Joosuwa Gbɔŋku 19

Simeeyɔn naakookun yab tinjandi

1 Bi nín nìn tɔ́ kasi nliliitiimee, an nìn lēē Simeeyɔn naakookun yab tinjandi ní ki tīī-bi ki nóó nì bi nín nìn pēē pēē mmaal puee. Bi-tinjandi gbanti nìn sáká Juuda naakookun yab timmu kansikin ní. 2 Simeeyɔn naakookun yab gbanti timmu di nìn sá Beerseeba nì Seeba nì Moolada, 3 nì Asaar-Suwaal nì Baala nì Eeseem, 4 nì Eeltoolaadi nì Beetuul nì Ɔrima, 5 nì Siikilaagi nì Beeti-Markabooti nì Asaar-Suusa, 6 nì Beeti-Leebawɔti nì Seeruyeen. Mu nìn nyáń ntimu saalaa nì muta ní, mu nì mu-timbilimmu. 7 Bi-timmu di nìn gíti sá Ayiin nì Riimɔn nì Eeteer nì Asaar. Mu nìn kpáfì ntimu munaa ní, mu nì mu-timbilimmu. 8 Kí yòon̄ ntimbilimu mun māntìi tú-muee kɔkɔ, kí tin cáá bà Balaati-Beer àá Ramati-Neegeeb tiŋkee, Simeeyɔn naakookun yab di nìn yì kɔkɔ, ki nóó nì bi nín nìn pēē pēē mmaal puee. 9 Juuda naakookun yab tinjandi ní bi nìn gíí ki tīī Simeeyɔn naakookun yab. Di sá yii bi nín nìn ŋmāntì ditinjandi din ki tīī Juuda naakookun yabee nìn wīikí tikpil ki jítiǹ-bi, an pu ní bi nìn gíí ki bātì ki dūu tīī Simeeyɔn naakookun yab.

Sabulɔn naakookun yab tinjandi

10 Bi nín nìn tɔ́ kasi ntataatiimee, an nìn lēē Sabulɔn naakookun yab tinjandi ní ki tīī-bi ki nóó nì bi nín nìn pēē pēē mmaal puee. Bi-tinjandi kpaanyɔkɔ nìn gbēeǹ Sariidi tiŋki ní. 11 Ki yōoǹ niinee ní ki nín jɔ́ḿ ŋwìiń jeetilaŋki pú ki tin sāā Mareeyala tiŋki nì Deebaseeti tiŋki nì mbun ŋun jītí Yɔkineeyam tiŋki nyɔkɔpuee. 12 Ki yōoǹ Sariidi tiŋki ŋwìiń nyalaŋki púee ní ki dūu pɔ́ĺ ki cūtì Kiisilɔti-Tabɔɔr tiŋki kpaanyɔkɔ, ki dūu dī Dabeerati tiŋki ní ki nín jɔ́ḿ Yafiya tiŋkin. 13 Niinee ní ki nìkī ki nín cá ŋwìiń nyalaŋki pú, Gaati-Eefeer nì Ita-Kasiin timmu watil pú ki tin nyáń Riimɔn tiŋki pu, ní ki pɔ́ĺ ki nín cá Neeya tiŋki watil pú. 14 Kikpaanyɔkɔ māntì Neeya tiŋki ŋgan pú ní ki tin bàn̄ Yiifita-Eel tantakalin. 15 Ditinjandi gbanti timmu di nìn sá Kataati nì Naalal nì Simroon nì Yideeyala nì Beetileem. Mu nìn nyáń ntimu saalaa nì muli ní, mu nì mu-timbilimmu^a. 16 Sabulɔn naakookun yab timmu nì mu-timbilimmu mun bi nìn tīī-bi bi yākatì ki nóó nì bi nín pēē pēē mmaal puee dee.

