Ilan 100

Ti sá u-nibul

100

1 Ijaam saraau laŋŋu.

Kitiŋ kɔkɔ nib, ní fáámaan iwiliili kí dàntì ti-Dindaan.

2 Jāam̀maan-u nì ifaal,

dāam̄maan u-nimbiin nì dipɔɔpindi.

3 Béémaan yii ti-Dindaan di sá Unimbɔti,

úǹ di náań-ti ní ki yì-ti.

Ti sá u-nibul nì kupicaŋkpuŋu kun u kpàáyee.

4 Ní dīmaan u-diiku punyɔmmu kí kɔ́ kí nīn jáaḿ-u,

ní kɔ́ u-cindin kí nīn nyɔ́ŋkí-u.

Ní nyɔ̄ŋkìmaan-u, ní pàkàmaan u-yindi.

5 Di sá yii ti-Dindaan ŋān̄,

u-neeŋkpaandi bí kí nīn cá jaanjaan,

ní u-baamɔŋyi bí kí nīn cá abin abin.