Bisapɔmbi
6
1 Unimpunyannyaan,un a néeńee bí la ní?
La ní u túĺ ní?.
Ti làá tūtuǹ-si á nyàab̀-u.
Usapɔɔn
2 Un m néeńeee sīntì u-kpaabun,
mpumpukum min sɔ́fèe watil.
Niin ní u kāntí u-jinti,
ki kìtī mpumpukum.
3 M sá ki tīī un m néeńee,
ní u mun sá ki tīī-mi.
Laakin mpumpukum bée,
niin ní u kpàá u-waŋkuti.
Un bi néeńee nín bí puee
Unaacimpɔɔn
4 M-bɔɔn, a ŋān̄ kunyaaŋŋu,
kii Tiirsa tiŋkee.
A ŋān̄ ki mɔ̄ nnimbikpee
kii Jeerusaleem tiŋkee,
ama a kɔ̄ntí binib tifaandi
kii dijanjakitil di bí dikɔmbool puee.
5 Fàtī a-nimbiin kí taa ti kpèè-mi,
di sá yii a-nimbiliŋ sàtī-mi.
A-yikpiti fɔ̀kɔ̀ ki bí kii
kuŋɔcaŋkpuŋu di kpákatiń
Galaadi jool puee.
6 A-nyiŋŋi pīiǹ káŋkaŋ kii ipii in
bi dáá cáń i-kuti ki fùl̄-iee ní.
Dinyindi kamaa cáá di-ŋaliŋu ní,
báà dibaba kaa fúkutì.
7 A yaa dū a-ŋaabiiŋkaaŋu ki bīiǹee,
a-taŋkpunti bí kii kpakpaapu
un bi búkutì milee poon nín bí puee ní.
8 Ubɔti ŋūǹ kí nīn cáá
binimpoobi imuŋku ita,
bibɔntiibi imuŋku inaa,
nì bisapɔmbi kupaau.
9 Man ceeyee,
unimpubambaanti di bí.
Úǹ di sá man beenanjil, unyaan.
U sá u-na bibaabil ní,
kibiki kin u nìn néeń tikpilkuee.
Bisapɔmbi yaa wál̀-uee, bi pàkà-ua ní,
ní ubɔti nimpoobi nì
u-bɔmbi nyɔ́ŋkí-u ki lì yii:
10 «Batii nimpuu di bí kii
kutaawuntuŋu walifiŋu na!
U ŋān̄ kii uŋmalee,
ki jìl̀ kii ŋwìińee,
ki kɔ̄ntí binib tifaandi kii
dijanjakitil di bí dikɔmbool puee.»
11 M sīntì m-sufii kpaabun.
M là kí kpèè asupɔmbil ŋin bí ditantakalinee.
Fiinyi sufii púkuḿaaa?
Greenaadi mun púkuḿaaa?
12 Maa tí gbìl̀ taapu,
ubɔtiisal, a yāntì maa ti nyí
tin poon m bée.