Mouno Pidit Dhormo Prosar
Luk 6:20 -26
5
Sebeden Jisu manjior jhagkun deginei, the ekkuo mounot udilogoi. The bojanar porendi, tar sisjiogun tar idu elak. 2 Sebeden Jisu tarahre sigkiedie dhorilo,3 “Jigune aptadi gorib, thara hoballie. Haron sorgo rejjiogan olode sigunor.
4 “Jigune mono dugot agon, thara hoballie. Haron Itchiore sigunore mono suge thobo.
5 “ Jigune nombro, thara hoballie. Haron pittimigan sigunor dhon-sompotti obo.
6 “Jigune ped pora ar pani saj dogkie mone-prane Itchioro ischie doge goribar sade hosto bhug goron sigun hoballie. Haron Itchiore sigunore mon purei dibo.
7 “Jigune manjiore doye goron thara hoballie. Haron Itchiore sigunore doye goribo.
8 “Jigunor ontor pobitro thara hoballie. Haron sigune Itchiorore degibak.
9 “Jigune milie-mili ham goron, thara hoballie. Haron Itchiore sigunore tar puo hobo.
10 “Jigune Itchioro ischie doge gorte manjie tharare dug-hosto lagan, thara hoballie. Haron sorgo rejjiogan olode sigunor.
11 “Manjie mortei tomare insie gorilie, dug-hosto lagele ar mijie-mijie gori beg nanan horab hoda tomar biruddie hole, tumi hoballie sie. 12 Ei sedogkie gori tomar agendi elakke munigunoreio manjie dug-hosto lageion. Hintu tumi shanggadik hujhi oinei utchob goro. Haron tomartei sorgot ekkan oborug poriskari thoidie oie.
Nun Ar Phor
Mak 4:21 -23, 9:50; Luk 8:16 -18, 11:33 -36, 14:33 -36
13 “Tumi olade pittimir nun. Hintu nunonor judi nunsuogan no thai, salen, hingori nunonore aro nunsuo gori para jebo? Ien gunor no lakkie obo. Senottei manjie ien barendi phelei duon sebeden uron.
14 “Tumi olade songsaro phor. Ekkuo mouno pidit ekkan sohor banilie lugei thoi no pare. 15 Huno jone serag dhoreinei lei dagi no thon. Hintu serag-danit thon, ar ghoro bidirie beg manuschunore seragkuoi phor de. 16 Ei sedogkie gori tomar phoran manjior mujungot phudok. Sebeden tomar gom hamani thara degibak ar tomar sorgo Babore baini goribak.
Niomanir Puripunnuo
17 “Mosir Niomani bah, munigunor sigkiegani bhonggo gori dibartei mui ejchiong bili tumi no bhappo. Sieni bhonggo gori dibartei mui no ejong, hintu sieni puripunnuo gori dibartei mui ejchiong. 18 Mui tomare soittio hodagan hongor: Jedog dinsong sorgo ar pittimi boij no jai, sedog dinsong begkani ghodi no gele, Niomanittun huno din ekkuo sigon orok bah, ekkuo phuduoioδ bad jedo noi. 19 Senottei, je nahi ei ugumanittun ekkan samannio ugum no mane ar manjiore sien no manibartei sigkie de, Itchiore sorgo rejjiot tare begottun gunor no lakkiebuo hobo. Hintu je nahi ei ugumani mane, ar manjiore manibartei sigei, Itchiore sorgo rejjiot tare gunor manuschuo hobo. 20 Mui tomare hongor, tomar dharmigkani dhormo niomor mastorunor ar Pharisigunor dharmigkanittun bes no ole, tumi huno din sorgo rejjiot somi peda noi.
Huni Sombonde Jisur Sigkie
21 “Tumi suinniode ago dinor manuschunore Niomane hoie, ‘Hun no goris. Je hun gore, the bijierot puribo.’ 22 Hintu mui tomare hongor, je tar bheibuor ugure magana-magana rak tule, the bijierot puribo. Ar je tar bheibuore judi hoi, ‘Behup!’ The Senhedrinot jebar lak. Hintu judi je hoi, ‘Be-akkol!’ The norogor agunot jebar lak. 23 “Senottei, jokke tui tor danan pallienganot anos, ar tor bheibuor tor biruddie monot dug age bili siot judi tor idot ude, 24 tor danan pallienganor mujungot phelei jei, akke tor bheibuo sidu jeinei tarloi milie-mili ogoi. Tar porendi einei tor danan Itchioro idu utchorbo gorischi. 25 “ Tor biruddibuoi tore kuduot no nejade, jade-jade tarloi hoschiegani seret gori sireis. Sedogkie no ole tor biruddibuoi tore agimuor adot gojei dibogoi. Ar agimuoi tore polischuor adot gojei dibogoi. Sebeden mondiro polischuoi tore jiel-hanat bhorei thobogoi. 26 Mui tore soittio hodagan hongor, ekkuo poijieδ bagi theleio tui siottun nigili pede noi.
