Krooniiki Gbɔmpeepeekaaku 25

Bilaŋgaaliibi kitiŋi

1 Akiti ŋin tūǹ ditundi ti-Dindaan Diikunee kpilib nìn tútúǹ Daafiidi bi gāntì Asaafi nì Eeman nì Yeedutun naantiibi bí nīn kpèé dilaŋgaal tundi. Bi nìn bɔ̀ɔ́ tibati nì saŋgub, ki cákafí cancakantib ní ki gà ilan ki nàatī binib Unimbɔti bɔti. Binib bin tūǹ ditundi gbantee yiŋŋi sèé. 2 Asaafi jipɔmbi di sá Sakuur nì Jooseefi nì Neetaniya nì Asaareela. Bi-baa un nìn gà ilan ki nàatī Unimbɔti bɔtee di nìn kpòotī-bi kii ubɔti nín tīī mara puee. 3 Yeedutun jipɔmbi di sá Geedaliyawuu nì Seerii nì Yeesaya nì Simeeyii nì Aseebiyawuu nì Mataatiyawuu. Bi-baa un nìn cáá kubeeu ki gà ilan ki nyɔ́ŋkí ki pàkà ti-Dindaanee di nìn kpòotī bi-luutil.

4 Eeman jipɔmbi di sá Buukiyawuu nì Mataatiyawuu nì Usiyeel nì Seebuyeel nì Yeereemooti nì Ananiya nì Ananii nì Eeliyata nì Giidalitii nì Roomamitii-Eeseer nì Yoosbeekasaa nì Malootii nì Ootiir nì Maasiyooti. 5 Bin bí nee kɔkɔ sá Eeman un wāĺ ki nàatī ubɔti Unimbɔti bɔtee jipɔmbi ní. U nìn nāatì Daafiidi tin Unimbɔti sòon̄ kí mɔ̀tīí kūtì-u mpɔnee. Unimbɔti nìn pú Eeman mbininjabiyaamu kiba kpá saalku nì nnimpubiyaamu muta ní.

6 Binib gbanti kɔkɔ nìn bí bi-baa taapu ní ki tūǹ ditundi ti-Dindaan diikun. Bi nìn cákafí cancakantib, ní ki bɔ̀ɔ́ saŋgub nì tibati. Bi nìn bí ubɔti tundin ní Asaafi nì Yeedutun nì Eeman kpòotī-bi. 7 Bilaŋgaaliibi gbanti nì bi-kitiŋi yab bin bi nìn bífì bí nīn gà ilan ki nyɔ́ŋkí ti-Dindaanee nìn nyáń binib alaataa ali nì imuŋku inaa nì binib binii ní. Bi nìn bífì dilaŋgaal tundi tiŋan.

8 Bi nìn tɔ́ kasi ní ki lēē bi nín làá nīn tūǹ ditundi ki fòol̄ tɔb puee. Digàntil kaa nìn bí kiwaayaaa, ukpil kansikin, àá un bífì ki nyí dilaŋgaal tiŋanee nì un dáá bíi bífée kansikin.

9 Bi nín tɔ́ kasee, ukpipeepeekaa un an tāāyee di sá Asafi jipɔɔn Jooseefi.

Unililiiti di sá Geedaliyawuu, u nì u-jipɔmbi nì u-nabiyaamu binib saalaa nì bili.

10 Utataati di sá Sakuur, u nì u-jipɔmbi nì u-nabiyaamu binib saalaa nì bili.

11 Unanaati di sá Yiseerii, u nì u-jipɔmbi nì u-nabiyaamu binib saalaa nì bili.

12 Uŋmooŋmooti di sá Neetaniyawuu, u nì u-jipɔmbi nì u-nabiyaamu binib saalaa nì bili.

13 Ululuuti di sá Bukiyawuu, u nì u-jipɔmbi nì u-nabiyaamu binib saalaa nì bili.

14 Ululuúti di sá Yeesareela, u nì u-jipɔmbi nì u-nabiyaamu binib saalaa nì bili.

15 Uniniiti di sá Yeesaya, u nì u-jipɔmbi nì u-nabiyaamu binib saalaa nì bili.

16 Uwawati di sá Mataniyawuu, u nì u-jipɔmbi nì u-nabiyaamu binib saalaa nì bili.

17 Usaalaati di sá Simeeyii, u nì u-jipɔmbi nì u-nabiyaamu binib saalaa nì bili.

18 Saalaa nì upeekaa di sá Asareeyeel, u nì u-jipɔmbi nì u-nabiyaamu binib saalaa nì bili.

19 Saalaa nì uliliiti di sá Asafiya, u nì u-jipɔmbi nì u-nabiyaamu binib saalaa nì bili.

20 Saalaa nì utataati di sá Subayeel, u nì u-jipɔmbi nì u-nabiyaamu binib saalaa nì bili.

21 Saalaa nì unanaati di sá Maatitiyawuu, u nì u-jipɔmbi nì u-nabiyaamu binib saalaa nì bili.

22 Saalaa nì uŋmooŋmooti di sá Yeereemooti, u nì u-jipɔmbi nì u-nabiyaamu binib saalaa nì bili.

23 Saalaa nì ululuuti di sá Ananiyawuu, u nì u-jipɔmbi nì u-nabiyaamu binib saalaa nì bili.

24 Saalaa nì ululuúti di sá Yoosbeekasaa, u nì u-jipɔmbi nì u-nabiyaamu binib saalaa nì bili.

25 Saalaa uniniiti di sá Ananii, u nì u-jipɔmbi nì u-nabiyaamu binib saalaa nì bili.

26 Saalaa nì uwawati di sá Malootii, u nì u-jipɔmbi nì u-nabiyaamu binib saalaa nì bili.

27 Un pá saalaa nì uwawati puee di sá Eeliyata, u nì u-jipɔmbi nì u-nabiyaamu binib saalaa nì bili.

28 Mmuŋku nì upeekaa di sá Ootiir, u nì u-jipɔmbi nì u-nabiyaamu binib saalaa nì bili.

29 Mmuŋku nì uliliiti di sá Giidalitii, u nì u-jipɔmbi nì u-nabiyaamu binib saalaa nì bili.

30 Mmuŋku nì utataati di sá Maasiyooti, u nì u-jipɔmbi nì u-nabiyaamu binib saalaa nì bili.

31 Mmuŋku nì unanaati di sá Roomamitii-Eeseer, u nì u-jipɔmbi nì u-nabiyaamu binib saalaa nì bili.