Krooniiki Gbɔmpeepeekaaku 4

Juuda naantiibi bin kíǹee

1 Juuda naantiibi di gíti sá Peereesi nì Eesirɔn nì Kaarmii nì Uur nì Soobaal. 2 Soobaal jipɔɔn Raaya di màl̄ Yakaati, ní Yakaati màl̄ Akumayi nì Lakaadi. Bíǹ di sá Soora tiŋki yab naanjab ki nóó nì bi nín pēē pēē mmaal puee.

3 Jisirayeel nì Isima nì Idibasi di náań Eetaam tiŋki. Bi-niisal di sá Asileelpoonii. 4 Eefiraata jipɔŋkpiliu Uur di náań Beetileem tiŋki. Úǹ nìn màl̄ mbininjabiyaamu: Peenuyeel un náań Geeduur tiŋkee nì Eeseer un náań Usa tiŋkee.

5 Aseewuur di náań Teekoowa tiŋki. U nìn cáá binimpoobi bili ní. Bi yíì ubɔ Eela ní ki yíì un kíǹ Naara. 6 Naara nìn màl̄-u Awusam nì Eefeer nì Teeminii nì Akastarii. Naara jipɔmbi dee. 7 Eela jipɔmbi di sá Seereeti nì Soowaar nì Eetinan.

8 Kɔɔsi di màl̄ Anuub nì Soobeeba ní ki sá Aruum jipɔɔn Areeyeel maaliŋun yab naanja.

9 Jabeesi nìn cáá tinyool ki jítiǹ u-mambi nì u-naalib bin kíǹee kɔkɔ. Di sá yii u-na nín màl̄-uee, u pú-u diyindi yii Jabeesi ki lī yii: «An píĺ-mi ní m nín màl̄-u.» 10 Dalbee ní Jabeesi mēē Isirayeel Nimbɔtiu ki lī yii: «A yaa lafun yú m-boon, á yàntī m-tinjandi ń wàan̄ kí kūtì. Wúń m-pu, ní kí jà nnaabu nì dinimbinaamandi kí wàatī-mi.» Unimbɔti nìn kíí ki ŋá tin Jabeesi mēē-uee ki tīī-u.

11 Suuwa naal Keeluub di màl̄ Meekiir ní Meekiir màl̄ Eesitɔn. 12 Ní Eesitɔn màl̄ Beeti-Raafa nì Paseeya nì Teekiina un náań Iir-Naasi tiŋkee. Bi-naantiibi nìn kāl̀ Reeka tiŋkin ní.

13 Keenaasi jipɔmbi di sá Ootiniyeel nì Seeraya. Ootiniyeel jipɔmbi di sá Ataati nì Meeyɔnootayi. 14 Meeyɔnootayi di màl̄ Oofiraa. Seeraya di màl̄ Joowaab un sá binib bin tūǹ ŋŋal pu tundi ki kóò Iŋal pu tɔntɔnliibi tantakalinee naanja.

15 Yeefunee jipɔɔn Kaleeb jipɔmbi di sá Iruu nì Eela nì Naam. Eela jipɔɔn di sá Keenaasi.

16 Yaleeleel jipɔmbi di sá Siifi nì Siifa nì Tiiriya nì Asareeyeel.

17-18 Eesiraasi jipɔmbi di sá Yeeteer nì Meereedi nì Eefeer nì Yalɔn. Meereedi nìn cáá Eejipiti bɔtiu bisal Biitiya. Biitiya nìn màl̄-u Miiriyam nì Samayii nì Iseeba un náań Eesiteemoowa tiŋkee. Meereedi nìn gíti cáá unimpu ubɔ, u sá kijuudabiki. Úǹ di màl̄-u Yeereedi un náań Geedɔɔr tiŋkee, nì Eebeer un náań Sookoo tiŋkee, nì Yeekutiyeel un náań Sanoowa tiŋkee.

19 Oodiya nìn cáá Naam niisal ubɔ. U-niboolii di sá Garimii maaliŋun yab bin kóò Keeyiila tiŋkinee nì Maaka maaliŋun yab bin kóò Eesteemoowa tiŋkinee.

20 Siimɔn jipɔmbi di sá Aminɔn nì Riina nì Been-Anaani nì Tiilɔn. Iseeyii jipɔmbi di sá Sooweeti nì Been-Sooweeti.

21 Juuda jipɔɔn Seera niboolii di sá Eer un náań Leeka tiŋkee, nì Laada un náań Mareesa tiŋkee, nì bin lù agbanjoo satab ki kóò Beeti-Asbeeya tiŋkinee maaliŋun yab, 22 nì Yookiim nì binib bin kóò Kooseeba tiŋkinee nì Joowaasi nì Saraafi timmu. Binib gbanti nìn cáá Moowaab sapɔmbi ní ki nín dɔ́miń ki kāl̀ Beetileem tiŋkin. 23 Bi-naantiibi nìn sá biyɔɔmaatiibi ní. Bi nìn kóòń Neetayiim nì Geedeera timmun ní ki tūǹ ditundi ki tìì ubɔti.

