Joosuwa Gbɔŋku 15

Juuda naakookun yab tinjandi

1 Bi nìn tɔ́ kasi ki lēē ditinjandi ki tīī Juuda yab bi dūu yākatì ki nóó nì bi nín pēē pēē mmaal puee. Bi-tinjandi gbanti nìn dɔ̄ kí kíĺ Siini teeku nín kúntí pu ŋgiil púee kí tin sāā Eedoom tiŋki kpaanyɔkɔ. 2 Ŋgiil pú púee, bi-kpaanyɔkɔ nìn kíĺ Ŋyaam mɔɔl gbeenlaŋki, laakin kitiŋ tin kóò dimɔɔlin ní an náań nì dilimbil ki túĺ Neegeeb teeku púee. 3 Ki yōoǹ niinee ki dūu dī Akrabiim gbantaŋki Siini teeku ŋgiil pú, ki nín jɔ́ḿ Kadeesi-Baarneeya tiŋki ŋgiil pú ki tin bàn̄ Eesirɔn tiŋkin. Ki yōoǹ niin ki nín jɔ́ḿ Adaar tiŋkin ní ki pɔ́ĺ ki cūtì Karka tiŋki watil pú, 4 ki jítì Asimɔn tiŋki pu ki tin bàn̄ Eejipiti buŋŋu^a ní ki tin sāā Meediiteeranee tiŋkuu. Ŋgiil púee, Juuda yab tinjandi din bi fōōyee kpaanyɔkɔ dee.

5 Ŋwìiń nyalaŋki púee, bi-tinjandi kpaanyɔkɔ kíĺ Ŋyaam mɔɔl ki cáa sāā Jɔɔdan buŋŋu nín kúntí puee. Ŋgan púee, kikpaanyɔkɔ kíĺ Ŋyaam mɔɔl laakin náań nì dilimbilee ki cáa sāā Jɔɔdan buŋŋu nín kúntí puee. 6 Ki yōoǹ niinee ki nín jɔ́ḿ Beeti-Oogila tiŋki, ki dī Beeti-Arabaa ŋgan pú ki tin sāā laakin bi yíì yii Rubeen jipɔɔn Bookan taŋkpalee. 7 Kikpaanyɔkɔ yōoǹ niinee ní ki dūu dī Akɔɔr tantakalin ki tin bàn̄ Deebiir tiŋki. Ki pɔ́ĺ ŋgan pú ki nín cá Geeliilɔti tiŋki kin bí Adumiim gbantaŋki nimbiinee watil pú, mbun nín dɔ̄ puee ŋgiil pú. Ki nìkī ki nín cá Eeni-Seemeesi buŋŋu pú ní ki tin bàn̄ Eeni-Roogeel. 8 Niinee ní kikpaanyɔkɔ fātìi nín jɔ́ḿ Been-Kiinoom tantakal pú, Jeebusi yab tiŋki kin bi gíti yíì yii Jeerusaleem tiŋkee caŋin. Niinee ní ki nín jɔ́ḿ dijool din bí Kiinoom tantakal nimbiin ŋwìiń jeetilaŋki pú, nì Reefayiim gbantaŋki kúntilaŋki ŋgan púee yilpu. 9 Kikpaanyɔkɔ yíkì dijool yilpuee ní ki sīntì Neefitoowa nyimbuliŋu watil pú ní ki nín nìkì Eefrɔn jool timmu pu, ki pɔ́ĺ ki nín cá Baala tiŋki kin bi gíti yíì yii Kiiriyati-Yeeyariim tiŋkee watil pú. 10 Kikpaanyɔkɔ yōoǹ Baala tiŋkee ní ki pɔ́ĺ ŋwìiń jeetilaŋki pú ki nín cá Seeyiir jool watil pú, ki kpākaǹ Yaariim jool din bi gíti yíì yii Keesalɔn joolee ŋgan pú, ki nín sìntī Beeti-Seemeesi tiŋkin ki cūtìi pūntì Tiimina tiŋki. 11 Ki yōoǹ niinee ní ki cáa bàn̄ Eekrɔn tiŋki caŋin ŋgan pú, ní ki pɔ́ĺ ki nín cá Siikaroon tiŋki watil pú, ki nín nìkì Baala jool nì Yabineeyeel tiŋki watil pú ní ki tin cáa sāā Meediiteeranee tiŋkuu.

