Dujot Dhoranar Sombonde
Luk 6:37 -42
7
“Manjiore dujot no dhorsio, sebeden tomareo dujot dhora no obo. 2 Haron jei doge tumi manjiore dujot dhoro, sei doge manjie tomareo dujot doribak. Ar tumi jei mabpoi mabo, tomareo sei mabpoi maba obo. 3 “Tor bheibuor sogkuot phejagan degos hintu tor nijor sogkuot gaj hottagan agede sien a hittei no bhabos? 4 Ar sunis, tor nijor sogkuot gaj hottagan age, a hingori tor bheibuore hobe sei, ‘More de tor sogkuottun phejagan huei duong’? 5 “Oh phagarabuo! Akke tor nijor sogkuottun gaj hottagan huo, sebeden tor bheibuor sogkuottun phejagan huei dibartei porak-porak gori degibie.6 “Hugurunore pobitro jinij no duo. Ar sugorunor mujungor tomar muktogun phelei no duo. A no ole thara sieni uribak ar phirinei tomare dappenei phari phelebak.
Mago, Togo,
ar Baschuo
Luk 11:9 -13
7 “Mago, tomare die obo. Togo, tumi peba ar baschuo, tomare huli die obo. 8 Haron je mage the pai. Je togai the suph pai ar je baschiei tare huli die oi. 9 “Tomar moiddie judi tar ek jon puoi pidie mage, tare sil die agon nahi? 10 The judi maj mage, the hi tare sap dibo? 11 Tumi gom noi oineio tomar puogunore gom-gom jinij di jano, senottei tomar sorgo Babe jigune magon sigunore sittun bes gom jinij a hittei no dibo? 12 Senottei manjie tomartei jei doge goridibar tomartun mone hoi, tumio manjiortei sei doge beg gorsio. Ien olode Mosi Niomanor ar munigunor sigkie orthogan.
Sigon ar Ojar Pod
Luk 13:24
13 “Sibie-sippie girie duora-nodi somo. Haron nas oidie jaganot lungegoidie girie duoran ar podtan olode ojar ar utchuo. Ar sindi jeieio bes. 14 Jibonanot lungegoidie girie duoran olode sibie-sippie ar podtan olode aghattie hinottei bana hoiek jone gori ien suph pan.
Gom Gajot Gom Gulo
Luk 6:43 -45
15 “Bhes dhorsie munigunottun uije thagkuo! Ugure-ugure degte bera-shagolo dogkie gori thara tomar idu ejon, hintu bidirie-bidirie thara jodepode jharbuo huguro dogkie. 16 Tumi tharar pholunor darai tharare puro gori sini loi pariba. Hada jaburot anggur no dhoron, ar hojoi-ludit dumur gulo no dhoron. 17 Ei sedogkie gori prottiek gom gajot gom gulo dhoron, ar bojong gajot bojong gulo dhoron. 18 Hintu gom gajot bojong gulo dori no paron, ar bojong gajotio gom gulo dori no paron 19 Ar jei gajchuot gom gulo no doribuo, sibie goschei dinedi agunot phelei die obo. 20 Senottei tumi tharar pholunor darai tharare puro gori sini loi pariba.
21 “Jigune more hon, ‘Probu, Probu.’ Sigun begkun sorgo rejjiot somi paribakke sien noi. Hintu je mor sorgo Babor ischie doge gore bana the somi paribo. 22 Sei dinnuot onek manjie more hobak, ‘Probu, Probu, ami tor nange Itchioro hobor no hoi ni na? Ami tor nangandoi bhud dabei no di ni na ar onek amok ham no gori ni na?’ 23 Sebeden mui tharare pang gori bhangi hom, ‘Niom saragun, mortun jogoi! Mui tomare no sinong.’
Di-Dhoronor Ghor tullie
Luk 6:47 -49
24 “Senottei, je mor ei hodagani sune ar gore, the ei gyeni manuschuor sannie. Gyeni manuschuoi tar ghoran silluor ugure tullie. 25 Sebeden jhor dinei paniban olo. Ar boier beinei ghoranot bajilo. Hintu ghoran silo ugure tullie hinottei bhangi no porilo. 26 Ar je mor ei hodagani suninei no gore, the ei bhul manuschuor sannie. Bhul manuschuoi tar ghoran horoli ugure tullie. 27 Sebeden jhor dinei paniban olo. Ar boier beinei ghoranot bajhi, ghoran bhangi porilo. Sien hi asarjio dor gore para!”