Simeeyɔn naantiibi

24 Simeeyɔn jipɔmbi di sá Neemuyeel nì Yamiini nì Yariib nì Seera nì Saayuul. 25 Saayuul maaliŋun yab di sá Saluum nì Miibsam nì Miisima. 26 Miisima maaliŋun yab di sá Miiseema jipɔɔn Amuyeel nì Amuyeel jipɔɔn Sakuur nì Sakuur jipɔɔn Simeeyii. 27 Simeeyii màl̄ mbininjabiyaamu saalku nì kiba nì nnimpubiyaamu muluu ní, ama ní u-nabiyaamu kaa màl̄ mbininjabiyaamu tikpil. An pu ní Simeeyɔn naakookun yab kaa wíiǹ ki bàn̄ Juuda naakookun yab.

28 Ntimu mun bi nìn kóòyee di sá Beerseeba nì Moolada nì Asaar-Suwaal, 29 nì Biila nì Eeseem nì Toolaadi, 30 nì Beetuweel nì Ɔrima nì Siikilaagi, 31 nì Beeti-Markabooti nì Asaar-Susiim nì Beeti-Biirii nì Saarayiim. Ntimu gbantin ní bi nìn kóò áli Daafiidi dāa kpántì ubɔti. 32 Bi nìn gíti kóò Eetaam nì Ayiin nì Riimɔn nì Tookeen nì Asaan timbilimmun. Mu nìn nyáń ntimbilimu muŋmoo ní, 33 ki kpáaǹ ntimbilimu mun māntìi tú-muee, ki tin cáa sāā Balaati tiŋki. Ntimu gbantin ní bi nìn kóò. Bi nìn ŋmàn̄ bi-dicaŋŋi kpilib yiŋŋi ki ŋá dikàandi gbɔŋkun.

34 Simeeyɔn naakookun yab nín pēē pēē mmaal puee tindaŋkpilib di sá Meesoobaab nì Jamileeki nì Amasiya jipɔɔn Joosa, 35 nì Jooweel nì Joosiiba jipɔɔn Jeewuu un sá Seeraya naantiiu nì Asiyeel naantitɔntɔkɔlee, 36 nì Eeliyooweenayi nì Jakooba nì Jeesoowaya nì Asaya nì Adiyeel nì Jeesimiyeel nì Beenaya, 37 nì Siifeeyii jipɔɔn Siisa. U-naanjab di sá Alɔn nì Yeedaya nì Simrii nì Seemaya. 38 Bin yiŋŋi bi dáá yíiń nee nìn sá bi-maaliŋu poon kpilib, ní bi-dicaŋŋi nib nìn būtì tiŋan tiŋan pu. 39 An pu ní bi nìn kpátìi gbí an kɔkɔ áli ki tin dūu gūū Geedɔɔr tiŋki, ditantakal ŋwìiń nyalaŋki pú, ki nyàab̀ kupikpaapɔɔu kí kpàà bi-piii. 40 Niin ní bi ká kupikpaapɔɔu kumɔntiiu timool bí ki sɔ̀m̀ fílfil. Kitiŋ gbanti nìn wāā ní ŋgbansɔŋfi bí ki-pu. Cannaakuee, Kaam naantiibi di nìn kóò niin. 41 Ama ŋyunti ŋun Eeseekiyaasi nìn sá Juuda bɔtiuee ní bikpilib bin yiŋŋi ti dáá yíiń nee dūu bāań kitiŋ gbantin. Bi nìn nāaǹ tantib nì ikɔŋkoon laakin Kaam yab nìn kóòyee. Bi nìn kūū ki céetì bi-nib kɔkɔ ní báà ubɔ kaa ti kíǹ ki dāa sāā díǹ. Niinee ní bíǹ fōō bi-tiŋki ki kíǹ ki kóò, kun puee kupikpaapɔɔu nìn bí niin bí kpàà bi-piii.

42 Simeeyɔn naakookun yab binib alaataa aŋmoo nìn yíkì ki nín jɔ́ḿ Seeyiir jool pu. Isii jipɔmbi Peelatiya nì Neeyariya nì Reefaya nì Usiyeel di nìn sá bi-yidambi. 43 Bi bàn̄ee ní ki púntìi kūū ki céetì Amaleeki yab bin nìn sáǹ ki ŋmátì ki cūtìi kā niinee, ní ki fōō mpaan ki kāl̀. Bi-naantiibi dáá gbíntìi bí niin ki dāa sāā díǹ.