Krooniiki Gbɔmpeepeekaaku 24

Bisaraaŋaliibi kitiŋi

1 Bi nìn yākatì Aarɔn naantiibi akiti akiti. Aarɔn jipɔmbi di sá Nadaab nì Abiyuu nì Eeleeyasaar nì Itamaar. 2 Nadaab nì Abiyuu nìn péeǹ bi-baa ki kpíì^a kaa nìn màl̄ mbininjabiyaamu. Eeleeyasaar nì Itamaar baba di nìn kpántì bisaraaŋaliibi. 3 Eeleeyasaar naantiiu Sadooki nì Itamaar naantiiu Ayiimeeleeki nìn tútúǹ Daafiidi u yākatì bisaraaŋaliibi kɔkɔ akiti akiti, ki nóó nì ditundi din bi tūǹee. 4 Bi nìn dáań ki ká yii Eeleeyasaar naantiibi bininjab nìn wīikí ki jítiǹ Itamaar naantiibi yab. An pu ní bi cúú Eeleeyasaar yab ki yākatì akiti saalku nì diba, ní ki yākatì Itamaar yab akiti anii. Dikitil kamaa nìn cáá kudicaŋu kpiliu ubɔ. 5 Bi nìn tɔ́ kasi ní ki yākatì yākatì akiti gbanti. Di sá yii an yaa sá Eeleeyasaar naantiibi poonaaa, Itamaar naantiibi poonaaa, «circir kɔŋkooŋŋu tɔntɔnliibi» nì «Unimbɔti tɔntɔnliibi» nìn bí ní.

6 Neetaneeyeel jipɔɔn Seemaya, un sá ugbaŋŋmal Leefii naakookunee ŋmàn̄ bi-yiŋŋi ubɔti nì abɔtibil nì usaraaŋakpil Sadooki nì Abiyataar jipɔɔn Ayiimeeleeki, nì bisaraaŋaliibi nì Leefii yab dicaŋŋi kpilib kɔkɔ nimbiin. Bi yaa nìn tɔ́ kasi mili pu ki lēē Eeleeyasaar maaliŋun bikpilib bilee, ní bí tɔ̄ kasi diba pu kí lēē Itamaar maaliŋun kudicaŋu kpiliu ubɔ. 7 Bi nín nìn tɔ́ kasee, unipeekaa un an nìn tāāyee di sá Yooyariib, ní uliliiti sá Yeedaya, 8 ní utataati sá Ariim, ní unanaati sá Seewooriim, 9 ní uŋmooŋmooti sá Maalkiya, ní ululuuti sá Miiniyaamiini, 10 ní ululuúti sá Akoosi, ní uniniiti sá Abiiya, 11 ní uwawati sá Yeesuwa, ní usaalaati sá Seekaniyawuu, 12 ní saalaa nì upeekaa sá Eeliyasiib, ní saalaa nì uliliiti sá Yakiim, 13 ní saalaa nì utataati sá Kuupa, ní saalaa nì unanaati sá Yeeseebaab, 14 ní saalaa nì uŋmooŋmooti sá Biiliga, ní saalaa nì ululuuti sá Imeer, 15 saalaa nì ululuúti sá Eesiir, ní saalaa nì uniniiti sá Apiiseesi, 16 ní saalaa nì uwawati sá Peetaya, ní un pá saalaa nì uwawati sá Yeesikeel, 17 ní mmuŋku nì upeekaa sá Yaakiin, ní mmuŋku nì uliliiti sá Gamuul, 18 ní mmuŋku nì utataati sá Deelaya ní mmuŋku nì unanaati sá Maasiya.

19 Akiti gbanti nìn nóó bi nín pá pá tɔb pu puee ní ki tūǹ ditundi ti-Dindaan Diikun. Bi nìn tūǹ ditundi niin ki nóó nì bi-naanja Aarɔn nín nìn tīī marab biŋyee ní. Úǹ nìn fōō marab gbanti ti-Dindaan Isirayeel Nimbɔtiu cee ní.

Leefii yab bin kíǹee yiŋŋi

20 Leefii kpilib bin kíǹee yiŋŋi sèé.

Un nìn sá Amiiraam naantiibi poon ukpilee di sá Suubayeel, ní un sá Suubayeel naantiibi poon ukpilee di sá Yeediya. 21 Un nìn sá Reekabiya naantiibi poon ukpilee di sá Isiya un sá u-dicaŋkun ujipɔŋkpilee. 22 Isaar naantiibi poonee, Seeloomiiti di nìn sá ukpil, ní Seeloomiiti naantiibi poonee, Yakaati sá ukpil. 23 Eebrɔn jipɔmbi sèé. Upeekaa di sá Yeeriya ní uliliiti sá Amaariya, ní utataati sá Yasiyeel ní unanaati sá Yeekamam. 24 Usiyeel jipɔɔn di sá Miika. Miika naantiibi poonee, Samiir di nìn sá ukpil. 25 Miika naal Isiya naantiibi poonee, Seekariyawuu di nìn sá ukpil. 26 Meerarii jipɔmbi di sá Maalii nì Muusii nì Yaasiyawuu. 27 Meerarii naantiibi bin u-jipɔɔn Yaasiyawuu màl̄ee di sá Sooyam nì Sakuur nì Ibirii. 28 Maalii jipɔmbi ubɔ di sá Eeleeyasaar. Úǹ kaa nìn màl̄ kibininjabiki. 29 Uliliiti di sá Kiisi. Úǹ nìn màl̄ kibininjabiki bi yíì-kì Yeerameel. c\p Bininjab gbanti kɔkɔ nìn sá Leefii naakookun ní. Báà ŋma nìn sá u-dicaŋkun ukpil ní. 31 Kii bi-nabiyaamu Aarɔn naantiibi nín ŋá puee, bi nìn tɔ́ kasi ní ki lēē bi nín làá nīn tūǹ ditundi ki pá pá tɔb pu puee. Ubɔti Daafiidi nì Sadooki nì Ayiimeeleeki, nì bisaraaŋaliibi nì Leefii yab dicaŋŋi kpilib nimbiin ní bi nìn ŋá míǹ gbanti kɔkɔ. Mimmee bi ŋá ujipɔŋkpil dicaŋku mbaantiim kii bi nín ŋá kiwaai mun dicaŋku puee dee.