Ilan 149

Bin néeń Unimbɔtee jilmau

149

1 Aleeluya, nyɔ̄ŋkìmaan ti-Dindaan!

Gāāmaan nlampɔɔn kí pàkà ti-Dindaan.

Nyɔ̄ŋkìmaan ti-Dindaan bin néeń-uee kpafil poon!

2 Isirayeel yab, nín̄ fàal̀maan ni-náanliu pu,

Siiyɔn yab, an nīn mɔ̄ǹ-ni ni-bɔtiu pu.

3 Bí nyɔ̄ŋkì ti-Dindaan nì diŋool,

bí bɔ̀ɔ̀ kigaŋgaŋ nì kubeeu kí nyɔ̄ŋkì-u.

4 Di sá yii ti-Dindaan nibul di tìì-u dipɔɔpindi,

u tìì bin sīntiǹ bi-ba taapuee jilma ki fìil̄-bi.

5 Bin néeń Unimbɔtee ń nīn fàal̀ kí nīn tìì-u tinyool!

Báà bi yaa dɔ̄ bi-dooŋu puɔɔɔ, bí nīn gà ilan nì dipɔɔpindi!

6 Bí gāā ilan mpɔn kí yòon̄ Unimbɔti yilpu,

kí nīn ŋúb́ bi-ŋaan kitàataajiki kin jītí ajan liitilee

7 kí tɔ̀ atimbun ipɔntoon,

ní kí dáaĺ anibul tafal.

8 Bí bóob́ bi-bɔtiibi ikusaka

ní kí bā bi-kàliŋkpilib akpambaa.

9 Bí dáaĺ atimbun gbanti tafal kii an nín ŋmàn̄ puee.

An sá jilma ní ki tīī bin kɔkɔ néeń Unimbɔtee.

Aleeluya, nyɔ̄ŋkìmaan ti-Dindaan!