Isakaar naakookun yab tinjandi

17 Bi nín nìn tɔ́ kasi nnanaatiimee, an nìn lēē Isakaar naakookun yab tinjandi ki tīī-bi ki nóó nì bi nín nìn pēē pēē mmaal puee. 18 Ntimu mun nìn bí bi-tinjandi poonee di sá Jisirayeel nì Keesulooti nì Suneem, 19 nì Afarayiim nì Siiyoon nì Anaarati, 20 nì Rabiiti nì Kiisiyɔn nì Eebeesi, 21 nì Reemeeti nì Eeni-Ganiim nì Eeni-Ada nì Beeti-Paseesi. 22 Bi-tinjandi gbanti poon ní Tabɔɔr nì Saasiim nì Beeti-Seemeesi timmu mun nìn gíti bí. Bi-kpaanyɔkɔ nìn sá Jɔɔdan buŋŋu ní. Mu nìn nyáń ntimu saalku nì kiba ní, mu nì mu-timbilimmu. 23 Isakaar naakookun yab timmu nì mu-timbilimmu mun bi nìn tīī-bi bi yākatì ki nóó nì bi nín nìn pēē pēē mmaal puee dee.

Aseer naakookun yab tinjandi

24 Bi nín nìn tɔ́ kasi ŋŋmooŋmootiimee, an nìn lēē Aseer naakookun yab tinjandi ní ki tīī-bi ki nóó nì bi nín nìn pēē pēē mmaal puee. 25 Ntimu mun nìn bí bi-tinjandi poonee di nìn sá Eelkaati nì Alii nì Beeteen nì Akisaafi, 26 nì Alameeleeki nì Amaadi nì Miiseeyaal ki tin cáa sāā Kaarmeel jool ŋwìiń jeetilaŋki pú, nì Siikɔɔr-Liibinati tiŋki. 27 Ŋwìiń nyalaŋki púee, kikpaanyɔkɔ nìn dūu túĺ Beeti-Daagɔn tiŋki watil pú ní ki tin sāā Sabulɔn naakookun yab tinjandi kpaanyɔkɔ nì Yiifita-Eel tantakal. Niinee ní kì nìkī ŋgan pú ki tin sāā Beeteemeeki nì Neeyeel. Kì yíkì niinee ní ki nín cá Kabuul, 28 nì Abidɔn nì Reewoob nì Amoon nì Kana ní ki tin sāā Siidɔn, kitiŋkpaaŋŋi. 29 Niinee ní kikpaanyɔkɔ fātìi pɔ́ĺ ki cūtìi jítì Raama tiŋki ki nín cá Tiir, kitiŋ kin bi máń digundi ki māntìi túee, ní ki nìkī ki nín cá Oosa tiŋki watil pú ki tin sāā Meediiteeranee tiŋkuu. Kì nìn dūu dī Maaleeb tiŋki nì Akisiib tiŋki, 30 nì Uma nì Afeeki nì Reewoob timmu. Mu nìn nyáń ntimu mmuŋku nì muli ní, mu nì mu-timbilimmu. 31 Aseer naakookun yab timmu nì mu-timbilimmu mun bi nìn tīī-bi bi yākatì ki nóó nì bi nín pēē pēē mmaal puee dee.

