Neeyeemiya 7

Bi nín làá nīn cí Jeerusaleem tiŋki puee

1 Bi nín fātìi máń digundi ki dóòyee, ní m cóoǹ punuubi ní ki kāaǹ bipunyɔɔciitiliibi nì bi-laŋgaaliibi nì Leefii yab bi-tundin. 2 M nìn kāaǹ m-nabiki Ananii ukàliŋkpil un làá nīn kpèé Jeerusaleem tiŋkee, ní ki nìn kāaǹ Ananiya un làá nīn kpèé sintil difɔkɔkuee. U nìn sá unil un pu bi cáá dimákalee, ki nìn fàŋkí Unimbɔti ki jítiǹ binib tikpil. 3 M nìn yóoǹ-bi mara yii: «Kutaa yaa kaa wúntì ŋwìiń nyánnée, ní taa pìitī digundi punyɔmmu. Kujoouee, ní pìin̄ kí kpàl̄ mpunyɔmu kí wàatī ní bipunyɔɔciitiliibi ń nín búntí. Bin kóò Jeerusaleemee làá nīn yūlifí sintil, biba ń nīn yú ipaan in pu bi yóoǹ-bee, ní bin kíǹee ń nīn cí bi-diiŋŋi nyɔkɔpu.»

Juuda yab bin fātìi gítìńee

4 Jeerusaleem nìn sá kitiŋkpaaŋŋi ki dɔ̄ ki cá ajan liitil pú, ní ki-nib kaa nìn náaǹ. Baa nìn dá láá fātìi máń adiin aba. 5 Unimbɔti nìn dū nlandɔkɔ nee ki ŋá m-pɔbilin ḿ kpāfì abɔtibil nì bibɔsoonliibi nì samaa un kíǹee kí kàaǹ-bi. M nìn ká kugbɔŋu kun poon bi nìn ŋmàn̄ bin nìn nyánní kuyuŋu ki gítìń mpeepeekaaminee yiŋŋee, ní ki nìn ká an ŋmàn̄ ku-poon yii:

6 «Juuda yab bin Babiloon bɔtiu Neebukadineesaar nìn cúú kuyuŋu ki cūnnì Babiloonee, bin nìn gítìń Jeerusaleem nì Juuda timmu mun kíǹee poon báà ŋma fātìi kāl̀ u-tiŋkinee sèé. 7 Bin di nìn līiń bi-nyɔkɔpuee di sá Sooroobabeel nì Yeesuwa nì Neeyeemiya nì Asariya nì Ramiya nì Naaman nì Mɔɔrdookayi nì Biilisan nì Miisipeereeti nì Biigifayi nì Neewum nì Baana.»

Isirayeel yab bininjab nyɔkɔm sɔ̀.

8 Pareeyoosi maaliŋun yab nìn sá binib kutukub bili nì dilaataal nì binib binii kpá imuŋku inaa.

9 Seefatiya maaliŋun yab nìn sá binib alaataa ata nì binib binii kpá imuŋku inaa.

10 Araa maaliŋun yab nìn sá binib alaataa aluu nì binib binii kpá imuŋku ita.

11 Paati-Moowaab maaliŋun yab, an dàkà yii Joosuwa nì Joowaab nib nìn sá binib kutukub bili nì alaataa anii nì binib saalku nì bita.

