Nyɔ̄ŋkìmaan ti-Dindaan
150
1 Aleeluya, nyɔ̄ŋkìmaan ti-Dindaan!Nyɔ̄ŋkìmaan Unimbɔti u-Circir kɔŋkooŋŋun,
nyɔ̄ŋkìmaan-u u-pɔŋŋu ŋun bí kutagbɔŋunee pu!
2 Nyɔ̄ŋkìmaan-u u-tuŋkpaaŋŋi pu,
nyɔ̄ŋkìmaan-u u nín sá ukpaŋkpaanee pu!
3 Nyɔ̄ŋkìmaan-u nì dikantándi,
nyɔ̄ŋkìmaan-u nì iŋmii saalaa beeku nì saŋgu.
4 Nyɔ̄ŋkìmaan-u nì kigaŋgaŋ nì diŋool,
nyɔ̄ŋkìmaan-u nì tibati nì awul.
5 Nyɔ̄ŋkìmaan-u nì cancakantib ŋwaamu,
nyɔ̄ŋkìmaan-u nì cancakantib bikpaambi.
6 Tin kɔkɔ pée cáá kufoouee ń nyɔ̄ŋkì ti-Dindaan!
Aleeluya, nyɔ̄ŋkìmaan ti-Dindaan!