Neeyeemiya 12

Bisaraaŋaliibi nì Leefii yab yiŋŋi

1 Bisaraaŋaliibi nì Leefii yab bin nìn nóoń Saltiyeel jipɔɔn Sooroobabeel nì Yeesuwa ki nyánní kuyuŋu ki fātìńee di sá Seeraya nì Yiirmeeya nì Eesiraasi, 2 nì Amariya nì Maluuki nì Atuusi, 3 nì Seekaniya nì Reewum nì Meereemooti, 4 nì Idoo nì Giineetɔyi nì Abiiya, 5 nì Miiniyaamiini nì Maadiya nì Biiliga, 6 nì Seemaya nì Yooyariib nì Yeedaya, 7 nì Saluu nì Amooki nì Ilikiya nì Yeedaya. Yeesuwa yuntiŋuee, bíǹ nì bi-nabiyaamu di nìn sá bisaraaŋaliibi kpilib. 8 Leefii yab kansikinee, bin nìn bée di sá Yeesuwa nì Binuyii nì Kadimiyeel nì Seereebiya nì Yeewuda nì Mataniya. Mataniya nì u-nabiyaamu di nìn kpòotī inyɔŋki laŋyi. 9 Bakibukiya nì Unii, bi-nabiyaamu di nìn yú ki túĺ-bi ki kíikí ilan.

10 Yeesuwa di màl̄ Yooyakiim, ní Yooyakiim màl̄ Eeliyasiib, ní Eeliyasiib màl̄ Yooyadaa, 11 ní Yooyadaa màl̄ Joonatan, ní Joonatan màl̄ Yaduwa.

12 Ŋyunti ŋun Yooyakiim sá usaraaŋakpilee, bin nìn sá bisaraaŋaliibi dicaŋkpilibee sɔ̀. Seeraya dicaŋkunee, Meeraya di nìn sá ukpil. Yiirmeeya dicaŋkunee, Ananiya di nìn sá ukpil. 13 Eesiraasi dicaŋkunee, Meesulam di nìn sá ukpil. Amariya dicaŋkunee, Yoowanan di nìn sá ukpil. 14 Meeliiku dicaŋkunee, Joonatan di nìn sá ukpil. Seebaniya dicaŋkunee, Jooseefi di nìn sá ukpil. 15 Ariim dicaŋkunee, Adina di nìn sá ukpil. Meerayooti dicaŋkunee, Eelkayi di nìn sá ukpil. 16 Idoo dicaŋkunee, Sakari di nìn sá ukpil. Giineetɔn dicaŋkunee, Meesulam di nìn sá ukpil. 17 Abiiya dicaŋkunee, Sikirii di nìn sá ukpil. Miiniyaamiini dicaŋkunee^a. Moowadiya dicaŋkunee, Piiltayi di nìn sá ukpil. 18 Biiliga dicaŋkunee, Samuwa. Seemaya dicaŋkunee, Joonatan di nìn sá ukpil. 19 Yooyariib dicaŋkunee, Mateenayi di nìn sá ukpil. Yeedaya dicaŋkunee, Uusi di nìn sá ukpil. 20 Salayi dicaŋkunee, Kalayi di nìn sá ukpil. Amooki dicaŋkunee, Eebeer di nìn sá ukpil. 21 Ilikiya dicaŋkunee, Asabiya di nìn sá ukpil. Ní Yeedaya dicaŋkunee, Neetaneeyeel di nìn sá ukpil.

22 Eeliyasiib nì Yooyadaa nì Yoowanan nì Yaduwa yuntiŋu ní bi nìn ŋmàn̄ Leefii yab dicaŋŋi kpilib nì bisaraaŋaliibi yiŋŋi ki tin cáa sāā Peeriisi yab bɔtiu Daariyusi yuntiŋu.

23 Bi nìn ŋmàn̄ Leefii yab dicaŋŋi kpilib yiŋŋi ki ŋá kugbɔŋu kun poon bi ŋmà tin jītí ŋwiin kamaayee ki tin sāā Eeliyasiib naantiiu Yoowanan yuntiŋu.

