Kiŋwaati ki Binyiinə bbɨŋ Jisho mà nyii bə Jɔɔŋ
Fieŋ ffɨŋ fi dùŋ ə Kiŋwaati kɨhŋ mə
Kiŋwaati kɨhŋ duŋ ki bieŋ bbɨŋ Jisho Kleto mà nyii bə Jɔɔŋ mbɛɛ faŋnə Jisho wi. Jɔɔŋ mà bieŋ kiŋwaati kɨhŋ bwɔɔ nnu bə́ mà fwoo wu gəŋ chi ə bidi bi ŋwiŋ kintekinte ə bidi bi Patmo mə. I mà bieŋ bə bimbumə bi kimbemi bbɨŋ bi mà duŋ fumanyaaŋ. Bwɔɔ nnu i màa i bīeŋ, i chɔɔ jə bə bieŋ bbɨŋ Jisho kibɛɛ mà nyii wu lə i bieŋ faŋ ə bimbumə bi fumanyaaŋ bie mə. Fieŋ ffɨŋ fi bə̄lə mu duŋ kintu ki bieŋ kiŋaaŋkə bbɨŋ i mà ŋəŋ fieŋ fie ye yobutuu lə bə ye Chu yá fwoo bəne bbəŋ bə́ dùŋ biih, yii bəwaha ə ŋgə mə.
Bikuu bi bieŋ ə Kiŋwaati kɨhŋ mə
1:1-8 Kinchɔɔ
1:9–3:22 Yobutuu nni fwii maa biŋwaati bbɨŋ bi gəŋ ə bimbumə bi kimbemi mə bi fumanyaaŋ bie
4:1–8:1 Kiŋwaati kkɨŋ bə́ mà baa bidɔhɔ fumanyaaŋ bə biili
8:2–11:19 Biŋgbu fumanyaaŋ
12:1–13:18 Kiŋgɨŋ ki nyáŋ nni i bu dɔɔkɔ bə nyáŋ yí ŋwi gbo fie
14:1–15:8 Yó yibutuu yidi chili chili
16:1-21 Bəŋkɛ fumanyaaŋ bə biwɛɛ bi Chu bbɨŋ bi fwèe
17:1–20:10 Bə́ laa Babilɔŋ bə nyáŋ ŋwi gbo maa bəne bbəŋ bə́ kàalə yo lə bə́ duŋ bəne bə hlɨŋ Chu maa hlaata
20:11-15 Nhlaa nnu həŋgbɔŋ
21:1–22:5 Mbiŋ fwɔ nnu buh bə shishɔ yifwɔ maa Jelushalɛŋ fwɔ
22:6-21 Kiŋkpee