Jisur Porikkie
Mak 1:12 -13; Luk 4:1 -13
4
Sei porendi Diabolaδ Jisure lub degeinei pabot pheleibartei Aptai tare moruobomit nejeilo.2 Solis din solis reid ubos thanar porendi Jisure ped porai dorilo. 3 Sebeden Diabolaδ tar idu einei tare holo, “Tui judi Itchioro puo os, ei silun pidie obartei ugum de.”
4 Hintu Jisu uttor dilo, “Sastrot ien lega age, ‘Manus bana pidieloi no bajibak, hintu Itchioro muottun bhar oidie hodaloi bajibak.’ ”
5 Sebeden Diabolaδ tare pobitro sohoranot nejeilo. Ar the tare Mondiro suischieng badhi-sugkuor ugure thiei bajei dilo. 6 Ar the holo, “Tui judi Itchioro Puo os, iottun jham de. Haron Sastroie hoi,
‘Tor thengani silot dhuz no hai para, Itchiore tar dudtunore tortei ugum dibo. Thara tore ad-padi thebakki.’ ”
7 Jisu tare holo, “Sastrot ien lega age, ‘Tor PROBU Itchiorbuore tui porikkie no seis.’ ” 8 Aro, Diabolaδ Jisure ekkuo shanggadik ojol mounot tulilogoi. Siottun the songsaro beg rejjiogani ar sienir beg oborugkani tare degeilo. 9 Sebeden Diabolaδ Jisure holo, “Tui judi nije bukpari porinei more tobona gorinei tor Probu bili more mani los, ieni begkani mui tore dim.” 10 Sebeden Jisu tare holo, “Soitan, iottun jagoi! Sastrot ien lega age, ‘Tor PROBU Itchiorbuore tobona goris, ar tui bana tare sebona goris.’ ” 11 Sebeden Diabolaδ Jisure phelei gelogoi. Ar sawh, sorgo-dudtune einei tare jotton gorilakki.
Galili Dejot Jisur Phogodang
Mak 1:14 -15; Luk 4:14 -15
12 Sebeden Johonore jiel-hanat bhoreion bili Jisu suninei, the Galili dejot phiri elo.
13 Nazareth adaman the sari jeinei Kapernaum sohorot rolo. Ien olode Galili sagoro parot, Zebulun ar Nephtali zelar bamot, 14 jene muni Isaiar darai ho oiede hodagan puron oi,
15 “Bilo parot, Jordan sorar uhuledi, Zebulun ar Nephtalir bamot, Be-jadtunor Galili dejot,
16 jei manuschune andharot agon sigune ekkan asarjio phor degilak. Ar morana jagat, sabbath agonde sigunor ugure phor phudilogi.”
17 Sei lokkettun dhori Jisu prosar gora arambo gorilo. Ar the hor, “Sorgo rejjiogan hai ejchie hinottei tomar monani phiro!”
Jisur Polim Sisjio Dagana
Mak 1:16 -20; Luk 5:1 -11;
Jhn 1:35 -42
18 Ar Jisu Galili sagoro parot berade, the di bheiore, Simon, tare Pitor hon ar tar bheibuo Andriore sagorot ekkan jal pelade degilo. Haron thara olakke jallie. 19 Sebeden, Jisu tharare dagilo, “Mor loge ejo, mui tomare manus dhorie jallie banem.” 20 Ar jogon-togon tharar jalani phelei jeinei tar loge gelak. 21 Ar siottun hottur jeinei, the aro oinnio di bheiore degilo. Zebedior puo Jakob ar Jakobor bheibuo Johon. Thara ekkan nawt tharar bab Zebedi somot boinei jalani tundon. Jisu tharare dagilo. 22 Ar jogon-togon thara nawgan ar tharar babpuo phelei jei tar loge gelak.
Jisu Balukjon Gom Gorilo
23 Jisu Galili dejot beg jaganit berei-berei, synagogot sigkie dilo ar Itchioro rejjiogano gom hoboran prosar gorilo. Ar manuschunor beg biedi ani ar beg aw-sugkiegun the gom gori dilo. 24 Tar hoboran goda Syria dejot shidie gelo. Senottei, manuschune beg aw-sugkiegun tar idu anilak. Sigune nanan biediloi ar pireloi dug padon. Bhude peie, bandor pagol, ar ajorchie pirellieo elak. Sigunore the beg gom gori dilo. 25 Ar shagor manus Jisur loge gelak. Sigune ejchionde Galili dejottun, Dekapolis bamottun, Jerusalem sohorottun, Judea dejottun ar Jordan sorar uhulottun.