Ti-Dindaan baba di sá un bi sàantée balilaŋki
142
1 Daafiidi di ŋmàn̄ nlan nee. U nín nìn bí ntaŋkpalɔkɔnee ní u nìn mēē míǹ.2 M fátí mbiil mpɔn ki yíì ti-Dindaan,
m fátí mbiil mpɔn ki gbàam̄ ti-Dindaan.
3 M dū m-yaliŋkii ki bíl̀ u-nimbiin,
m dū m-nimbinaamandi ki bíl̀ u-nimbiin.
4 M-wunti yaa yɔ̄tèe, sii nyí laakin m cée.
Nsan ŋun poon m tàkēe, bi píĺ-mi kutaliŋŋu.
5 Kpèè m-ŋaŋgiil pú, a làá ká yii,
báà ubɔ kaa nyí-mi.
Maa cáá laakin m làá sāǹ kí báĺee,
m-bɔti kaa ká báà ubɔ.
6 Ti-Dindaan, m fáá mbiil ki yíiń-si
ki lī yii: «Sii di sá m-balilaŋki,
kun m pée cáá binifoobi tiŋki nee puee.»
7 Pīlifì m-biilii, di sá yii m gbí falaa!
Fīī-mi kí nyāntí bin sàantí-mee ŋaan,
di sá yii bi pɔ̄ɔ̄ ki jítiǹ-mi.
8 Nyāntí-mi m-sarkaun ḿ ŋmā kí nyɔ̄ŋkì-si.
A yaa ŋá-mi tiŋan, deedeedambi làá màntīí tū-mi.