24 Leefii yab kpilib di nìn sá Asabiya nì Seereebiya nì Kadimiyeel jipɔɔn Yeesuwa. Bi-nabiyaamu nìn yú ki túĺ-bi, ní ki gà ilan ki fòol̄ tɔb ki nyɔ́ŋkí ti-Dindaan ki pàkà-u, kii Unimbɔti niliu Daafiidi nín nìn síiǹ mara bí nīn ŋáań puee.

25 Bipunyɔɔciitiliibi Mataniya nì Bakibukiya nì Oobadiya nì Meesulam nì Talmɔn nì Akuub di nìn cí adiin ŋin nìn yú ki nákáǹ kunimbɔtidii punyɔkɔki bi yōontí tijin poonee. 26 Bíǹ di nìn tūǹ kunimbɔtidii poon ditundi Yeesuwa jipɔɔn Yooyakiim un nìn sá Yoosadaaki naantiiu nì Gɔmina Neeyeemiya nì Eesiraasi un sá usaraaŋal nì umaradakalee yuntiŋu.

Bi jíń Jeerusaleem gundi jiŋaaliu

27 Jeerusaleem gundi jiŋaaliu puee, bi nìn yíiń Leefii yab bin nìn kóò ijaan kɔkɔ puee bí dāan̄ Jeerusaleem bí jī digundi jiŋaaliu nì dipɔɔpindi. Bi nìn gà inyɔŋki laŋyi, ki cákafí cancakantib ní ki bɔ̀ɔ́ saŋgub nì tibati. 28 Bilaŋgaaliibi nìn nyánní ntimbilimu mun nìn māntìi tú Jeerusaleemee nì Neetoofa timbilimmu ki dɔ́miń ki kpáfì 29 nì Beeti-Giilgaal, nì Geeba nì Asimafeeti timbilimmun yab. Di sá yii bilaŋgaaliibi nìn náań ntimbilimu ki māntìi tú Jeerusaleem tiŋki ní ki kóò. 30 Bisaraaŋaliibi nì Leefii yab nìn ŋá akoobil nín sá puee ki ŋá bíǹ bi-ba nì samaa kɔkɔ nì mpunyɔmu nì digundi circir.

31 M nìn yāntì Juuda yab kpilib jɔ́m̀ digundi pu. M nìn náań alaŋgakitikpaan ali. Dikitipeekaalee nìn búntì ŋŋaŋgiil pú ki tɔ́kɔ́ digundi pu ki còom̄ ki cá Titampuntan punyɔkɔki watil pú. 32 Bin nìn pá bilaŋgaaliibi gbanti boonee di sá Oosaya nì Juuda yab kpilib dijandi, 33 an dàkà yii Asariya nì Eesiraasi nì Meesulam, 34 nì Yeewuda nì Beenjameen nì Seemaya nì Yiirmeeya. 35 Bíǹ boon ní bisaraaŋaliibi bin ŋúb́ akantánee pá. Bíǹ di sá Joonatan jipɔɔn Seekariya. U-naanjab di sá Seemaya nì Mataniya nì Miikaya nì Sakuur nì Asaafi. 36 U-nabiyaamu Seemaya nì Asareeyeel nì Miilalayi nì Giilalayi nì Maayi nì Neetaneeyeel nì Yeewuda nì Ananii nìn pá bi-boon ki ŋúb́ tiwambɔɔkaal tin Unimbɔti niliu Daafiidi nìn kpítèe. Umaradakal Eesiraasi di nìn līī bi-nyɔkɔpu. 37 Bi bàn̄ Nnyimbul punyɔkɔkee, laakin dàb̀ ki jɔ́ḿ Daafiidi Tiŋkee bí bi-nimbiin. Bi nìn dàb̄ akɔl ki jɔ́m̀ ki tɔ́kɔǹ digundi pu, ní Daafiidi diiŋŋi bí taapu. Bi nìn cōom̀ ki tin bàn̄ Inyiŋfi punyɔkɔki ŋwìiń nyalaŋki pú.