12 Ŋwìiń jeetilaŋki púee, Meediiteeranee tiŋkuu di nìn sá kikpaanyɔkɔ.

Ditinjandi din bi tīī Juuda naakookun yab bi yākatì ki nóó nì bi nín pēē pēē mmaal puee kpaanyɔmmu dee.

13 Yeefunee jipɔɔn Kaleeb mun nìn fōō kitiŋ Juuda yab tinjandi poon ki nóó nì ti-Dindaan nín nìn tùkū Joosuwa yii ú ŋá puee. Bi nìn tīī-u Kiiriyati-Ariba tiŋki kin nìn sá Anaaki yab tiŋki bi kíǹ ki yíì díǹ pu nee yii Eebrɔn tiŋkee ní. Arba di nìn sá Anaaki baa. 14 Kaleeb nìn jìn̄ Anaaki jipɔmbi taatil bin nìn bí niinee naantiibi. U-jipɔmbi gbanti yiŋŋi di nìn sá Seesayi nì Akiimaani nì Talimayi. 15 Boonee ní u nìkī ki cūtìi jáń nì Deebiir tiŋki kin bi nìn yíì dooooyee yii Kiiriyati-Seefeer tiŋkee yab. 16 Niin ní Kaleeb bí yii: «Un di yaa ŋúń ki jáń nì Kiiriyati-Seefeer yab ki fōō bi-tiŋkee, m làá dū m-bisal Akisa kí tīī udaan ú cáá.» 17 Ní Kaleeb nabiki Keenaasi jipɔɔn Ootiniyeel ŋúń ki jáń ki fōō kitiŋ gbanti. Di sá ní Kaleeb dū u-bisal Akisa ki tīī-u u cáá. 18 Akisa bàn̄ u-cal ceeyee ní ki sāal̀-u ú bàlifì u-baa ú tīī-u tikpaatan. Boonee ní u kpákatì u-maŋki pu ní u-baa Kaleeb bālifì-u yii: «A là ba ní?» 19 Ní u kii yii: «M là kí mèè-si tiba ní. Di sá yii a tīī-mi ntimu Neegeeb teekun ní, an puee á tīī-mi anyimbɔbil mun!» Ní Kaleeb tīī-u anyimbɔbil ŋin bí yilpu puee nì ŋin bí taapu puee.

20 Ditinjandi din bi nìn tīī Juuda naakookun yab ki nóó nì bi nín pēē pēē mmaal puee sɔ̀.

21 Kunaakoou gbanti tinjandi poonee, ntimu mun kúntì ŋgiil pú, Eedoom tiŋki kpaanyɔkɔ watil púee di sá Yabiseel nì Eedeer nì Yaguur, 22 nì Kiina nì Diimoona nì Adaada, 23 nì Keedeesi nì Asɔɔr nì Yitinan, 24 nì Siifi nì Teeleem nì Beeyalooti, 25 nì Asɔɔr-Adaata nì Keeriyooti-Eesirɔn tiŋki kin bi gíti yíì yii Asɔɔr tiŋkee, 26 nì Amaam nì Seema nì Moolada, 27 nì Asaar-Gada nì Eesmɔn nì Beeti-Peeleeti, 28 nì Asaar-Suwaal nì Beerseeba tiŋki nì ki-timbilimmu kɔkɔ, 29 nì Baala nì Iyiim nì Eeseem, 30 nì Eeltoolaadi nì Keesiil nì Ɔrima, 31 nì Siikilaagi nì Madimana nì Sansaana, 32 nì Leebawɔti nì Siiliim nì Ayiin nì Riimɔn. Ntimu gbanti nìn kpáfì mmuŋku nì muwa ní, mu nì mu-timbilimmu.

