Neeyeemiya 11

Juuda yab bin fātìi gítìń ki kāl̀ Jeerusaleem tiŋkinee

1 Samaa kpilib nìn kóò Jeerusaleem ní. Bi nìn tɔ́ kasi samaa un kíǹee pu kí lēē binib saalaa kamaa poonee, unil ubɔ ú cùú nīn kóò Jeerusaleem, circir tiŋkin, ní binib biwa bin kíǹee ń gbíntí kí nīn kóò ntimu mun kíǹee poon. 2 Samaa nìn mēē ki bīiǹ bin kɔkɔ nìn lēē bi-pɔbilin yii bi làá cù kí nīn kóò Jeerusaleemee pu.

3 Isirayeel yab nì bisaraaŋaliibi nì Leefii yab nì kunimbɔtidiin tɔntɔnliibi nì Saloomɔn tɔntɔnliibi naantiibi di nìn kóò Juuda tiŋkin. Báà ŋma nìn kóò u-tiŋkin laakin u nìn yèe ní. Juuda timmu mun kíǹee kpilib bin nìn dɔ́miń ki kóò Jeerusaleemee yiŋŋi sɔ̀. 4 Juuda yab nì Beenjameen yab biba mun nìn dɔ́miń ki kóò Jeerusaleem.

Juuda yab kansikinee, Peereesi maaliŋun yab di sá Usiyaa jipɔɔn Ataaya, u-naanjab sá Seekariya nì Amariya nì Seefatiya nì Maalaleeyeel. 5 Maseeyawuu mun nìn bí, u-naanjab sá Kool-Ooseeya nì Asaaya nì Adaaya nì Yooyariib nì Seekariya nì Asiloonii. 6 Peereesi maaliŋun yab bisaraaŋaliibi bin nìn dɔ́miń ki kóò Jeerusaleemee nìn nyáń binib alaataa anaa nì imuŋku ita nì binib binii.

7 Beenjameen yab kansikin ubɔ di sá Meesulam jipɔɔn Saluu. U-naanjab di sá Yooweedi nì Peedaya nì Koolaya nì Maseeyawuu nì Itiyeel nì Yeesaya. 8 Bin kíǹee di sá Gabayi nì Salayi. Bi-kɔkɔ nìn nyáń binib alaataa awa nì binib mmuŋku nì binii. 9 Sikirii jipɔɔn Jooweel di nìn sá bi-kpiliu, ní Aseenuwa jipɔɔn Juuda sá kitiŋee kpiliu taapu yɔu.

10 Bisaraaŋaliibi kansikinee, bin nìn bée di sá Yooyariib jipɔɔn Peedaya, nì Yakiin 11 nì Ilikiya jipɔɔn Seeraya. Seeraya gbanti naanjab di sá Meesulam nì Sadooki nì Meerayooti nì bin kpèé kunimbɔtidiiyee kpiliu Ayiituub, 12 nì bi-nabiyaamu binib alaataa anii nì mmuŋku nì bili bin di bí kunimbɔtidiin ki tūǹ atuunee. Yeeroowaam jipɔɔn Adaaya mun nìn bí. U-naanjab di sá Peelaliya nì Amisii nì Seekariya nì Pasuur nì Maalkiya, 13 nì u-nabiyaamu bin sá adican kpilibee binib alaataa ali nì imuŋku ili nì binib bili. Asaareeyeel jipɔɔn Amasaayi mun nìn bí. U-naanjab di sá Asayi nì Meesileemooti nì Imeer, 14 nì bi-nabiyaamu bibaatandambi binib dilaataal nì binib mmuŋku nì binii. Ageedooliim jipɔɔn Sabidiyeel di nìn sá bi-kpiliu.

15 Leefii yab kansikinee, bin nìn bée ubɔ di sá Asuub jipɔɔn Seemaya. U-naanjab di sá Asiirikam nì Asabiya nì Bunii 16 nì Sabeetayi nì Yoosabaadi bin nìn sá Leefii yab kpilib kansikin biba ní ki nìn kpèé kunimbɔtidii boon tuuŋŋee mun nìn bí. 17 Miika jipɔɔn Mataniya mun nìn bí. U-naanjab di sá Sabidii nì Asaafi un di nìn tōontí inyɔŋki laŋyi ŋwimmeem yuntiŋuee, nì u-nabiki Bakibukiya un nìn sá u-taapu yɔuee nì Samuwa jipɔɔn Abidaa. Úǹ naanjab di sá Galaal nì Yeedutun. 18 Leefii yab bin nìn kóò Circir tiŋkinee nìn sá binib alaataa ali nì imuŋku inaa nì binib binaa.

19 Bipunyɔɔciitiliibi kansikinee, bi nìn bée di sá Akuub nì Talmɔn nì bi-dicaŋŋin yab. Bi nìn sá binib dilaataal nì binib binii kpá imuŋku inaa.

20 Isirayeel yab bin kíǹee nì bisaraaŋaliibi nì Leefii yab nìn cūtìi kāl̀ bi-tinjaŋŋin Juuda timmu mun kíǹee poon. 21 Kunimbɔtidii poon tɔntɔnliibi nìn kóò Oofeel, Jeerusaleem tiŋgbaŋkin ní. Siiya nì Giiseepa di nìn sá bi-kpilib.

22 Un nìn sá Leefii yab kpiliu Jeerusaleemee di sá Banii jipɔɔn Uusi. U-naanjab di sá Asabiya nì Mataniya nì Miika. U nìn sá kunimbɔtidiin laŋgaaliibi ubɔ ní Asaafi maaliŋun. 23 Ubɔti nìn yóoǹ bilaŋgaaliibi gbanti mara ní ki nìn bɔ́ntì bi nín làá nīn tūǹ dilaŋgaal tundi pu ŋwiin kamaa puee ki tīī-bi.

24 Meeseesaabeel jipɔɔn Peetaya un sá Juuda jipɔɔn, Seera maaliŋunee di nìn bí Peeriisi yab bɔtiu cee ki kpèé Isirayeel yab kɔkɔ bɔti.

Juuda yab bin kaa nìn kóò Jeerusaleem tiŋkinee

25 Ntimbilimu mun bí tisatinee jaaŋŋu púee, Juuda yab biba nìn kóò Kiiriyati-Ariba nì ki-timbilimmun nì Diibɔn nì ki-timbilimmun nì Yeekabiseel nì ki-timbilimmun, 26 nì Yeesuwa nì Moolada nì Beeti-Peeleeti, 27 nì Asaar-Suwaal nì Beerseeba nì ki-timbilimmun, 28 nì Siikilaagi nì Meekoona nì ki-timbilimmun, 29 nì Eeni-Riimɔn nì Soora nì Yaarmuti, 30 nì Sanoowa nì Adulaam nì ki-timbilimmu nì Lakiisi nì ki-timbilimmun nì Aseeka nì ki-timbilimmun. Bi nìn kāl̀ kí yòon̄ Beerseeba kí cáá sāā Inoom tantakalin.

31 Beenjameen naakookun yab nìn kāl̀ kí yòon̄ Geeba kí nīn cá doooo Miikimaasi nì Aya nì Beeteel nì ki-timbilimmun, 32 nì Anatooti nì Noob nì Ananiya 33 nì Asɔɔr nì Raama nì Giitayiim, 34 nì Adiidi nì Seebooyiim nì Neebalati, 35 nì Loodi nì Oonoo nì Iŋal pu tɔntɔnliibi tantakal.

36 Leefii yab kansikinee, biba nìn yíkì Juuda yab timmun ki cūtìi kóò Beenjameen yab cee.