38 Dilaŋgakitil dililiitiil nìn dī ŋŋaŋgan pú. Man nì samaa kpilib bin kíǹee nìn pá bi-boon ki tɔ́kɔǹ digundi pu. Ti nìn cōom̀ ki jítì Mpaamu difɔkɔku pu, ní ki tin bàn̄ laakin pú digundi wāāyee. 39 Ti nìn nìkī ki nín cá Eefiraayiim punyɔkɔki yilpu pu nì Yeesana punyɔkɔki nì Ijɔm punyɔkɔki, nì Ananeeyeel difɔkɔku nì Dilaataal difɔkɔku ki tin cáa sāā Apibil punyɔkɔki ní ki tin gbēeǹ Sintil punyɔkɔki. 40 Alaŋgakiti alee nìn kɔ́ ki yúl̀ kunimbɔtidiin. Man nì samaa kpilib dijandi din nìn nóó-mee mun nìn kɔ́ ki yúl̀. 41 Bisaraaŋaliibi Eeliyaakiim nì Maseeyawuu nì Miiniyaamiini nì Miika nì Eeliyooweenayi nì Seekariya nì Ananiya nìn bí ki búǹ akantán. 42 Bin mun nìn bée di sá Maseeyawuu nì Seemaya nì Eeleeyasaar nì Uusi nì Yoowanan nì Maalkiya nì Eelaam nì Eeseer. Isiraya di nìn kpòotī bilaŋgaaliibi ní bi gà ilan.

43 Yaadalee, bi nìn ŋá saraabi tikpil ní ki nìn bí dipɔɔpindi poon, kun puee Unimbɔti nìn tīī-bi dipɔɔpiŋkpaandi. Binimpoobi nì mbiyaamu mun nìn bíi fàal̀, ní binib nìn bíń ndan ki gbìl̄ dipɔɔpindi faalii pu Jeerusaleem tiŋkin.

Tin sá bisaraaŋaliibi nì Leefii yab yatee

44 Ŋyunti gbanti ní bi nìn lēē binib biba bí nīn cí adiin ŋin poon bi yōontí saraabi nì tisaalaatiil nì tijincɔ̀fikaalee. An nibee di làá nīn fòolìń ntimu mun bí ikpaanceetee yab cee mara nín yóoǹ yii bí nīn tìì bisaraaŋaliibi nì Leefii yab dijandi diŋyee. Ditundi din bisaraaŋaliibi nì Leefii yab nìn bí ki tūǹee nìn mɔ́ɔkiǹ Juuda yab. 45 Bi nìn bí ki tūǹ bi-Nimbɔtiu tundi ní ki nìn ŋáań circir tin kɔkɔ sá bí ŋá circiree. Bilaŋgaaliibi nì bipunyɔɔciitiliibi mun nìn bí ki tūǹ bi-tuuŋŋi deedee, kii Daafiidi nì u-jipɔɔn Saloomɔn nín nìn yóoǹ mara yii bí nīn ŋáań puee^b. 46 Di sá yii doooo ubɔti Daafiidi nì Asaafi yuntiŋuee, bilaŋgaaliibi kpilib nìn kpòotī bilaŋgaaliibi ní bi gà inyɔŋki nì ipampaka laŋyi ki tìì Unimbɔti tinyool. 47 Sooroobabeel nì Neeyeemiya yuntiŋuee, Isirayeel yab kɔkɔ nìn tìì bilaŋgaaliibi nì bipunyɔɔciitiliibi dijandi din nìn pée sá bí nīn tìì-bi baabadalee ní. Bi nìn dùŋfī dijandi din sá circiree ní kí tīī Leefii yab, ní Leefii yab mun ń dū tin bi dūu sú ti-Dindaanee kí tīī Aarɔn maaliŋun yab.