Ilan 137

Ti kā Babiloon mɔɔŋi gbaŋŋi

137

1 Ti nìn kā niin Babiloon mɔɔŋi gbaŋŋi,

ki sūǹ ki téetí Siiyɔn pu.

2 Ti nìn dū ti-bati ki sākaǹ

isufi in nìn bí niinee pu.

3 Niin ní bin nìn cúú-ti kuyuŋuee

nìn bālifì-ti yii tí gāā ilan.

Bin nìn sàantí-tee nìn bālifì-ti yii tí gāā dipɔɔpindi laŋyi.

Bi nìn lī yii: «Gāāmaan-ti Siiyɔn laŋyi iba!»

4 - Ama mana ní ti làá ŋmā kí gāā ti-Dindaan laŋŋu

kitincaŋ poon?

5 Jeerusaleem, daliŋkin m yaa súntì a-puee,

m-ŋaŋgiil ń fáká!

6 M yaa kaa bíi dàkafī a-pu,

Jeerusaleem yaa kaa kpántì m-pɔɔpindi kɔkɔee,

m-limbil ń nákań m-lammi!

7 Ti-Dindaan, taa súntí Eedoom yab nín ŋá pu

ŋwiin ŋun bi jáń ki fōō Jeerusaleemee.

Bi nìn bí ki lì yii: «Ní kpēelikì kitiŋ nee,

ní kpēelikì-kì kí kpáaǹ ki-nyeel!»

8 Babiloon yab, nnaabu dɔ̄ ki cí-ni,

bin làá téeǹ-si tikpitil tin a ŋá-tee bí mmɔnneeee!

9 Bin làá cúú a-bipɔmmu

kí páań ditaŋkpal pu kí nèe bí mmɔnni!