 4 Sebeden Jisu tare holo, “Seis hobotdar, ien harore no hos. Hintu Dhormo mastoro sidu jeinei degagoi. Ar thara hobor pan para shakki ijebe, Mosi ugum dede doge dan gorischoi.”Senapotibuor Bischiaschan
Luk 7:1 -10; Jhn 4:43 -54
5 Jisu Kapernaumot sominei ek jon soinnio ugure senapotiδ tar idu einei sahajjio goribartei hujoli gorilo. 6 The Jisure holo, “Probu, mor gaburbuo ajorchie pirellie oinei ghorot pori age. The baari hosto par.” 7 Jisu tare holo, “Mui eim, tare gom gori dimbi.” 8 Hintu senapotibuoiδ holo, “Probu, mor ghoro bidirie tore bhoreibar mor lak noi. Hintu bana tui holeio mor gaburbuo gom obo. 9 Haron muio odinor tole agong. Soinnioguneio mor odinor tole agon. Mui ei soinniobuore ‘Ja!’ hole, the jai. Ar mui ei soinniobuore ‘Ai!’ hole, the eje. mui mor banidajibuore ‘Ien gor!’ hole, the gore.” 10 Jisu sei hodagan suninei, the amok olo ar tar pune-pune jadonde manuschunore holo, “Mui tomare soittio hodagan hongor, Israel manuschunor moiddieo edogkie jodepode bischias gorie mui lagot no pang. 11 Ar mui tomare hongor, onek manus pugottun ar pojimortun ebag. Thara sorgo rejjiot Abraham, Isaak ar Jakob dagi loge bojibak. 12 Hintu sorgo rejjiogano projagun barendi an-dharanot phelei die obo. Siot thara dad hamere-hamere hanibak.” 13 Ar Jisu ek shot soinnio ugure senapotibuoreδ holo, “Ghorot ja. Tui jeannie gori bischias gorsios, siennie gori tortei mui ien gori dim.” Ar thik sei somoiot tar gaburbuo gom oie.
Jisu Bhaluk Jon Gom Gorilo
Mak 1:29 -34; Luk 4:38 -41
14 Jisu Pitoror ghorot sominei Pitoror shuribuo jor oinei bischonot pori agede degilo. 15 Jisu tar adtan dhoridinei tar joran gom olo. Sebeden the udinei tharare lobiot gorilo.
16 Sajonnie oinei, manuschune onek bhude peie manus tar idu anilak. The ekko hodai bhudtun dabei die ar beg aw-sugkiegun gom gorilo. 17 Siendoi muni Isaia hoiede hodagan puron olo,
“The amar bolneieni lolo, ar amar biedigani bugilo.”
Jisur Loge Jade Horos Age
Luk 9:57 -62
18 Jisu tar seropala manjior jhag deginei tar sisjiogunore sagoro uhule jebartei ugum dilo. 19 Sekke ek jon dhormo niomor mastor tar idu einei holo, “Guruthagur, tui jidu jas mui tor pune-pune eim.” 20 Sebeden Jisu tare holo, “Sialunottun haath age ar agajot uronde pheigkunottun bha age. Hintu Munischioro Puobuottun tar siriebuo thobaro jaga nei.” 21 Ar oinnio ek jon tar sisjioi tare holo, “Probu, babare garebartei more akke jebartei onumoti de.” 22 Hintu Jisu tare holo, “Mor loge ai. Moragune tharar nijor moragun garadok.”
Jisu Jhoran Thamei Dilo
Mak 4:35 -41; Luk 8:22 -25
23 Sebeden Jisu ekkan nawt uduonar porendi tar sisjiogune tar loge gelak. 24 Ar sawh, sagoranot borboh bah dorilo. Pani tubole nawganore jhabar. Hintu Jisu ghum jar. 25 Tar sisjiogune tar idu einei tare jageinei holak, “Probu, amare rokkie gor! Ami dubir.”
26 Jisu tharare holo, “Oh hom bischiasigun, a hittei doror?” Sebeden the udinei udi, boieranore ar sagoranore gobinei, boieran ar sagoran jodepode olor olo. 27 Ar sisjiogune ien degi amok oinei holak, “Ibie henjannie manus? Boierani ar sagoraneio tar hoda mani pai.”
Jisu Di Jon Bhude peie
Gom Gorilo
Mak 5:1 -20; Luk 8:26 -39
28 Jisu Galili sagoror uhuledi Gerasin manjior dejot lunginei, dijon bhude peie manus shojanholattun einei tar idu dega dilakki. Thara shanggadik dorgore para hinottei, sei podtanodi huno jon jei no paron. 29 Thara jogar pari Jisure holak, “Itchioro Puo Jisu, tui amare hi gorte sas? Somoibuo no ette amare tui sasti dibartei ele ni na?” 30 Tharattun hottur durot dangor ek pal sugor sorton. 31 Ar bhudtune Jisure hujoli gorinei holak, “Tui judi amare nigilei duos uo sugoro palluor bidirie amare dipada.” 32 Ar Jisu tharare holo, “Jo!” Bhudtune manuschunottun nigili jei sugorunor bidirie somilakkoi. Ar sawh, goda sugor palluo jhok pori, tarengodi porinei sagorot panit dubi mori gelak. 33 Sei sugorun soreiegune sekke daba-daba jeinei sohorot somi sugorunor hi-hi ghottie begkani hobor hoiondoi. Ar bhude peiegunor hi-hi ghottie thara hoiondoi. 34 Ar sawh, goda sohoro manuschun Jisure sebartei nigili elak. Tare deganar porendi, manuschune tharar bamottun jebartei Jisure hujoli gora dorilak.