33 Ntimu mun bí Seefeelaa paal puee di sá Eesitawool nì Sooreeya nì Aseena, 34 nì Sanoowa nì Eeni-Ganiim nì Tapuuwa nì Eeniyam, 35 nì Yaarmuti nì Adulaam nì Sookoo nì Aseeka, 36 nì Saarayiim nì Aditayiim nì Geedeera tiŋki nì ki-timbilimmu. Mu nìn kpáfì ntimu kiba kpá saalku ní, mu nì mu-timbilimmu. 37 Ntimu mun nìn kíǹee di sá Seenan nì Adaasa nì Miigidaal-Gaadi, 38 nì Diileeyan nì Miisipee nì Yɔkiteel, 39 nì Lakiisi ní Bɔsikaati nì Eeglɔn, 40 nì Kaboon nì Lakimaasi nì Kiitiliisi, 41 nì Geedeerooti nì Beeti-Daagɔn nì Naama nì Makeeda. Mu nìn kpáfì ntimu saalku nì kiba ní, mu nì mu-timbilimmu. 42 Ntimu mubɔ mun di sá Liibina nì Eeteer nì Asan, 43 nì Yiifita nì Asina nì Neesiib, 44 nì Keeyiila nì Akisiib nì Mareesa. Mu mun nìn kpáfì ntimu muwa ní, mu nì mu-timbilimmu. 45 Ntimu mun nìn gíti kútèe di sá Eekrɔn tiŋki nì ki-timbilimmu nì ntimbilimu mun bí ki-taapuee kɔkɔ, 46 nì Eekrɔn tiŋki ŋwìiń jeetilaŋki pú nì ntimu mun kɔkɔ pée pìlīǹ Asidoodi tiŋkee nì mu-timbilimmu kɔkɔ, 47 nì Asidoodi tiŋki nì ki-timbilimmu nì ntimbilimu mun bí ki-taapuee kɔkɔ. Kí kūtì Gaasaa tiŋki nì ki-timbilimmu nì ntimbilimu mun bí ki-taapuee kɔkɔ ki tin cáa sāā Eejipiti buŋŋu nì Meediiteeranee tiŋkugbandi.

48 Ntimu mun bí dijool puee di sá Samiir nì Yatiir nì Sookoo, 49 nì Dana nì Kiiriyati-Sana tiŋki kin bi yíì yii Deebiir tiŋkee, 50 nì Anaab nì Eesiteemoo nì Aniim, 51 nì Gooseen nì Ɔlooni nì Giiloo. Mu nìn kpáfì ntimu saalaa nì muli ní, mu nì mu-timbilimmu. 52 Ntimu mun nìn gíti kútèe di sá Araab nì Duuma nì Eeseeyan, 53 nì Yanuum nì Beeti-Tapuuwa nì Afeeka, 54 nì Umita nì Kiiriyati-Ariba tiŋki kin bi gíti yíì yii Eebrɔn tiŋkee, nì Siiyɔɔr. Mu nìn kpáfì ntimu muwa ní, mu nì mu-timbilimmu. 55 Ki kútì Maawɔn nì Kaarmeel nì Siifi nì Yuuta, 56 nì Jisirayeel nì Yɔkideeyam nì Sanoowa, 57 nì Kaayiin nì Giibeeya nì Tiimina. Mu nìn kpáfì ntimu saalaa ní, mu nì mu-timbilimmu. 58 Ntimu mun nìn gíti kútèe di sá Aluuli nì Beeti-Suur nì Geedɔɔr, 59 nì Maarati nì Beeti-Anooti nì Eelteekooni. Mu nìn kpáfì ntimu muluu ní, mu nì mu-timbilimmu, 60 ní ki kútì Kiiriyati-Baal tiŋki kin bi gíti yíì yii Kiiriyati-Yeeyariim tiŋkee nì Arabaa tiŋki. Múǹ nìn sá ntimu muli ní, mu nì mu-timbilimmu.

61 Ntimu mun nìn bí kuteeunee di sá Beeti-Arabaa nì Miidiini nì Seekaka, 62 nì Niibisan nì Iir-Ameela nì Eeni-Geedii. Mu nìn kpáfì ntimu muluu ní, mu nì mu-timbilimmu.

63 Ama Juuda yab kaa nìn ŋúń ki jìn̄ Jeebusi yab bin nìn kóò Jeerusaleem tiŋkinee ki fōō bi-tiŋki. An pu ní díǹ pu nee Jeebusi yab dáá gbíntìi kóò Jeerusaleem tiŋkin, Juuda naakookun yab kansikin.