Isirayeel Fiiliu, si nì ditundi
136
1 Nyɔ̄ŋkìmaan ti-Dindaan, di sá yii u ŋān̄,u-neeŋkpaandi bí ní ki cá jaanjaan.
2 Nyɔ̄ŋkìmaan inimbɔti kɔkɔ Nimbɔtiu,
di sá yii u-neeŋkpaandi bí ní ki cá jaanjaan.
3 Nyɔ̄ŋkìmaan bidindambi kɔkɔ Dindaan,
di sá yii u-neeŋkpaandi bí ní ki cá jaanjaan.
4 Úǹ baba di ŋá bimaamaacikpaambi,
di sá yii u-neeŋkpaandi bí ní ki cá jaanjaan.
5 U dū u-ciiŋyi ní ki náań yilpua,
di sá yii u-neeŋkpaandi bí ní ki cá jaanjaan.
6 U kpátì kitiŋ ki páaǹ inyiŋfi pub,
di sá yii u-neeŋkpaandi bí ní ki cá jaanjaan.
7 U ŋá iwalfi ikpaan:
di sá yii u-neeŋkpaandi bí ní ki cá jaanjaan,
8 ŋwìiń ŋú nīn bí ŋwiimpu ki ŋmíntí,
di sá yii u-neeŋkpaandi bí ní ki cá jaanjaan,
9 uŋmal nì iŋmalbijaa í nīn bí kunyeeu ki ŋmíntíc,
di sá yii u-neeŋkpaandi bí ní ki cá jaanjaan.
10 U kūū Eejipiti yab biseebiyaamu nninjabiyaamud,
di sá yii u-neeŋkpaandi bí ní ki cá jaanjaan.
11 U nìn nyántì Isirayeel yab kitiŋ gbantine,
di sá yii u-neeŋkpaandi bí ní ki cá jaanjaan.
12 Nì atuŋkpaan nì mpɔŋkpaan tuuŋŋi ní u nìn dūu ŋá míǹ,
di sá yii u-neeŋkpaandi bí ní ki cá jaanjaan.
13 U nìn cúú Tikati mɔɔl ki yākatì mili,
di sá yii u-neeŋkpaandi bí ní ki cá jaanjaan,
14 ki yāntì Isirayeel yab cōom̀ ki jítì,
di sá yii u-neeŋkpaandi bí ní ki cá jaanjaan.
15 Ama u nìn yāntì Faaroo nì u-janjaliibi gbíntì niinf,
di sá yii u-neeŋkpaandi bí ní ki cá jaanjaan.
16 U nìn kpōotì u-nibul bi jítì kuteeu pu,
di sá yii u-neeŋkpaandi bí ní ki cá jaanjaan.
17 U nìn nāaǹ bibɔtikpaambi,
di sá yii u-neeŋkpaandi bí ní ki cá jaanjaan,
18 u nìn kūū bibɔtiibi bin cáá mpɔnee,
di sá yii u-neeŋkpaandi bí ní ki cá jaanjaan.
19 Bíǹ di sá Amɔɔr yab bɔtiu Siiwɔng,
di sá yii u-neeŋkpaandi bí ní ki cá jaanjaan,
20 nì Baasan bɔtiu Ɔɔgih,
di sá yii u-neeŋkpaandi bí ní ki cá jaanjaan.
21 U nìn dū bi-timmu ki tīī difakal,
di sá yii u-neeŋkpaandi bí ní ki cá jaanjaan,
22 ki tīī u-tɔntɔnliibi Isirayeel yab bí nīn yì,
di sá yii u-neeŋkpaandi bí ní ki cá jaanjaan.
23 U nìn téetì ti-pu ŋyunti ŋun bi nìn sīntiǹ-ti taapuee,
di sá yii u-neeŋkpaandi bí ní ki cá jaanjaan,
24 ní ki nyántì-ti ti-nannanliibi ŋaan,
di sá yii u-neeŋkpaandi bí ní ki cá jaanjaan.
25 U tìì tiwan tin kɔkɔ cáá kufoouee tijin tì jīǹ,
di sá yii u-neeŋkpaandi bí ní ki cá jaanjaan.
26 Tí nyɔ̄ŋkì yilpu Nimbɔtiu,
di sá yii u-neeŋkpaandi bí ní ki cá jaanjaan!