12 Eelaam maaliŋun yab nìn sá binib kutuku ubɔ nì alaataa ali nì binib biluu kpá imuŋku ita.

13 Saatuu maaliŋun yab nìn sá binib alaataa anii nì imuŋku ili nì binib biŋmoo.

14 Sakayi maaliŋun yab nìn sá binib alaataa aluli nì binib imuŋku ita.

15 Banii maaliŋun yab nìn sá binib alaataa aluu nì binib imuŋku ili nì binii.

16 Beebaayi maaliŋun yab nìn sá binib alaataa aluu nì binib mmuŋku nì binii.

17 Asigaadi maaliŋun yab nìn sá binib kutukub bili nì alaataa ata nì binib mmuŋku nì bili.

18 Adooniikam maaliŋun yab nìn sá binib alaataa aluu nì binib imuŋku ita nì biluli.

19 Biigifayi maaliŋun yab nìn sá binib kutukub bili nì binib imuŋku ita nì biluli.

20 Adiini maaliŋun yab nìn sá binib alaataa aluu nì binib biŋmoo kpá imuŋku ita.

21 Ateer maaliŋun yab, an dàkà yii Eeskiya yab nìn sá binib bili kpá dilaataal.

22 Asuum maaliŋun yab nìn sá binib alaataa ata nì binib mmuŋku nì binii.

23 Beesayi maaliŋun yab nìn sá binib alaataa ata nì binib mmuŋku nì binaa.

24 Ariifi maaliŋun yab nìn sá binib dilaataal nì binib saalaa nì bili.

25 Gabawɔn tiŋkin yab nìn sá binib biŋmoo kpá dilaataal.

26 Beetileem nì Neetoofa timmun yab nìn sá binib dilaataal nì imuŋku inaa nì binib binii.

27 Anatooti tiŋkin yab nìn sá binib dilaataal nì binib mmuŋku nì binii.

28 Beeti-Asmafeeti tiŋkin yab nìn sá binib imuŋku ili nì binib bili.

29 Kiiriyati-Yeeyariim nì Keefiira nì Beerooti timmun yab nìn sá binib alaataa aluli nì imuŋku ili nì binib bita.

30 Raama nì Geeba timmun yab nìn sá binib alaataa aluu nì binib mmuŋku nì ubɔ.

31 Miikimaasi tiŋkin yab nìn sá binib dilaataal nì binib mmuŋku nì bili.

32 Beeteel nì Aayi timmun yab nìn sá binib dilaataal nì binib mmuŋku nì bita.

33 Neeboo tiŋkin yab nìn sá binib binii kpá imuŋku ita.

34 Eelaam ubɔ mun maaliŋun yab nìn sá binib kutuku ubɔ nì alaataa ali nì binaa kpá imuŋku ita.

35 Ariim maaliŋun yab nìn sá binib alaataa ata nì binib mmuŋku.

36 Jeeriikoo tiŋkin yab nìn sá binib alaataa ata nì imuŋku ili nì binib biŋmoo.

37 Loodi nì Adiidi nì Oonoo timmun yab nìn sá binib alaataa aluli nì binib mmuŋku nì ubɔ.

38 Seenaa tiŋkin yab nìn sá binib kutukub bita nì alaataa awa nì binib mmuŋku nì saalaa.

39 Bisaraaŋaliibi kitilinee, Yeedaya maaliŋun yab, an dàkà yii Yeesuwa maaliŋun yab nìn sá binib alaataa awa nì binib biluli kpá imuŋku inaa.

40 Imeer maaliŋun yab nìn sá binib kutuku ubɔ nì binib binii kpá imuŋku ita.

41 Pasuur maaliŋun yab nìn sá binib kutuku ubɔ nì alaataa ali nì imuŋku ili nì binib biluli.

42 Ariim maaliŋun yab nìn sá binib kutuku ubɔ nì binib saalku nì bili.

43 Leefii yab kitilinee, Yeesuwa maaliŋun yab, an dàkà yii Oodeewa jipɔɔn Kadimiyeel yab nìn sá binib imuŋku ita nì unil ubɔ kpá saalku.

44 Bilaŋgaaliibi kitilinee, Asaafi maaliŋun yab nìn sá binib dilaataal nì imuŋku ili nì binib binii.

45 Bipunyɔɔciitiliibi kitilinee, Saaluum nì Ateer nì Talmɔn nì Akuub nì Atiita nì Soobayi maaliŋun yab nìn sá binib dilaataal nì binib bili kpá imuŋku ili.

46 kunimbɔtidii poon tɔntɔnliibi nín nìn pēē pēē mmaal puee di sá Siya nì Asufa nì Tabayooti nì 47 Keeroosi nì Siiya nì Padɔn, 48 nì Leebana nì Agaaba nì Salmayii, 49 nì Anaani nì Giideel nì Gayaar 50 nì Reeyaya nì Reesiin nì Neekooda 51 nì Gaasaam nì Usa nì Paseeya 52 nì Beesayi nì Meewuniim nì Neefiiseesiim 53 nì Bakibuuki nì Akufa nì Aruuri, 54 nì Basliiti nì Meeyida nì Arisa, 55 nì Barkoosi nì Siseela nì Taama, 56 nì Neesiya nì Atiifa yab.

