Dileedakal diŋmooŋmootiil: fitilab tɔ́kɔŋkaati nì ɔliifi sufii bɔti
4
1 Ntuun ŋun nìn bí ki sòoǹ nì mee fātìi gítìń ki fīntì-mi kii bi nín fìntī unil ŋgeem pu puee. 2 Ní ŋu bālifì-mi yii: «Ba ní a wāĺ ní?» Ní m kíí-ŋu yii: «M wāĺ fitilab tɔ́kɔŋkaati tin sá sindaariya ŋmee ní. Kusɔŋu kun poon bi ŋáań fitilab kpamee tɔ́kɔ́ ti-yilpu. Fitilab biluli tɔ́kɔ́ ti-pu ní fitila kamaa cáá iŋmii iluli. 3 Ní ɔliifi sufii ili yú ki kɔ́ĺ kusɔŋuee, bubɔ yú ŋŋaŋgiil pú, bun kíǹee yú ŋŋaŋgan pú.» 4 Ní m fātìi bālifì ntuun ŋun bíi sòoǹ nì mee yii: «M-dindaan, tin kɔkɔ m wāĺ nee taapu sá yii ba ní?» 5 Ní ŋu kíí-mi yii: «Aa nyí ti-taapuɔɔɔ?» Ní m kíí-ŋu yii «Aayee m-dindaan maa nyí.» 6a Ní ŋu bí-mi yii:10b «Fitilab bilulee sá ti-Dindaan nimbiliŋ ŋin di kpèé tin jītí kitiŋ kɔkɔ puee ní.» 11 Ní m gíti bālifì-ŋu yii: «Kin ɔliifi sufii ili in yú ki kɔ́ĺ fitilab tɔ́kɔŋkaati, bubɔ ŋŋaŋgiil pú, bun kíǹee ŋŋaŋgan púee taapu sá yii ba?» 12 Ní m fātìi bālifì-ŋu nliliitiim yii: «Ɔliifi pammu mun pu sindaariya nai ili túuń ɔliifi kpam dì i-pu ki còol̀ ki kóò fitilabinee taapu sá yii ba?» 13 Ní ŋu bí-mi yii: «Aa nyí taapuɔɔɔ?» Ní m kíí-ŋu yii: «Aayee m-Dindaan maa nyí.» 14 Niinee ní ŋu bí-mi yii: «An sá binib bili bin yil pu bi sītì ŋkpam ki dū-bi ki sú kitiŋ kɔkɔ Dindaan, bi bí u-nimbiin ki tūǹ u-tundee ní.»
Dipoondi din ti-Dindaan pōoǹ Sooroobabeelee
6b Ntuunee tīī dinyɔɔbundi ḿ dūú nàatī Sooroobabeel yii:
«An kaa sá nì mpɔn,
kaa tí sá nì dikpabil,
ama an sá nì man Fam ní.»
Ti-Dindaan Mpɔŋkɔdaan di lī míǹ.
7 Ní u kútì ki lī yii:
Dijookpaandi, sii di sá ŋma ní?
Sooroobabeel nimbiinee,
a làá kpátí kí tàntī.
Niin ní u làá lēē ditaŋkpal
din làá nīn tíĺ kudiiyee.
Binib làá dāá nīn kūuntí ki lì-dì yii:
«Mbóo! Mbóo!»
úǹ di làá tí mā-ku kí látí.»
Án yaa láa jítì mimmee, ni làá dāá béé yii ti-Dindaan Mpɔŋkɔdaan di túnní-mi ni-cee.
10a Unil ń taa kpèè ditundi
nín kíĺ min falaa falaayee fám.
Ama unil yaa ká Sooroobabeel kíĺ
ki bíi māā kunimbɔtidiiyee,
ú nīn fàal̀.