Sineli Sombonde Jisur Sigkie
27 “Tumi suinniode ago dinor manuschunore Niomane hoie, ‘Tui shanda no goris.’ 28 Hintu mui tomare hongor, je ekkuo miliere lub laginei rini sai, the tar ontorot honatto shanda gorsie. 29 Senottei judi tor den sogkuoi tore pabot pelai, sibie hueinei lugimari dis. Tor goda heyegan norogor agunot porana darane tor ek onggo hani onagan tortei gom obo. 30 Ar judi tor den adtane tore pabot pelai, sien habi phelei lugimari dis. Tor goda heyegan norogor agunot porana darane tor ek onggo hani onagan tortei gom obo.
Sara-sari Sombonde
Mot 19:3 -10; Mak 10:2 -12;
Luk 16:18
31 “ Niomane ieno hoi, ‘Je mog sari de the tar mogkuore shur hagos dok.’ 32 Hintu mui tomare hongor: Shanda duj bade je tar mogkuore sari de, the tar mogkuore shanda gora bajeide. Ar je siennie gori sarsie milie loi, theo shanda gore.
Sobot Haanar Sombonde
33 “ Ar ebar tumi suinniode ago dinor manuschunore Niomane hoie, ‘Mijie sobot no heis. Hintu Probu sidu mannioschie sien sireis.’ 34 Hintu mui tomare hongor, Shobai sobot no heis. Sorgo shakki gori sobot no heis, sien olode Itchioro singason. 35 Pittimigan dhorinei sobot no heis, sien olode tar theng thoidie jaga. Jerusalem sohoranan dhorinei sobot no heis, ien olode moha rajar sohor. 36 Ar tor madat dhorinei sobot no heis, haron tui ekkan sulo mone hole hala ar mone hole dhub gori no paros. 37 Ole, ‘Oi’ ar no ole, ‘Noi’ hoio. Ei barattun ole, sien bojonggottun.
Hena Uguronar Sombonde
Luk 6:29 -30
38 “Tumi suinniode Niomane hoie, ‘Sogor azai sog ar dador azai dad.’ 39 Hintu mui tomare hongor: Tor ugure je oborad gore, sibier ugure hena no ugureis. Judi huno jone tore den hanjabat suoran, bang hanjabagano padi dis. 40 Ar judi je huno jone tor shilummuo lobartei torloi mogoddima goribar sai, tare tor huttuoio lobartei dis. 41 Je huno jone judi tore tar poja ek meilδ boi bajei de, sien di meil boi dis. 42 Je mage tare dis. Ar je tortun udor mage tartun tui muon no phireis.
Sottru Hospanar Sombonde
Luk 6:27 -36
43 “ Ek jone hoiede sien tumi suinnio, ‘Tor paralliegunore tui hos pei pebe, ar tor sottrugunore tui hinsie no goris.’ 44 Hintu mui tomare hongor, tomar sottrugunore hos peio. Jigune tomare geil duon sigunore asirbad duo. Jigune tomare hos no pan sigunore gom ham gori duo. Jigune tomare gome bebohar no goron, ar tomare dug-hosto lagan sigunottei bor magi duo, 45 Jene tumi sorgo Babor puo aw para. Haron the gom manuschunottei ar bojong manuschunottei tar belan tuli de. Ar the dharmig ar pabi manuschunottei jhor di de. 46 Jigune tomare hospan judi tumi bana sigunore hos pele, hi poriskari peba? Hajana-tullieguneo siennie goronde noi ni? 47 Ar tumi judi bana tomar bheiunore salam janeile, oinnio jonottun bes hi goror? Hajana-tullieguneo siennie goronde noi ni? 48 Senottei, tomar sorgo Babe jeannie puripunnuo, tumio sei doge puripunnuo uo puribo.