Neefitalii naakookun yab tinjandi

32 Bi nín nìn tɔ́ kasi nluluutiimee, an nìn lēē Neefitalii naakookun yab tinjandi ní ki tīī-bi ki nóó nì bi nín nìn pēē pēē mmaal puee. 33 Bi-kpaanyɔkɔ nìn kíĺ Eeleefi tiŋki ní, ki yōoǹ seeni subu bun yú Saananiim tiŋkinee ki nín cá Adamii-Neekeeb nì Yabineeyeel timmu ki bàn̄ Lakuum tiŋki, ní ki tin sāā Jɔɔdan buŋŋu. 34 Ŋwìiń jeetilaŋki púee, kì nìn fātìi dūu dī Asinɔti-Tabɔɔr tiŋki watil pú, ki cāatì ki nín cá Ukooki tiŋki watil pú. Kì nìn gūū Sabulɔn yab kpaanyɔkɔ ŋgan pú, ní ki gūū Aseer yab kpaanyɔkɔ ŋwìiń jeetilaŋki pú, Yeewuuda tiŋkin. Ŋwìiń nyalaŋki púee, Jɔɔdan buŋŋu di nìn sá kikpaanyɔkɔ. 35 Ntimu mun bi nìn máń agun ki māntìi túee di sá Siidiim nì Seer nì Amaati nì Rakaati nì Kiineereeti, 36 nì Adama nì Raama nì Asɔɔr, 37 ní Keedeesi nì Eedreeyii nì Eeni-Asɔɔr, 38 nì Yirɔn nì Miigidaal-Eel nì Ooreem nì Beeti-Anaati nì Beeti-Seemeesi. Mu nìn nyáń ntimu kiba kpá mmuŋku ní, mu nì mu-timbilimmu. 39 Neefitalii naakookun yab timmu nì mu-timbilimmu mun bi nìn tīī-bi bi yākatì ki nóó nì bi nín nìn pēē pēē mmaal puee dee.

Daani naakookun yab tinjandi

40 Bi nín nìn tɔ́ kasi nluluútiimee, an nìn lēē Daani naakookun yab tinjandi ní ki tīī-bi ki nóó nì bi nín nìn pēē pēē mmaal puee. 41 Ntimu mun nìn bí bi-tinjandi poonee di nìn sá Sooreeya nì Eesitawool nì Iir-Seemeesi, 42 nì Saalabiin nì Ayalɔn nì Yiitila, 43 nì Eelɔn nì Tiimina nì Eekrɔn, 44 nì Eelteekee nì Giibeetɔn nì Balaati, 45 nì Yeewuudi nì Beenee-Beeraki nì Gaati-Riimɔn, 46 nì Yaarkɔn buŋŋu nì Raakɔn, ní kí kūtì kitiŋ kin dɔ̄ Yaafoo tiŋki nyɔkɔpuee kɔkɔ. 47 Ama Daani naakookun yab nìn fá bi-tinjandi ní ki cūtìi jáń nì Leeseem tiŋki yab. Bi nìn jáń ki fōō bi-tiŋki ki kūū bi-kɔkɔ ní ki kāl̀ bi-tiŋki pu. Bi nìn pú kitiŋ gbanti diyindi yii Daani kii bi nín nìn yíì bi-naanja puee. 48 Daani naakookun yab timmu nì mu-timbilimmu mun bi nìn tīī-bi bi yākatì ki nóó nì bi nín nìn pēē pēē mmaal puee dee.

49 Isirayeel yab nín nìn yākatì kitiŋ ki nóó nì kunaakoou kamaa nì ku-kpaanyɔkɔ ki dóòyee, bi nìn lēē bi-tinjaŋŋi poon ditinjandi diba ki tīī Nuuni jipɔɔn Joosuwa. 50 Kii ti-Dindaan nín nìn lī puee, bi nìn tīī-u kitiŋ kin u nìn bālifèe ní. Kitiŋ gbanti di nìn sá Tiiminati-Seera tiŋki kin bí Eefiraayiim jool puee. Joosuwa nìn fātìi máń kitiŋ gbanti ní ki nìn kíǹ ki kóò niin.

51 Usaraaŋakpil Eeleeyasaar nì Nuuni jipɔɔn Joosuwa nì Isirayeel yab naakɔti poon adican kpilib di nìn tɔ́ kasi ki yākatì ntimu gbanti. Siiloo tiŋkin, ti-Dindaan nimbiin, circir kɔŋkooŋŋu nyɔkɔpu ní bi nìn tɔ́ kasi gbanti. Bi nìn ŋá míǹ ní ki yākatì Kanaan tiŋki kɔkɔ ki dāa dóò.