Bibɔtiibi Gbɔmpeepeekaaku 4

Saloomɔn mɔ̄tìi bɔ́ntì u-beel

1 Saloomɔn di nìn sá Isirayeel tiŋki kɔkɔ pu ubɔti. 2 Bin nìn sá u-kàliŋkpilib ki bí u-tundinee yiŋŋi sɔ̀. Sadooki jipɔɔn Asariyawuu di nìn sá usaraaŋakpil^a. 3 Siisa jipɔmbi Eeliiwooreefi nì Awiiya di nìn sá bigbaŋŋmaliibi, ní Ayiiluudi jipɔɔn Jeewoosafaati sá un ŋúb́ ubɔti jaliiki kin u cáa nyìitī tiwan kí dàkà yii úǹ di yì-tèe. 4 Yeewooyadaa jipɔɔn Beenayawuu di nìn sá ujanjakpil, ní Sadooki nì Abiyataar nìn sá bisaraaŋaliibi. 5 Naatan jipɔɔn Asariyawuu di nìn sá kɔmandambi kpiliu, ní Naatan jipɔɔn Sabuudi sá usaraaŋal nì ubɔti saŋkiliu. 6 Ayiisaar di nìn sá ubɔti cindi tɔntɔnliibi kpiliu, ní Abidaa jipɔɔn Adooniiram sá bin kpèé diwɔ́bil tundee.

7 Ubɔti nìn gíti cáá kɔmandambi saalaa nì bili bin u kāaǹ Isirayeel tiŋki kɔkɔ puee. Bíǹ di nìn nyàab̀ tijin ki tìì ubɔti nì u-dicaŋkun yab. Bi-kansikin báà ŋma nìn cáá uŋmal ubɔ dibindi poon kí nyàab̀ tijin kí tīī ubɔti nì u-dicaŋku. 8 Kɔmandambi gbanti yiŋŋi sɔ̀.

Uur jipɔɔn di nìn kpèé Eefiraayiim jooŋŋi,

9 ní Deekeeri jipɔɔn kpèé Makaasi nì Saalbiim nì Beeti-Seemeesi nì Eeloon-Beeti-Anaani,

10 ní Eeseedi jipɔɔn kpèé Arubooti tiŋki. Úǹ di nìn kpèé ki kpáaǹ Sookoo nì Eefeer timmu kɔkɔ,

11 ní Abinadaab jipɔɔn kpèé Dɔɔr tiŋki kɔkɔ. Úǹ di nìn cáá Saloomɔn bisal Tafaati,

12 ní Ayiiluudi jipɔɔn Baana kpèé Taanaki nì Meegiidoo nì Beeti-Seeyan timmu kɔkɔ - Beeti-Seeyan tiŋki nìn bí ki pìl̄ Saartan nì Jisirayeel ŋgan pú kí yòon̄ Abeel-Meewoola kí cáá sāā Yookimoowaam tiŋki.

13 Geebeer jipɔɔn di nìn kpèé Ramooti tiŋki kin bí Galaadee nì Manasee jipɔɔn Yayiir timbilimmu mun bí Galaadi tiŋkpaaŋkinee nì Argoob tiŋki kin bí Baasan tiŋkpaaŋkinee. Kitiŋkpaaŋŋi gbanti nìn cáá ntimu imuŋku ita bi máń agun ki tú-mu. Mu nìn cáá punuubi bin bi cáá tasa kúti kpàlkaati ki kpàl̀ee,

14 ní Idoo jipɔɔn Ayiinadaab kpèé Mayanayiim tiŋkpaaŋki,

15 ní Ayiimaasi kpèé Neefitalii tiŋkpaaŋki. U mun nìn tí cáá Saloomɔn bisal ubɔ ní, bi yíì-u Basmaati.

16 Usayii jipɔɔn Baana di nìn kpèé Aseer nì Beeyalooti timmu,

17 ní Paruuya jipɔɔn Yeewoosafaati kpèé Isakaar tiŋkpaaŋki,

18 ní Eela jipɔɔn Simeeyii kpèé Beenjameen tiŋkpaaŋki,

19 ní Urii jipɔɔn Geebeer kpèé Galaadi tiŋki nì Amɔɔr yab bɔtiu Siiwɔn nì Baasan bɔtiu Ɔɔgi timmu.

Kɔmandan ubɔ mun nìn gíti bí Juuda tiŋkin.

20 Juuda yab nì Isirayeel yab nìn wīikí kii tiŋku gbandi bulee ní. Bi nìn jīǹ ki nyù ní ki bí dipɔɔpindin.