57 Saloomɔn tɔntɔnliibi^a nín nìn pēē pēē mmaal puee di sá Sootayi nì Soofeereeti nì Peeriida, 58 nì Yaala nì Darkɔn nì Giideel, 59 nì Seefatiya nì Atiil nì Pookeereeti-Aseebayiim nì Amɔn maaliŋun yab.

60 Kunimbɔtidii poon tɔntɔnliibi nì Saloomɔn tɔntɔnliibi maaliŋun yab nìn kpáfì binib binii kpá alaataa anaa.

61 Binib bin bí nee di nìn nyánní Teel-Meela nì Teel-Arisa nì Keerub-Adɔn nì Imeer timmun kaa nìn ŋúń ki béè yii bi-naanjab maaliŋun yab nì bi-nyeeŋŋu nìn baasii sá Isirayeel. 62 Bíǹ di nìn sá Deelaya nì Toobiya nì Neekooda maaliŋun yab. Bi nìn sá binib alaataa aluu nì imuŋku ili nì binib bili.

63 Bisaraaŋaliibi kansikinee, Yoobaya nì Akoosi nì Barsilayii maaliŋun yab mun nìn bí. Barsilayii gbanti di nìn cáá ugalaadija Barsilayii bisal ubɔ. An pu ní bi nìn dū diyindi gbanti ki pú-u. 64 Binibee nìn nyàab̄ bi-naanjab yiŋŋi gbɔntin kaa ká. An puee bi nìn dū-bi ki yíiń bijɔkɔnnib ní ki nyántì-bi disaraaŋal tundin. 65 Ní bi-gɔminau bí-bi yii bí taa ti jī tijin tin bi dūu ŋá saraa tì bí circir páaayee kí nīn cí usaraaŋakpil ubɔ ń dāá dū Uriim nì Tumiim^b kí bàlifì dibalifilee.

66 Isirayeel yab bin kɔkɔ nìn nyánní kuyuŋu ki bāańee nìn sá binib kutukub imuŋku ili nì bili nì binib alaataa ata nì imuŋku ita ní. 67 Bi-tɔntɔnliibi bininjab nì binimpoobi kaa nìn kútì. Bíǹ nìn sá binib kutukub biluli nì alaataa ata nì binib bita kpá imuŋku ili. Biwambɔɔliibi nì bilaŋgaaliibi bininjab nì binimpoobi nìn sá binib alaataa ali nì imuŋku ili nì binib biŋmoo. 68 Bi nìn cáá igutaamu alaataa anaa nì iŋmoo kpá imuŋku ili nì mmamu kutukub biluu nì alaataa aluli nì mmuŋku. 69 Adican kpilib nìn tīī tiwampɔkaal bí dūú tɔ̄ kunimbɔtidii tuuŋŋi. Gɔmina nìn tīī asindaariyakún kutuku ubɔ nì asambil ŋin poon bi ŋáań fatiku ki yàantée imuŋku ili nì saalaa, nì bisaraaŋaliibi bɔkutiŋ alaataa aŋmoo nì mmuŋku nì saalaa. 70 Adican kpilib nín tīī tiwampɔkaal tin bí dūú tɔ̄ kunimbɔtidii tuuŋŋee kɔkɔ nyáń asindaariyakún kutukub mmuŋku nì animbil kúti kiiloobi kutuku ubɔ nì dilaataal. 71 Isirayeel yab bin kíǹee mun tīī asindaariyakún kutukub mmuŋku nì animbil kúti kiiloobi kutuku ubɔ nì bisaraaŋaliibi bɔkutiŋ imuŋku ita nì aluli.

72 «Míǹ boonee ní bisaraaŋaliibi nì Leefii yab nì bipunyɔɔciitiliibi nì bilaŋgaaliibi nì kunimbɔtidii poon tɔntɔnliibi nì Isirayeel yab bin kíǹee kɔkɔ fātìi kāl̀ bi-timmun.»

Eesiraasi kàan̄ Unimbɔti Marab samaa nimbiin

Dibindi poon ŋmaluluútiu bāańee, Isirayeel yab kɔkɔ nìn kāl̀ bi-timmun^c.