Joosuwa Gbɔŋku 12

Bibɔtiibi bin Isirayeel yab jáń ki pɔ́ɔkiǹee yiŋŋi

1 Isirayeel yab nìn jáń ki pɔ́ɔkiǹ bibɔtiibi bili ki fōō bi-timmu Jɔɔdan buŋŋu ŋwìiń nyalaŋki pú, kí yòon̄ Arinɔn buŋŋu kí tin cáá sāā Eermɔn jool, ki kpáaǹ ditantakal din bí ŋwìiń nyalaŋki jandi púee kɔkɔ. 2 Upeepeekaa di nìn sá Amɔɔr yab bɔtiu Siiwɔn un nìn kóò Eesbɔn tiŋkinee. U-beel nìn kífí kí yòon̄ Arooweer tiŋki kin nákáǹ Arinɔn buŋŋuee, nì ntimu mun kɔkɔ bí ki pìlīǹ mbun gbantee, nì Galaadi tiŋki dijandi diba, kí tin cáá sāā Yaabɔki buŋŋu ŋun sá Amɔn yab tiŋki kpaanyɔkɔee. 3 Ŋwìiń nyalaŋki púee, u-tiŋki di sá kí yòon̄ ditantakal kí cáá bà Kiineereeti mɔɔl din bí ŋgan púee. Kí yòon̄ míǹ kí cáá bà Ditantakal mɔɔl din bi gíti yíì yii Ŋyaam mɔɔlee jandi din bí ŋwìiń nyalaŋki púee, Beeti-Yeesimooti tiŋki watil pú, ní kí yòon̄ ŋgiil pú kí tin bà Piisga jooŋŋi nín wúntí puee taapu. 4 Uliliiti di nìn sá Baasan tiŋki bɔtiu Ɔɔgi un nìn sá Reefa^a yab bin pée kíǹ kitiŋ puee ubɔee. U nìn kóò Asitarooti nì Eedreeyii timmun ní. 5 U-beel nìn jīǹ kí yòon̄ Eermɔn jool nì Saleeka tiŋki nì Baasan tiŋki kɔkɔ kí tin cáá sāā Geesuur yab nì Maaka^b yab kpaanyɔkɔ nì Galaadi tiŋki dijandi diba kí cáá sāā Eesbɔn bɔtiu Siiwɔn tiŋki kpaanyɔkɔ. 6 Ti-Dindaan tɔntɔnliu Mooyiisi nì Isirayeel yab nìn jáń ki pɔ́ɔkiǹ bibɔtiibi gbanti liitil ní Mooyiisi nìn dū bi-tiŋki kɔkɔ ki tīī Rubeen nì Gaadi naakɔti nì Manasee naakookun yab dijandi diba bí nīn kíǹ ki yì.

7 Joosuwa nì Isirayeel yab nìn jáń ki pɔ́ɔkiǹ bibɔtiibi bin timmu bí Jɔɔdan buŋŋu ŋwìiń jeetilaŋki jaaŋŋi púee. Bi-timmu gbanti nìn dɔ̄ kí yòon̄ Baal-Gaadi tiŋki kin bíń Leebanɔn tantakalinee, kí dāá sāā Alaaki jool din bí ki cá Seeyiir tiŋki watil púee. Ntimu gbanti ní Joosuwa nìn dūu yākatì ki tīī Isirayeel yab bí nīn kíǹ ki yì, ki nóó nì bi-naakɔti nín sá puee. 8 Múǹ di sá ntimu mun bí ajoon pu nì Seefeelaa paal puee, nì Arabaa teekunee, nì ajoon tikiŋŋi pu nì kuteeunee nì Neegeeb teekunee. Ntimu gbantin ní Amɔɔr yab nì Kanaan yab nì Peeriisi yab nì Eefi yab nì Jeebusi yab nìn kóò. 9 Bibɔtiibi bin bi nìn jáń ki pɔ́ɔkiǹee sèé. Jeeriikoo bɔtiu, Aayi tiŋki kin pìlīǹ Beeteelee bɔtiu, 10 Jeerusaleem bɔtiu, Eebrɔn bɔtiu, 11 Yaarmuti bɔtiu, Lakiisi bɔtiu, 12 Eeglɔn bɔtiu, Geeseer bɔtiu, 13 Deebiir bɔtiu, Geedeer bɔtiu, 14 Ɔrima bɔtiu, Araadi bɔtiu, 15 Liibina bɔtiu, Adulaam bɔtiu, 16 Makeeda bɔtiu, Beeteel bɔtiu, 17 Tapuuwa bɔtiu, Eefeer bɔtiu, 18 Afeeki bɔtiu, Lasarɔn bɔtiu, 19 Maadoon bɔtiu, Asɔɔr bɔtiu, 20 Simroon-Meeroon bɔtiu, Akisaafi bɔtiu, 21 Taanaki bɔtiu, Meegiidoo bɔtiu, 22 Kadeesi bɔtiu, Yɔkineeyam tiŋki kin bí Kaarmeel jool puee bɔtiu, 23 Dɔɔr tiŋki kin bí Dɔɔr tantakalinee bɔtiu, Gooyiim tiŋki kin bí Giilgaalee^c bɔtiu, 24 Tiirsa bɔtiu. Bibɔtiibi gbanti kɔkɔ nìn kpáfì binib mmuŋku nì saalaa nì ubɔ ní.